អ្នកពិឃា.តសត្វសុនខលក់ ក្រោយចុះធ្វើកិច្ចសន្យាបិទ គេចពីកន្លែងមួយទៅធ្វើកន្លែងមួយទៀត(វីដេអូ)
- បន្ទាយមានជ័យ
ខេត្តបន្ទាយមានជ័យ ៖ ពិតជាផ្គើនមែន… អ្នកដែលប្រកបមុខរបរពិឃា.តសត្វសុនខ (ឆ្កែ) លក់ ក្រោយពីធ្វើការចុះកិច្ចសន្យាបិទទីតាំងចាស់ រួចឱ្យត្រឡប់ទៅស្រុកកំណើតវិញនោះ បានគេចពីកន្លែងមួយទៅធ្វើនៅកន្លែងមួយទៀត ហើយថែមទាំងឮថា សង្ស័យមានអ្នកកាងទៀតផង ដែលមានទីតាំងស្ថិតភូមិពង្រ ឃុំតាផូ ស្រុកស្វាយចេក។
ជាក់ស្តែងកាលពីថ្ងៃទី០៣ ខែមិថុនា ឆ្នាំ២០២៣កន្លងទៅថ្មីៗនេះ បានទទួលព័ត៌មានថា មានកន្លែងពិឃា.តសត្វសុនខ ឬសត្វឆ្កែ នាំចេញលក់តាមបណ្តាខេត្តមួយចំនួន ហើយក៏បានចុះទៅពិនិត្យ និងថតរូបភាព រកឃើញថា សត្វសុនខជាប់ក្នុងទ្រុងមានប្រមាណជាង១០ក្បាល ដែលមិនទាន់បានពិឃា.ត។
តាមព័ត៌មានពីប្រជាពលរដ្ឋរស់នៅក្បែរនោះបានផ្តល់ព័ត៌មានថា ពួកគាត់ដែលស្រលាញ់សត្វ នៅពេលឃើញគេដើរដូរឆ្នាំងចាន ទុកទឹកកក និងដើរទិញយកមកកា.ប់ ហើយនាំចេញទៅលក់ដោយ១ថ្ងៃៗដាក់ចេញ២ទៅ៣ធុង ហើយក្នុង១ធុងគឺចាប់ពី៥ទៅ៦០ក្បាលដែលកា.ប់រួចរាល់ រួចដាក់ក្លាស្សេដឹកចេញយកទៅលក់តាមបណ្តាខេត្ត និងដាក់អោយម៉ូយទិញកា.ប់លក់ជាគីឡូផងដែរ។
ប្រជាពលរដ្ឋបានបញ្ជាក់ថា វាពិតជាគួរឱ្យសង្វេគណាស់ នៅពេលដែលគេពិឃា.តសត្វសុនខនេះ គឺគេដាក់ទ្រុងបង្អត់ចំណីអាហារ១ទៅ២ថ្ងៃ ហើយនៅពេលពិឃា.តនោះ គឺគេបោះទាំងទ្រុងចូលទៅក្នុងអាងទឹកទុករយៈពេល១០ទៅ១៥នាទីក្រោយ ដើម្បីអោយវាប្រកា.ច់ក្នុងទឹកលង់ងា.ប់ ទើបស្រង់យកមក រួចជ្រលក់ក្នុងខ្ទះទឹកក្តៅ ហើយកោសអោយស្អាតដាក់ក្នុងធុងទឹកកកគ្រប់ចំនួន២ទៅ៣ធុង ទើបដឹកចេញទៅលក់ម្តងៗ។
គួរំលឹកផងដែរថា កន្លងមក អ្នកសារព័ត៌មានធ្លាប់បានផ្សព្វផ្សាយកន្លែងដែលពិឃា.តសត្វសុនខ (ឆ្កែ) ដែលនាំចេញលក់ក្នុង១ថ្ងៃៗរាប់រយក្បាល ហើយត្រូវប្រជាពលរដ្ឋផ្តល់ព័ត៌មានជូន។ ក្រោយពីមានការផ្សព្វផ្សាយរួច មន្ត្រីពេទ្យសត្វបានចុះទៅពិនិត្យ ហើយធ្វើកិច្ចសន្យាបិទ និងបញ្ឈប់ធ្វើសកម្មភាពមាន២កន្លែង រួមមាន ៖ ១-ភូមិតាស្រី ឃុំតាផូ ស្រុកស្វាយចេក និង២- ភូមិព្រីងកោង ឃុំបុស្បៅ ស្រុកព្រះនេត្រព្រះ។ ហើយអ្នកពិឃា.តលក់សត្វសុនខ នៅក្រៅខេត្តអោយចាកចេញឈប់ធ្វើសកម្មភាពបន្តទៀត ហើយថែមទាំងព្រមា.នថា បើនៅបន្តធ្វើទៀត នឹងមានវិធានការតាមច្បាប់។
ប៉ុន្តែជាក់ស្តែងនៅថ្ងៃទី០៣ ខែមិថុនា ឆ្នាំ២០២៣នេះ អ្នកសារព័ត៌មានទទួលព័ត៌មានពីប្រជាពលរដ្ឋ រួចបានចុះទៅពិនិត្យ និងផ្ទិតយករូបភាព ហើយក៏ឃើញសកម្មភាពនៅតែបន្តពិឃា.តសត្វសុនខ រួចដឹកចេញលក់ដដែល ថែមទាំងមានអ្នកកាងអោយធ្វើសកម្មភាពពិឃា.តនេះ។ បើតាមអ្នកស្រុកថា «គាត់ជាសមត្ថកិច្ចនៅខេត្តបន្ទាយមានជ័យ ដែលកាងអោយធ្វើសកម្មភាពពិឃា.តសត្វសុនខនៅភូមិពង្រ ឃុំតាផូ ស្រុកស្វាយចេកនេះ»។
គួររំលឹកថា ៖ ក្រោយពីអ្នកពិឃា.តសុនខធ្វើកិច្ចសន្យា មន្ត្រីជំនាញឃ្លាំមើលឱ្យរុះរើ និងចាកចេញទៅស្រុកវិញ៕
ចែករំលែកព័តមាននេះ