រាជធានីភ្នំពេញ ៖ ទាំងមនុស្សពេញវ័យ យុវវ័យ និងកូនក្មេងសុទ្ធតែមានភាពតានតឹងខ្លាំង ។ ខណៈពេលដែលភាពតានតឹងខ្លះ គឺជាផ្នែកមួយនៃជីវិតប្រចាំថ្ងៃ ហើយជួនកាលជួយជំរុញយើងឱ្យធ្វើសកម្មភាពជាងមុន មនុស្សពេញវ័យអាចកំណត់អត្តសញ្ញាណអារម្មណ៍…
រាជធានីភ្នំពេញ ៖ ទាំងមនុស្សពេញវ័យ យុវវ័យ និងកូនក្មេងសុទ្ធតែមានភាពតានតឹងខ្លាំង ។ ខណៈពេលដែលភាពតានតឹងខ្លះ គឺជាផ្នែកមួយនៃជីវិតប្រចាំថ្ងៃ ហើយជួនកាលជួយជំរុញយើងឱ្យធ្វើសកម្មភាពជាងមុន មនុស្សពេញវ័យអាចកំណត់អត្តសញ្ញាណអារម្មណ៍ និងមូលហេតុនៃភាពតានតឹងសំខាន់ៗបានកាន់តែងាយស្រួល ហើយគិតពិចារណាពីវិធីគ្រប់គ្រងវា ។ យ៉ាងណាក៏ដោយ ក្មេងជំទង់ប្រហែលជាមិនទទួលស្គាល់សញ្ញានៃភាពតានតឹង ឬដឹងអំពីរបៀបទប់ទល់នឹងបញ្ហានេះដោយប្រសិទ្ធភាពនោះទេ ។ ឪពុកម្តាយអាចផ្តល់ជំនួយដ៏មានតម្លៃ ផ្តល់នូវការយល់ចិត្ត និងការយោគយល់ចំពោះកូនៗ ។ ដោយដឹងពីអ្វីដែលត្រូវស្តាប់ មើល និងស្វែងរកឱកាសដើម្បីនិយាយជាមួយកូន ឪពុកម្តាយអាចជួយកូនរបស់ពួកគេឱ្យដោះស្រាយបញ្ហាប្រឈមក្នុងជីវិតកាន់តែប្រសើរឡើង ។
គន្លឹះក្នុងការនិយាយជាមួយកូនរបស់អ្នកអំពីភាពតានតឹង ៖
១. នៅក្បែរកូន ៖ កត់សម្គាល់ពេលវេលាដែលកូនរបស់អ្នកទំនងជាចង់និយាយជាមួយអ្នក ឧទាហរណ៍ ពេលចូលគេង មុនពេលអាហារពេលល្ងាច ឬនៅក្នុងឡាន ដែលអ្នកអាចស្តាប់បានយ៉ាងពេញលេញ ។ ចាប់ផ្តើមការនិយាយគ្នា ដើម្បីឱ្យកូនរបស់អ្នកដឹងថា អ្នកយកចិត្តទុកដាក់ចំពោះអ្វីដែលកំពុងកើតឡើងនៅក្នុងជីវិតរបស់ពួកគេ ។ ស្វែងរកពេលវេលារៀងរាល់សប្តាហ៍សម្រាប់សកម្មភាពមួយទល់នឹងមួយជាមួយកុមារម្នាក់ៗ ហើយចៀសវាងការធ្វើអ្វីផ្សេងទៀតក្នុងអំឡុងពេលនោះ ។ ស្វែងយល់អំពីចំណាប់អារម្មណ៍របស់កូនអ្នក ឧទាហរណ៍ តន្ត្រី និងសកម្មភាពដែលអ្នកចូលចិត្ត ហើយបង្ហាញចំណាប់អារម្មណ៍លើពួកគេ ។ ចាប់ផ្តើមការសន្ទនាដោយចែករំលែកអ្វីដែលអ្នកបានកំពុងគិត ឬអ្វីដែលក្មេងផ្សេងទៀតប្រហែលជាកំពុងគិត ជាជាងចាប់ផ្តើមការសន្ទនាជាមួយនឹងសំណួរ ។
២. ស្តាប់កូនយ៉ាងយកចិត្តទុកដាក់ ៖ នៅពេលដែលកូនរបស់អ្នកកំពុងនិយាយអំពីកង្វល់ ឬបញ្ហារបស់ពួកគេ ចូរបញ្ឈប់អ្វីដែលអ្នកកំពុងធ្វើ ហើយស្តាប់ពួកគេ ។ បង្ហាញចំណាប់អារម្មណ៍លើអ្វីដែលពួកគេកំពុងនិយាយ ។ ស្តាប់ការយល់ឃើញរបស់ពួកគេ ទោះបីជាពិបាកស្តាប់ក៏ដោយ ។ អនុញ្ញាតឱ្យពួកគេបំពេញចំណុចរបស់ពួកគេមុនពេលអ្នកឆ្លើយតប ។ និយាយអ្វីដែលអ្នកបានលឺកូនៗនិយាយ ដើម្បីធានាថា អ្នកយល់បានត្រឹមត្រូវ ។ ស្តាប់ដោយប្រុងប្រយ័ត្ននូវអ្វីដែលពួកគេនិយាយ លើកទឹកចិត្តពួកគេឱ្យនិយាយ ។
