រាជធានីភ្នំពេញ ៖ ម្ចាស់រថយន្តរ៉ង់រ៉ូវែរ (RANGE ROVER) ដែលគេស្គាល់ថា ជា ប្រធានក្រុមហ៊ុនចំការកៅស៊ូមួយ ហើយស្រវឹងធ្លាក់ភ្នែកបើករថយន្តបុកអាងបា.ញ់ទឹកវិមានឯករាជ្យ កាលពីវេលារំលងអធ្រាត្រក្រោយពីបញ្ចប់បុណ្យចូលឆ្នាំខ្មែរបានប៉ុន្មានថ្ងៃនោះ ត្រូវបាននគរបាលការិយាល័យចរាចរណ៍ផ្លូវគោកនៃស្នងការដ្ឋានរាជធានី
រាជធានីភ្នំពេញ ៖ ម្ចាស់រថយន្តរ៉ង់រ៉ូវែរ (RANGE ROVER) ដែលគេស្គាល់ថា ជា ប្រធានក្រុមហ៊ុនចំការកៅស៊ូមួយ ហើយស្រវឹងធ្លាក់ភ្នែកបើករថយន្តបុកអាងបាញ់ទឹកវិមានឯករាជ្យ កាលពីវេលារំលងអធ្រាត្រក្រោយពីបញ្ចប់បុណ្យចូលឆ្នាំខ្មែរបានប៉ុន្មានថ្ងៃនោះ ត្រូវបាននគរបាលការិយាល័យចរាចរណ៍ផ្លូវគោកនៃស្នងការដ្ឋានរាជធានី ចាប់បញ្ជូនខ្លួនទៅពន្ធនាគាព្រៃ.ស កាលពីព្រឹកថ្ងៃទី៤ ឧសភា ដោយយោងតាមដីការបស់តុលាការ ។
មន្ត្រីនគរបាលចរាចរផ្លូវគោកបានរំលឹកថា កាលពីវេលាម៉ោង៣ និង៣០នាទីរំលងអធ្រាត្រឈានចូលថ្ងៃទី២០ មេសា ឆ្នាំ២០១១ កន្លងមកមានរថយន្តមួយគ្រឿងម៉ាករ៉ង់រ៉ូវែរ (RANGE ROVER) ពណ៌ខ្មៅ ពាក់ស្លាកលេខភ្នំពេញ 2P-5368 បានបើកតាមមហាវិថីព្រះនរោត្តម ឆ្ពោះ ទៅទិសខាងត្បូង ។ លុះដល់កែងវិថីព្រះសុរាម្រឹត រថយន្តបានជ្រុលទៅបុកអាងបាញ់ទឹកវិមានឯករាជ្យ បណ្ដាលឱ្យប្រេះអាងទឹកហើយព្យាយាមបើករត់គេចទាំងរថយន្តដាច់កង់ឆ្វេងខាងមុខ ។
ប្រភពដដែលបន្តថា ពេលបើកបានប្រហែលជាដប់ម៉ែត្រពីចំណុចកើតហេតុទើបរថយន្តនោះឈប់ ហើយអ្នកបើកបរត្រូវគេបញ្ជូនទៅសង្គ្រោះនៅ មន្ទីរពេទ្យឯកជនមួយនៅ
ម្តុំផ្សារដេប៉ូ ខណ្ឌទួលគោក។ លុះព្រឹកឡើង ទើបបញ្ជូនបន្តទៅកាន់មន្ទីរពេទ្យកាល់ម៉ែតដោយសារមានរបួសចំក្បាល ។ ម្ចាស់រថយន្តដែលចងកំហឹង នឹងអាងបាញ់ទឹកវិមានឯករាជ្យនេះត្រូវបានគេស្គាល់ថា ឈ្មោះលីម អេងគាត ភេទប្រុស អាយុ៥១ឆ្នាំ ជនជាតិចិន សញ្ជាតិម៉ាឡេស៊ី ជាប្រធានក្រុមហ៊ុនចំការកៅស៊ូមួយ និងស្នាក់នៅក្នុងខណ្ឌចំការមន ។
មន្ត្រីនគរបាលបានបញ្ជាក់ថា ក្រោយពីសម្រាកព្យាបាលនៅក្នុងមន្ទីរពេទ្យកាល់ម៉ែតអស់រយៈពេលច្រើនសប្តាហ៍មកលោកលីម អេងគាត បានជាសះស្បើយមុខរបួសឡើងវិញ ហើយទើបនៅវេលាម៉ោង១១ព្រឹកថ្ងៃទី៤ ឧសភា ឆ្នាំ២០១១ នេះ កម្លាំងនគរបាលការិយាល័យចរាចរណ៍ផ្លូវគោក ក៏បានឃាត់ខ្លួនបញ្ជូនទៅ ពន្ធនាគាព្រៃ.សតែម្តង ដោយយោងតាមដីការបស់លោកមាស ច័ន្ទពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញ ចោទពីបទបំផ្លិចបំផ្លាញទ្រព្យសម្បត្តិសាធារណៈ ៕
ចែករំលែកព័តមាននេះ