ខេត្តកំពត ៖ តាមសេចក្តីរាយការបឋមឲ្យដឹងថា កាលពីរសៀលថ្ងៃទី០២ ខែមិថុនា ឆ្នាំ២០២៣ មានចោរស្ទើភ្លើងម្នាក់ត្រូវបានកម្លាំងសមត្ថកិច្ចនគរបាលក្រុងបូកគោ ខេត្តកំពត ធ្វើការឃាត់ខ្លួន បន្ទាប់ពីរូបគេធ្វើសកម្មភាពលួច…
ខេត្តកំពត ៖ តាមសេចក្តីរាយការបឋមឲ្យដឹងថា កាលពីរសៀលថ្ងៃទី០២ ខែមិថុនា ឆ្នាំ២០២៣ មានចោរស្ទើភ្លើងម្នាក់ត្រូវបានកម្លាំងសមត្ថកិច្ចនគរបាលក្រុងបូកគោ ខេត្តកំពត ធ្វើការឃាត់ខ្លួន បន្ទាប់ពីរូបគេធ្វើសកម្មភាពលួច (ព្រះពុទ្ធប្បដិមា)២អង្គ នៅចំណុចគីឡូម៉ែត្រ២៩ លើរភ្នំបូកគោ កែងការ៉ាស់សាំងសូគីមិច ស្ថិតនៅភូមិរលួស សង្កាត់ បឹងទូក ក្រុងបូកគោ ខេត្តកំពត តែទីបំផុតគេចមិនរត់មិនរួចពីសំណាញ់ច្បាប់ ។
សេចក្តីរាយការណ៍បានបន្តថា ជនសង្ស័យឈ្មោះ សយ សុផាន ភេទប្រុស អាយុ២៩ឆ្នាំ មានទីលំនៅភូមិត្រពាំងជ្រៃ ឃុំដំណាក់កណ្តួត ស្រុកកំពងត្រាច ខេត្តកំពត មុខរបរកសិករ ។
ក្នុងការឃាត់ខ្លួនសមត្ថកិច្ចបានដកហូតវត្ថុតាងមកវិញរួមមាន ៖ ១.ព្រះអង្គធំ មានកម្ពស់៧៥ សង់ទីម៉ែត្រ ទទឹងបាតក្រោម៥៥ សង់ទីម៉ែត្រ សាងអំពីស្ពន់ ។ ២.ព្រះអង្គតូចមានកម្ពស់ ៤១ សង់ទីម៉ែត្រ ទទឹងបាតក្រោម៣៣ សង់ទីម៉ែត្រ សាងអំពីរស្ពាន់ ។
ចំពោះករណីខាងលើនេះដែរ សមត្ថកិច្ចត្រូវបានកសាងសំណុំរឿងតាមនីតិវិធីច្បាប់ផងដែរ ៕
ចែករំលែកព័តមាននេះ