ខេត្តក្រចេះ ៖ រថយន្តធុនយក្សមួយគ្រឿងដឹកទំនិញពេញព្រៀបជួបឧប្បត្តិហេតុក្រឡាប់ដេកក្នុងប្រឡាយស្នាមភ្លោះ ក្បែរផ្លូវជាតិលេខ៧ (អាស៊ាន) បណ្តាលឱ្យមនុស្សពីរនាក់ ក្នុងនោះអ្នកបើកបរម្នាក់ផងរងរបួស។ ហេតុការណ៍នេះកើតឡើងកាលពីវេលាម៉ោង៣រសៀលថ្ងៃទី២ ឧសភា នៅចំណុចអូរកណ្តៀរ ស្ថិតក្នុងឃុំអូរគ្រៀង ស្រុកសំបូរ
ខេត្តក្រចេះ ៖ រថយន្តធុនយក្សមួយគ្រឿងដឹកទំនិញពេញព្រៀបជួបឧប្បត្តិហេតុក្រឡាប់ដេកក្នុងប្រឡាយស្នាមភ្លោះ ក្បែរផ្លូវជាតិលេខ៧ (អាស៊ាន) បណ្តាលឱ្យមនុស្សពីរនាក់ ក្នុងនោះអ្នកបើកបរម្នាក់ផងរងរបួស។ ហេតុការណ៍នេះកើតឡើងកាលពីវេលាម៉ោង៣រសៀលថ្ងៃទី២ ឧសភា នៅចំណុចអូរកណ្តៀរ ស្ថិតក្នុងឃុំអូរគ្រៀង ស្រុកសំបូរ នៅលើផ្លូវជាតិលេខ៧ ។ រថយន្តដែលក្រឡាប់ធុនយីឌុបមានផ្ទុកទំនិញពេញព្រៀប ពណ៌សលាយខៀវ ពាក់ស្លាកលេខ ភ្នំពេញ 3A-2475 ។
តាមប្រភពព័ត៌មានបានឱ្យដឹងថា គេមិនបានដឹងថា ក្នុងរថយន្តធុនធំ និងមានប្រវែងវែងមួយគ្រឿង ដែលមានផ្ទុកទំនិញពេញពោរ ហើយបានជួបឧប្បត្តិហេតុក្រឡាប់នេះមានផ្ទុកទំនិញប្រភេទអ្វីនោះទេ តែកាលពីថ្ងៃកើតហេតុនោះ គេបានឃើញរថយន្តមួយគ្រឿងនេះ បើកបរពីត្បូងទៅជើង លុះមកដល់ចំណុចកើតហេតុជាផ្លូវកោង រថយន្តយក្សមួយគ្រឿងនេះបានរេចង្កូតធ្លាក់ស្នាមភ្លោះប្រះខ្លួនដេកស្តូក។ ភ្លាមនោះគេឃើញមានមនុស្សពីរនាក់រងរបួស ដោយគេសង្ស័យថា ជាអ្នកបើកបរ និងព្រូ ។
តាមការឱ្យដឹងពីបុរសម្នាក់ដែលជាកម្មកររថយន្តបានឱ្យដឹងថា រថយន្តមួយគ្រឿងនេះដឹកគ្រឿងទេស និងសម្ភារមួយចំនួនទៀតចេញពីក្រុងសួង ខេត្តកំពង់ចាម ឆ្ពោះទៅកាន់ខេត្តរតនគិរី ហើយមូលហេតុដែលបណ្តាលឱ្យក្រឡាប់នេះគឺមកពីបែកកង់ ៕
ចែករំលែកព័តមាននេះ