ADផ្ទាំងផ្សព្វផ្សាយពាណិជ្ជកម្ម

Picture

ករណី​បុរស​ចម្លែក​បើក​ទ្វារ​យន្ត​ហោះ​កណ្ដាល​អាកាស​, តុលាការកូរ៉េ​ខាង​ត្បូង​​ចេញ​ដីការ​ឃុំ​ខ្លួន​​

11 ខែ មុន

មិន​រួច​ខ្លួន​ទេ​បុរស​ដែល​បើក​ទ្វារ​យន្ត​ហោះ​របស់​ក្រុម​ហ៊ុន​អាកាស​ចរណ៍​អាស៊ាណា អ៊ែឡាញ (Asiana Airlines)​​​។ តុលាការ​កូរ៉េ​ខាង​ត្បូង​បាន​ចេញ​ដីការ​បង្គាប់​ឱ្យ​ឃុំ​ខ្លួន​បុរស​វ័យ​៣៣​ឆ្នាំ​ដែល​គេ​ស្គាល់​ថា​ឈ្មោះ​លី (Lee)។ ​គាត់​បាន​ប្រព្រឹត្ត​កំហុស​ដ៏​ធំ១​ ដោយ​​បើក​ទ្វារ​យន្ត​ហោះ​ខាង​ក្រោយ​, បន្ទាប់​ពី​​​ហោះ​ចេញ​ពី​អាកាស​យាន​ដ្ឋានបាន​​តែ​ប៉ុន្មាន​នាទី​ប៉ុណ្ណោះ​។ ​មាន​ន័យ​ថា​​,…

មិន​រួច​ខ្លួន​ទេ​បុរស​ដែល​បើក​ទ្វារ​យន្ត​ហោះ​របស់​ក្រុម​ហ៊ុន​អាកាស​ចរណ៍​អាស៊ាណា អ៊ែឡាញ (Asiana Airlines)​​​។ តុលាការ​កូរ៉េ​ខាង​ត្បូង​បាន​ចេញ​ដីការ​បង្គាប់​ឱ្យ​ឃុំ​ខ្លួន​បុរស​វ័យ​៣៣​ឆ្នាំ​ដែល​គេ​ស្គាល់​ថា​ឈ្មោះ​លី (Lee)។ ​គាត់​បាន​ប្រព្រឹត្ត​កំហុស​ដ៏​ធំ១​ ដោយ​​បើក​ទ្វារ​យន្ត​ហោះ​ខាង​ក្រោយ​, បន្ទាប់​ពី​​​ហោះ​ចេញ​ពី​អាកាស​យាន​ដ្ឋានបាន​​តែ​ប៉ុន្មាន​នាទី​ប៉ុណ្ណោះ​។ ​មាន​ន័យ​ថា​​, យន្ត​ហោះ​ត្រូវ​ហោះ​ទាំង​បើក​ទ្វារ​ចំហ​ធ្លុង​​​រយៈ​ពេល​ជាង​១​ម៉ោង​ ទម្រាំ​ទៅ​ដល់​ព្រលាន​យន្ត​ហោះ​ទី​ក្រុង​ដេគូ (Daegu)​។​

គាត់​​​ត្រូវ​សមត្ថកិច្ច​ចាប់​ខ្លួន​​​ បន្ទាប់​ពី​យន្ត​ហោះ​ចុះ​ចត​ដល់​ដី​កាល​ពី​ថ្ងៃ​សុក្រ​។ សាក្សី​និយាយ​ថា​គាត់​បាន​ដើរ​ទៅ​បើក​ទ្វារ​ខាង​ក្រោយ​យន្ត​ហោះ​នៅ​ពេល​យន្ត​ហោះ​ទើប​តែ​ហើប​កង់​បាន​​កម្ពស់​ពី​ដី​ប្រហែលជាង​២​រយ​ម៉ែត្រ​ប៉ុណ្ណោះ​។​ ទ្វារ​ខាង​ក្រោយ​យន្តហោះ​ត្រូវ​គេ​ហាម​ផ្ដាច់​មិន​ឱ្យ​បើក​ផ្ដេស​ផ្ដាស​ទេ​។ ទ្វារ​នេះ​​បម្រុង​ទុក​សម្រាប់​ប្រើ​ប្រាស់​នៅ​ក្នុង​គ្រា​អាសន្ន​តែ​ប៉ុណ្ណោះ​។​

