អាជ្ញាធរស្រុកកំពង់ត្រាច ដឹកនាំដោយលោក ឡោ សុខន អភិបាលរងស្រុក បានចុះមកពិនិត្យ និងវាស់វែងដីបញ្ជុះស.ពចំនួន៦ នៅក្នុងភូមិបឹងធំ ឃុំអង្គសូរភី ស្រុកកំពង់ត្រាច ខេត្តកំពត ដោយមានភាគី
ខេត្តកំពត ៖ អាជ្ញាធរស្រុកកំពង់ត្រាច ដឹកនាំដោយលោក ឡោ សុខន អភិបាលរងស្រុក កាលពីព្រឹកថ្ងៃទី៩ ខែមិថុនា ឆ្នាំ២០២៣ បានចុះមកពិនិត្យ និងវាស់វែងដីបញ្ជុះស.ពចំនួន៦ នៅក្នុងភូមិបឹងធំ ឃុំអង្គសូរភី ស្រុកកំពង់ត្រាច ខេត្តកំពត ដោយមានភាគីជម្លោះទាំងសងខាងចូលរួមមាន ភាគីបងថ្លៃ និងប្អូនថ្លៃ រួមទាំងមន្ត្រីរៀបចំដែនដីនគរូបនីយកម្ម និងសំណង់ស្រុក ជាអ្នកវាស់វែងផងដែរ ។
លោក ឡោ សុខន អភិបាលរងស្រុកកំពង់ត្រាច បានមានប្រសាសន៍ថា ជម្លោះរឿងដីបញ្ជុះស.ពនេះ ដើមបណ្ដឹងឈ្មោះ លី យោង ភេទស្រី អាយុ៧៦ឆ្នាំ នៅភូមិបឹងធំ រួមទាំងស្ត្រីម្នាក់ទៀតត្រូវជាប្អូនស្រីឈ្មោះ លី យិ អាយុ៦៤ឆ្នាំ ។ ឯភាគីចុងចោទឈ្មោះ អ៊ុក ណារិន ត្រូវជាប្អូនថ្លៃស្រី ជាប្រពន្ធប្អូនប្រុសឈ្មោះ លី ផុង បានស្លា.ប់ទៅហើយ ។ ប៉ុន្តែដីកេរមរតកដូនតាពីដើមមានបងស្រី លី យោង និងលី យិ បានឱ្យប្អូនប្រុសឈ្មោះ លី ផុង ដែលបានស្លា.ប់ទៅហើយនោះធ្វើប្លង់ ។
ដោយឡែកដីបញ្ជុះស.ពដូនតាត្រូវបានអ្នកកាន់កា.ប់ប្លង់ជាប្អូនសាច់ថ្លៃ បានលក់ខ្លះ និងផ្នូរស.ពខ្លះទៀត មិនទាន់បានឈូសឆាយនៅឡើយទេ ។ តែត្រូវបានមន្ត្រីមូលដ្ឋានរួមទាំងមន្ត្រីសាលាស្រុកកំពង់ត្រាច បានជួលគ្រឿងចក្រវា.យព្រៃលើដីមានទំនាស់ដែលបានឆ្លើយដាក់គ្នា ។
លោកអភិបាលរងស្រុកកំពង់ត្រាចមានប្រសាសន៍ថា ជម្លោះដីមានប្លង់ និងដីអត់ប្លង់បញ្ចុះស.ពនេះ បងថ្លៃស្រី និងប្អូនស្រីសាច់ថ្លៃ ជាអ្នកកាន់កា.ប់ប្លង់ បានដោះស្រាយចំនួនបីដងមកហើយៗសំណុំរឿងនេះ ក៏បានទៅដល់ឯកឧត្តមអភិបាលខេត្តហើយដែរ ។
ប៉ុន្តែឯកឧត្តមអភិបាលខេត្តបានឱ្យខាងស្រុកចុះមករក្សាការពារដីផ្នូរស.ពទាំង៦ដែលនៅលើដីមានទំនាស់នេះ កុំឱ្យមានការប៉ះពាល់ និងផ្នូរស.ពនីមួយៗទុកដីជុំវិញផ្នូរទំហំ១០ម៉ែត្រ៤ជ្រុង ព្រោះស្ត្រីជាប្អូនថ្លៃឈ្មោះ អ៊ុក ណារិន មិនព្រមចែកដីទៅឱ្យបងថ្លៃឈ្មោះ លី យោង តាមការណែនាំរបស់ឯកឧត្តមអភិបាលខេត្តកំពត ៕
ចែករំលែកព័តមាននេះ