រាជធានីភ្នំពេញ ៖ ដើម្បីកំណត់អ្នកមិនទៅបោះឆ្នោតឈរឈ្មោះឲ្យគេបោះឆ្នោតបាន សម្តេចតេជោ ហ៊ុនសែន នាយករដ្ឋមន្ត្រីបានដល់ប្រធានរដ្ឋសភាប្រធានព្រឹទ្ធសភាជួយរាជរដ្ឋាភិបាលក្នុងការធ្វើវិសោធនកម្មច្បាប់ស្តីពីការបោះឆ្នោតសកល និងអសកល ។ ក្នុងពិធីសំណេះសំណាលជាមួយកម្មករកម្មការិនីជិត២ម៉ឺននាក់ ក្នុងរាជធានីភ្នំពេញ…
រាជធានីភ្នំពេញ ៖ ដើម្បីកំណត់អ្នកមិនទៅបោះឆ្នោតឈរឈ្មោះឲ្យគេបោះឆ្នោតបាន សម្តេចតេជោ ហ៊ុនសែន នាយករដ្ឋមន្ត្រីបានដល់ប្រធានរដ្ឋសភាប្រធានព្រឹទ្ធសភាជួយរាជរដ្ឋាភិបាលក្នុងការធ្វើវិសោធនកម្មច្បាប់ស្តីពីការបោះឆ្នោតសកល និងអសកល ។
ក្នុងពិធីសំណេះសំណាលជាមួយកម្មករកម្មការិនីជិត២ម៉ឺននាក់ ក្នុងរាជធានីភ្នំពេញ នាព្រឹកថ្ងៃទី១៣ មិថុនា ឆ្នាំ២០២៣ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាបានស្នើដល់សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា និងសម្ដេចពញាចក្រី ហេង សំរិន ប្រធានរដ្ឋសភា ដើម្បីជួយដល់រាជរដ្ឋាភិបាលក្នុងការស្នើធ្វើវិសោធនកម្មច្បាប់ស្ដីពីការបោះឆ្នោតទាំងការបោះឆ្នោតសកល និងអសកល ។
សម្ដេចតេជោ បានគូសបញ្ជាក់យ៉ាងដូច្នេះថា ៖«ការស្នើធ្វើវិសោធនកម្មច្បាប់ស្ដីពីការបោះឆ្នោតនេះ គឺបន្ថែមតែមួយចំណុចប៉ុណ្ណោះដោយកំណត់ថា អ្នកដែលមិនទៅបោះឆ្នោត គឺមិនអាចឈរឈ្មោះឲ្យគេបោះឆ្នោតបានឡើយ ។
ជាមួយគ្នានោះដែរ សម្ដេចតេជោ ហ៊ុន សែន ស្នើយ៉ាងដូច្នេះថា«ខ្ញុំសំណូមព រសម្ដេចប្រធានរដ្ឋសភាសម្ដេចប្រធានព្រឹទ្ធសភា មេត្ដាជួយដល់រាជរដ្ឋាភិបាល ក្នុងសំណើធ្វើវិសោធនកម្មច្បាប់បោះឆ្នោតទាំងអស់ ទាំងបោះឆ្នោតតំណាងរាស្ដ្រ បោះឆ្នោតព្រឹទ្ធសភា បោះឆ្នោតក្រុមប្រឹក្សាឃុំសង្កាត់ បោះឆ្នោតអសកលនានា គឺធ្វើទាំងអស់ ហើយថែមតែមួយចំណុចប៉ុណ្ណោះសិទ្ធិដែលមិនបានឈរឈ្មោះឲ្យគេបោះឆ្នោត គឺមិនបានទៅបោះឆ្នោតកន្លងផុតទៅ» ។
សម្ដេចតេជោ ហ៊ុន សែន គំនិតផ្ដួចផ្ដើមរបស់សម្ដេចក្នុងការស្នើធ្វើវិសោធនកម្មច្បាប់ស្ដីពីការបោះឆ្នោតនេះ ដោយសារមើលឃើញគំរូរបស់ប្រទេសថៃ ដែលបានអនុវត្តបែបនេះដោយតំណាងរាស្ដ្ររបស់គណបក្សមួយនៅប្រទេសថៃត្រូវបានដកហូតសិទ្ធិដោយសារមិនបានទៅចូលរួមបោះឆ្នោតនោះមានន័យថា មិនអាចឈរឈ្មោះឲ្យគេបោះឆ្នោតឲ្យខ្លួនបានឡើយ ។
ប៉ុន្ដែទោះជាយ៉ាងណា សម្ដេចតេជោ នាយករដ្ឋមន្ដ្រីមិនជ្រៀតជ្រែកចូលកិច្ចការ ផ្ទៃក្នុងរបស់ប្រទេសដទៃនោះឡើយដោយទាំងអស់នេះគ្រាន់តែជាព័ត៌មានដែលសម្ដេចទទួលបានតែប៉ុណ្ណោះ ។
ទាក់ទិនករណីនេះដែរ សម្ដេចតេជោ ហ៊ុន សែន បានគូសបញ្ជាក់ថា ការធ្វើវិសោធនកម្មច្បាប់ស្តីពីការបោះឆ្នោតនាពេលដ៏ខ្លីខាងមុខនេះ គឺជាការទះកំផ្លៀងមេដឹកនាំក្រុមប្រឆាំងដែលបានដាក់ចេញយុទ្ធនាការអំពាវនាវកុំឲ្យប្រជាពលរដ្ឋទៅបោះឆ្នោតនៅខែកក្កដា ឆ្នាំ២០២៣ខាងមុខនេះ ។
សម្តេចថា បើតាមគេដឹងយុទ្ធនាការនេះត្រូវបានរៀបចំដោយលោក រី គា សមាជិកអតីតគណបក្សសង្គ្រោះជាតិ នៅក្រៅប្រទេសដែលដាក់ចេញនូវពាក្យស្លោកថ្មីថា «ខ្ញុំមិនទៅបោះឆ្នោតជាសិទ្ធិរបស់ខ្ញុំ បើនៅតែបង្ខំខ្ញុំនឹងគូសខ្វែងសន្លឹកឆ្នោតចោល» ។
សម្តេចតេជោ ហ៊ុន សែន បានបន្តទៀតថា ពេលនេះសម្តេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងឯកឧត្តមកើត រិទ្ធ រដ្ឋមន្ត្រីក្រសួងយុត្តិធម៌កំពុងធ្វើការយ៉ាងលឿន ហើយត្រៀមដាក់ចូលរដ្ឋសភាអនុម័ត ដែលនឹងធ្វើឲ្យបានមុនយុទ្ធនាការឃោសនាបោះឆ្នោតចាប់ផ្តើម ៕
ចែករំលែកព័តមាននេះ