ខេត្តកំពង់ចាម ៖ នគរបាលស្រុកចំការលើបានសហការជាមួយនគរបាលស្រុកស្ទឹងត្រង់ កាលពីវេលាម៉ោង៦ល្ងាច ថ្ងៃទី៤ ឧសភា ឃាត់ជនសង្ស័យ២នាក់ឪពុកមា និងក្មួយដែលម្នាក់ឈ្មោះរ៉ុន ណាង ភេទប្រុស អាយុ៣១ឆ្នាំ ជាឪពុកមា និងម្នាក់ទៀតឈ្មោះរ៉ុន ពិសិដ្ឋ ភេទប្រុស អាយុ២៦ឆ្នាំ ជាក្មួយរស់នៅភូមិអូរបេង ឃុំមេ.សជ្រៃ ស្រុកស្ទឹងត្រង់
ខេត្តកំពង់ចាម ៖ នគរបាលស្រុកចំការលើបានសហការជាមួយនគរបាលស្រុកស្ទឹងត្រង់ កាលពីវេលាម៉ោង៦ល្ងាច ថ្ងៃទី៤ ឧសភា ឃាត់ជនសង្ស័យ២នាក់ឪពុកមា និងក្មួយដែលម្នាក់ឈ្មោះរ៉ុន ណាង ភេទប្រុស អាយុ៣១ឆ្នាំ ជាឪពុកមា និងម្នាក់ទៀតឈ្មោះរ៉ុន ពិសិដ្ឋ ភេទប្រុស អាយុ២៦ឆ្នាំ ជាក្មួយរស់នៅភូមិអូរបេង ឃុំមេ.សជ្រៃ ស្រុកស្ទឹងត្រង់ ។ ការចាប់ខ្លួននេះគឺធ្វើឡើងតាមបញ្ជារបស់លោក រៀល សុភិន ព្រះរាជអាជ្ញារងអមសាលាដំបូងខេត្តពីបទមនុស្សឃាត ។
លោកអនុសេនីយ៍ឯកអ៊ិត ដារ៉ា អធិការនគរបាលស្រុកចំការលើប្រាប់ឱ្យដឹងថា កាលពីរសៀលថ្ងៃទី២៧ មេសា ជនទាំង២នាក់បានគ្នាផឹកស្រានៅភូមិស្ពឺកើត ឃុំស្ពឺ ស្រុកចំការលើ រហូតដល់ស្រវឹង រួចបានជិះម៉ូតូC125 ពណ៌ខ្មៅ១គ្រឿង ស៊េរី២០០៥ ទៅស្វែងរកលក់ឱ្យអ្នកភូមិតម្លៃ៩០០ដុល្លារ ។ ក្នុងពេលជិះទៅដល់ផ្ទះឈ្មោះជ្រីន សុខហេង ភេទប្រុស អាយុ៣៩ឆ្នាំ រស់ភូមិស្ពឺកើត ឃុំស្ពឺ ស្រុកចំការលើ ដែលជាជាងជួសជុល និងលក់ម៉ូតូក៏បានសួរនាំរកទិញ។ ក្រុមអ្នកស្រវឹងនេះនិយាយថា បើលក់ម៉ូតូនេះដាច់នឹងទិញម៉ូតូគុបរបស់ជាងវិញ ។ ពេលមើលម៉ូតូគុបរបស់ជាងក៏បង្អាប់ថា ម៉ូតូស្ងោរថ្នាំមានន័យថា កោសថ្នាំចាស់បាញ់ថ្នាំថ្មី ហើយជាងឈ្មោះសុខ ហេង តបវិញថា បើស្ងោរថ្នាំមែន ខ្លួនហ៊ានភ្នាល់ដាក់លុយ ហើយភាគីអ្នកស្រវឹងក៏និយាយពីការដាក់ម៉ូតូតែម្តង ។ ដោយសារតែការនិយាយមិនចុះសម្រុងនឹងគ្នានោះ ក៏មានការប្រកែកជាពាក្យសម្តីទៅវិញទៅមកតឹងសរសៃក ។ មុនពេលភាគីស្រវឹងចេញទៅបានព្រលយពាក្យថា «បន្តិចទៀតងាប់ហើយ» រួចជិះម៉ូតូចេញទៅបាត់ ។
តាមប្រភពព័ត៌មានថា បន្ទាប់ពីការទាស់គ្នាផុតរលត់ទៅ ខណៈពេលជាងម៉ូតូកំពុងអោនឈ្ងោកធ្វើម៉ូតូជាធម្មតានៅផ្ទះរបស់ខ្លួននាម៉ោងជិត៦ល្ងាច ស្រាប់តែភាគីស្រវឹងពីថ្ងៃជិះម៉ូតូទៅដល់មុខផ្ទះកាន់កាំបិតកកុកកាប់ទាំងកម្រោលចំនួន៣កាំបិត បណ្តាលឱ្យរងរបួសធ្ងន់ធ្ងរ ហើយត្រូវសាច់ញាតិដឹកតាមរថយន្តទៅសង្គ្រោះនៅមន្ទីរពេទ្យកាល់ម៉ែតនារាជធានីភ្នំពេញ ។ រហូតដល់ម៉ោង១រំលងអធ្រាត្រឈានចូលថ្ងៃទី២៨ មេសា អ្នករងគ្រោះបានស្លាប់ ។
លោកអនុសេនីយ៍ឯកអ៊ិត ដារ៉ា អធិការនគរបាលស្រុកចំការលើបញ្ជាក់ថា ក្នុងពេលកើតហេតុភ្លាមៗនោះ សមត្ថកិច្ចមិនទាន់កំណត់ជនដៃដល់បានទេ តែក្រោមការស្រាវជ្រាវយ៉ាងយកចិត្តទុកដាក់របស់កម្លាំងប៉ុស្តិ៍រដ្ឋបាលឃុំស្ពឺ និងជំនាញព្រហ្មទណ្ឌស្រុក ព្រមទាំងខេត្តទើបកំណត់ទៅលើជន២នាក់នោះ ហើយឃាត់ខ្លួននៅម៉ោង៦ល្ងាចថ្ងៃទី៤ ឧសភា ឆ្នាំ២០១១ តាមការឯកភាពរបស់លោករៀល សុភិន ព្រះរាជអាជ្ញារងអមសាលាដំបូងខេត្ត ។ ចំណែកកាំបិតកកុកដែលជាឧបករណ៍កាប់ប្រហារអ្នករងគ្រោះត្រូវជនល្មើសយកទៅបោះចោលបាត់ហើយ ៕
ចែករំលែកព័តមាននេះ