គេហទំព័រម៉ាទិឈុន ផ្សាយថ្ងៃទី៤ ឧសភា ឱ្យដឹងថា លោកកាស៊ីត ភីរម្យ រដ្ឋមន្ត្រីក្រសួងការបរទេសថៃបានថ្លែងថា នៅថ្ងៃទី៣០ និង៣១ ឧសភា ខាងមុខតុលាការយុត្តិធម៌អន្តរជាតិអនុញ្ញាតឱ្យមន្ត្រីថៃចូលថ្លែងបញ្ជាក់នៅចំពោះមុខក្រុមចៅក្រម ហើយថៃបានចាត់តាំងឱ្យលោកវីរ៉ាឆៃ ផ្លាសាយ ឯកអគ្គរាជទូតប្រចាំក្រុងឡាអេ ប្រទេសហូឡង់
គេហទំព័រម៉ាទិឈុន ផ្សាយថ្ងៃទី៤ ឧសភា ឱ្យដឹងថា លោកកាស៊ីត ភីរម្យ រដ្ឋមន្ត្រីក្រសួងការបរទេសថៃបានថ្លែងថា នៅថ្ងៃទី៣០ និង៣១ ឧសភា ខាងមុខតុលាការយុត្តិធម៌អន្តរជាតិអនុញ្ញាតឱ្យមន្ត្រីថៃចូលថ្លែងបញ្ជាក់នៅចំពោះមុខក្រុមចៅក្រម ហើយថៃបានចាត់តាំងឱ្យលោកវីរ៉ាឆៃ ផ្លាសាយ ឯកអគ្គរាជទូតប្រចាំក្រុងឡាអេ ប្រទេសហូឡង់ ជាអ្នកចូលបកស្រាយដោយចំណាយពេលប្រហែល៣ទៅ៤ម៉ោង។
ប្រភពនោះបន្តថា ក្រោយពីបកស្រាយរួចនឹងរៀបចំធ្វើឯកសារបញ្ជាក់ពីបទចោទប្រកាន់ដាក់ទៅតុលាការ ក្នុងនោះរួមមានឯកសារប្រវត្តិសាស្ត្រផង។ ក្នុងដំណើរការរបស់តុលាការនឹងត្រូវចំណាយពេលពី៤ទៅ៥ខែ ហើយរំពឹងថា ការសំរេចរបស់តុលាការយុត្តិធម៌អន្តរជាតិអាចនឹងចាប់ផ្តើមនៅដើមឆ្នាំ២០១២។
ទោះបីជាបែបណាក្តី ព័ត៌មានដែលរាយការណ៍ដោយគេហទំព័រម៉ាទិឈុននេះនៅមិនទាន់មានការបញ្ជាក់ផ្លូវការណាមួយពីមន្ត្រីកម្ពុជានៅឡើយទេ តែបើយោងតាមប្រសាសន៍របស់លោកឧបនាយករដ្ឋមន្ត្រីហោ ណាំហុង ពេលវិលត្រឡប់មកពី ដាក់ពាក្យស្នើសុំជាផ្លូវការទៅតុលាការក្រុងឡាអេឱ្យបកស្រាយសាលដីកាឆ្នាំ១៩៦២បានមានប្រសាសន៍ថា តុលាការមានពេលរៀបចំឯកសារនានាយ៉ាងតិចក៏២ទៅ៣ខែទៀតដែរ ៕
ចែករំលែកព័តមាននេះ