៣. ឆ្លើយតបដោយការគិត ៖ កុំមានប្រតិកម្មឆេវឆាវ ឬខឹង ពីព្រោះកូនរបស់អ្នកនឹងរុញអ្នកចេញភ្លាម ប្រសិនបើអ្នកបង្ហាញការខឹងសម្បារ ការការពារ ឬការវិនិច្ឆ័យ ។ បញ្ចេញមតិរបស់អ្នក តែមិនត្រូវកាត់បន្ថយគំនិត និងការយល់ឃើញរបស់ពួកគេ ។ កុំប្រកែកថា អ្នកណាត្រូវ ជំនួសមកវិញចូរនិយាយថា ប៉ាដឹងថា កូនមិនយល់ស្របនឹងប៉ា ប៉ុន្តែនេះជាអ្វីដែលប៉ាគិត ។ ផ្តោតលើអារម្មណ៍របស់កូនអ្នកជាជាងអារម្មណ៍របស់អ្នកក្នុងអំឡុងពេលសន្ទនារបស់អ្នក ។ សួរកូនរបស់អ្នកនូវអ្វីដែលពួកគេចង់បាន ឬត្រូវការពីអ្នកក្នុងការសន្ទនា ដូចជាដំបូន្មាន ជំនួយក្នុងការដោះស្រាយអារម្មណ៍ ឬជំនួយក្នុងការដោះស្រាយបញ្ហា ។
៤. ពិចារណា ៖ កុមាររៀនដោយមើលឪពុកម្តាយរបស់ពួកគេ ហើយភាគច្រើនពួកគេនឹងធ្វើតាមការដឹកនាំរបស់អ្នកពីរបៀបដែលពួកគេដោះស្រាយជាមួយនឹងកំហឹង ដោះស្រាយបញ្ហា និងធ្វើការតាមរយៈអារម្មណ៍លំបាក ។ ជួយកូនរបស់អ្នកឱ្យទទួលយកយុទ្ធសាស្ត្រដោះស្រាយប្រកបដោយសុខភាពល្អ ដោយធ្វើគំរូអាកប្បកិរិយាវិជ្ជមាន ។ ចូលរួមជាមួយក្រុមគ្រួសារក្នុងសកម្មភាពនានា ដែលកាត់បន្ថយភាពតានតឹង ដូចជាការដើរជាលក្ខណៈគ្រួសារ ជិះកង់ ឬរាំជុំគ្នា ។ កុមារតូចៗអាចបង្ហាញពីអារម្មណ៍តានតឹង ឬព្រួយបារម្ភក្នុងការលេងរបស់ពួកគេ ។ ចូរយកចិត្តទុកដាក់លើប្រធានបទនៅក្នុងការសន្ទនា និងសកម្មភាពរបស់ពួកគេ ដើម្បីស្វែងយល់អំពីកង្វល់របស់ពួកគេ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និង ណត្សឡាញន៍ ។ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងភាសាចិន ចូលរៀនថ្ងៃទី ២ ខែឧសភា ឆ្នាំ ២០២៣ ខាងមុខនេះ ។ សាលារៀនផ្តល់ជូនការបញ្ចុះតម្លៃ ១៥% លើតម្លៃសិក្សាសម្រាប់កាចុះឈ្មោះ ចូលរៀនជាលក្ខណៈគ្រួសារ ឬពីរកម្មវិធី និងផ្តល់ជូនការធានារ៉ាប់រងគ្រោះថ្នាក់ ការពារការសិក្សាបុត្រធីតារហូតដល់ ៥ ឆ្នាំ ព្រមទាំងទទួលបានពិន្ទុសន្សំកាន់តែច្រើន ។ ការផ្តល់ជូនខាងលើនេះមានសុពលភាពត្រឹមថ្ងៃទី ៣០ ខែមេសា ឆ្នាំ ២០២៣ ។
សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