ADផ្ទាំងផ្សព្វផ្សាយពាណិជ្ជកម្ម

Picture

ជំពាក់លុយគេមិនសង ដល់ម្ចាស់បំណុលនាំទៅប៉ុស្តិ៍នគរបាល បែរជាផុសថា ជាករណីប្ល.ន់ទៅវិញ

4 ខែ មុន
  • ភ្នំពេញ

រាជធានី​ភ្នំពេញ ៖ ពិតជា​ល្បិច​ខ្ពស់​មែន ! ស្ត្រី​ម្នាក់​ជំពាក់​លុយ​គេ​មិន​សង ពេល​ម្ចាស់បំណុល​រក​ឃើញ​នាំ​យក​ទៅ​ប៉ុស្តិ៍​នគរបាល​រដ្ឋបាល បែរជា​ផុស​បំពុលសង្គម​ថា ជា​ករណី​ប្ល​.​ន់​ទៅ​វិញ ។ នេះ​បើ​តាម​ស្នងការដ្ឋាន​នគរបាល​រាជធានី​ភ្នំពេញ​បាន​បង្ហោះ​នា​យប់​ថ្ងៃ​ទី​៣០…

រាជធានី​ភ្នំពេញ ៖ ពិតជា​ល្បិច​ខ្ពស់​មែន ! ស្ត្រី​ម្នាក់​ជំពាក់​លុយ​គេ​មិន​សង ពេល​ម្ចាស់បំណុល​រក​ឃើញ​នាំ​យក​ទៅ​ប៉ុស្តិ៍​នគរបាល​រដ្ឋបាល បែរជា​ផុស​បំពុលសង្គម​ថា ជា​ករណី​ប្ល​.​ន់​ទៅ​វិញ ។ នេះ​បើ​តាម​ស្នងការដ្ឋាន​នគរបាល​រាជធានី​ភ្នំពេញ​បាន​បង្ហោះ​នា​យប់​ថ្ងៃ​ទី​៣០ ខែឧសភា​នេះ ។

សេចក្តី​បកស្រាយ​បំភ្លឺ និង​បដិសេធ​ព័ត៌មាន​របស់​ក្រុមការងារ​ព័ត៌មាន និង​ប្រតិកម្ម​រហ័ស​នៃ​ស្នងការដ្ឋាន​នគរបាល​រាជធានី​ភ្នំពេញ ទាក់ទង​ទៅ​នឹង​ករណី​ចុះ​ផ្សាយ​ព័ត៌មាន​មិន​ពិត​របស់​គណនី​ហ្វេ​ស​ប៊ុ​កមួយ​ឈ្មោះ​ថា Sery Oun ថា ជា​ករណី​ប្ល​.​ន់​ម៉ូតូ តាម​ពិត​ជាក់ស្តែង មិនមែន​ជា​ករណី​ប្ល​.​ន់​ទេ គឺជា​ករណី​ម្ចាស់បំណុល​បាន​នាំ​អ្នក​ជំពាក់​លុយ​គេចវេស​មិន​ព្រម​សង ទៅ​ប៉ុស្តិ៍​នគរបាល​រដ្ឋបាល ។

បន្ទាប់​ពី​បានឃើញ​ការ​ចុះ​ផ្សាយ​ព័ត៌មាន​តាម​បណ្តាញ​សង្គម ក្រុមការងារ​ព័ត៌មាន និង​ប្រតិកម្ម​រហ័ស​នៃ​ស្នងការដ្ឋាន​នគរបាល​រាជធានី​ភ្នំពេញ បាន​ទាក់ទង​ផ្តល់​ព័ត៌មាន​ឲ្យ​អធិការដ្ឋាន​នគរបាល​ខណ្ឌ​បឹង​កេងកង ដើម្បី​ធ្វើការ​ស្រាវជ្រាវ​ករណី​នេះ ។

បន្ទាប់​ពី​ធ្វើការ​ស្រាវជ្រាវ​រួច​មក កម្លាំង​ជំនាញ​បាន​ធ្វើការ​កោះហៅ​អ្នក​ជំពាក់​លុយ​ដែល​បំផុស​ព័ត៌មាន​មិន​ពិត និង​ម្ចាស់​លុយ ដើម្បី​សាកសួរ បកស្រាយ​បំភ្លឺ​នៅ​ប៉ុស្តិ៍​នគរបាលរ​ដ្ជ​បាល​ទំនប់​ទឹក ។

ក្រោយ​ពី​ធ្វើការ​សាកសួរ​រួចរាល់ ម្ចាស់​គណនី​ហ្វេ​ស​ប៊ុ​ក​ខាងលើ​សារភាព​ទទួលកំហុស ដែល​បាន​ផុស​ព័ត៌មាន​មិន​ពិត​បំពុលសង្គម ថា​ជា​ករណី​ប្ល​.​ន់ ជាក់ស្តែង គឺជា​ករណី​ជំពាក់​លុយ​គេ​មិន​ព្រម​សង ។

ក្រោយ​ពី​ធ្វើការ​សាកសួរ​ចប់ ស្ត្រី​រូប​នោះ​បាន​ឯកភាព​យល់ព្រម​សង​លុយ​ជំពាក់​ទៅ​ម្ចាស់​លុយ ហើយ​កម្លាំង​ជំនាញ​បាន​ធ្វើការ​ណែនាំ​អប់រំ និង​ធ្វើ​កិច្ចសន្យា​ដោយ​ឈប់​ប្រព្រឹត្ត​អំពើ​ខុសឆ្គង​បែប​នេះ​ត​ទៀត ដែល​ធ្វើ​ឲ្យ​ប្រជាពលរដ្ឋ​មានការ​យល់​ច្រឡំ ៕