គាត់​ត្រូវ​បាន​ចោទ​ប្រកាន់​ពី​បទ​​​​​ប្រព្រឹត្ត​ល្មើស​នឹង​ច្បាប់​ស្ដីពី​សន្តិសុខ​​អាកាស​ចរណ៍​។ តុលាការ​យល់​ថា​មិន​អាច​បណ្ដោយ​ឱ្យ​គាត់​​នៅ​ក្រៅ​ឃុំ​​ទេ ព្រោះ​​​​គាត់​អាច​នឹង​រត់​គេច​ខ្លួន​។​ ​​តែ​ប៉ុណ្ណេះ​, សមត្ថកិច្ច​អាច​​ដាក់​គាត់​​នៅ​ក្នុង​មន្ទីរ​ឃុំ​ឃាំង​រយៈ​ពេល​យូរ​។ ជន​ជាប់​ចោទ​ប្រាប់​ថា​មូល​ហេតុ​ដែល​គាត់​បើក​ទ្វារ​​យន្ត​ហោះ​ពី​ព្រោះ​គាត់​មាន​អារម្មណ៍​អន្ទះ​សារ​ខ្លាំង​ពេក​។

សមត្ថកិច្ច​ចាប់​ខ្លួន​បុរស​ឈ្មោះ​លី​

គាត់​ចង់​ចុះ​ពី​យន្ត​ហោះ​ជា​បន្ទាន់​។ គាត់​ប្រាប់​ថា​គាត់​អាណិត​ក្មេង​ៗ​​ដែល​ជិះ​នៅ​ក្នុង​យន្ត​ហោះ​​។ ពួក​គេ​ស្រែក​កង​រំពង​ពេញ​យន្ត​ហោះ​ដោយ​សេចក្ដី​ភ័យ​ខ្លាច។​ ក្មេង​ខ្លះ​ដល់​ថ្នាក់​ស្រឺត​បាត់​មាត់​ បាត់​ក និង​ត្រូវ​គេ​ដឹក​តាម​រថ​យន្ត​គិលាន​សង្គ្រោះ​ទៅ​មន្ទីរ​ពេទ្យ។​

អ្នក​ដំណើរ​មួយ​ចំនួន​មាន​បញ្ហា​តក់​ស្លុត​ រហូត​ដល់​បាត់​មាត់​ បាត់​ក ត្រូវ​គេ​ដឹក​ទៅ​សង្គ្រោះ​បន្ទាន់​

​​ច្បាប់​នៅ​ប្រទេស​ណា​ក៏​ដូច​ជា​ប្រទេស​ណា​ដែរ​ ការ​បើក​ទ្វារ​កណ្ដាល​អាកាស​បែប​នេះ​ជា​ការ​បង្ក​ហានិភ័យ​ធ្ងន់​ធ្ងរ​បំផុត​។ ក្រុម​អ្នក​ច្បាប់​អះអាង​ថា​បើ​​តុលាការ​រក​ឃើញ​​កំហុស​ដូច​ការ​ចោទ​ប្រកាន់​មែន​, គាត់​អាច​នឹង​ជាប់​ពន្ធ​នា​ដប់​ឆ្នាំ​។ កាល​ពី​ពេល​កន្លង​មក​, នារី​ជន​ជាតិ​អង់គ្លេស​ម្នាក់​ជាប់​ពន្ធ​នាគារ​២​ឆ្នាំ​ ពី​បទ​​ព្យាយាម​បើក​ទ្វារ​យន្ត​ហោះ​​។​ ​កាល​នោះ​ នាង​គ្រាន់​តែ​ព្យាយាម​បើក​ទ្វារ​ ប៉ុន្តែ​មិន​ទាន់​បាន​បើក​ទ្វារ​ចំហ​​ទាំង​ស្រុង​ដូច​​ករណី​បុរស​ឈ្មោះ​​លី​​ទេ​។​

បន្ទាប់​ពី​មាន​បញ្ហា​នេះ, ក្រុម​ហ៊ុន​អាកាស​ចរណ៍​អេស៊ាណា អ៊ែឡាញ ​ឈប់​លក់​សំបុត្រ​ឱ្យ​អ្នក​ដំណើរ​ដែល​អង្គុយ​កៀក​នឹង​ច្រក​ទ្វារ​ក្រោយ​យន្ត​ហោះ​ត​ទៅ​ទៀត​។ បើ​មិន​អីចឹង​ទេ អាច​នឹង​មាន​អ្នក​ដំណើរ​​​ទៅ​បើក​ទ្វារ​ហ្នឹង​ទៀត​។ ក្រុម​ហ៊ុន​បញ្ជាក់​ថា​ទោះបី​កៅ​អី​ពេញ​យន្ត​ហោះ​យ៉ាង​ណា​ក៏​ដោយ​ ក៏​ខ្លួន​មិន​លក់សំបុត្រ​ឱ្យ​​អ្នក​ដំណើរ​អង្គុយ​កៅ​អី​ជិត​ទ្វារ​នោះ​ជា​ដាច់​ខាត​។​

បុរស​​ឈ្មោះ​លី​ប្រាប់​ថា​​គាត់​ហាក់​ដូច​ជា​មាន​អារម្មណ៍​ស្ត្រែស​ខ្លាំង​មែន​ទែន​បន្ទាប់​ពី​បាត់​អស់​ការ​ងារ​ធ្វើ​​។ នៅ​ក្នុង​យន្ត​ហោះ​ គាត់​មិន​អាច​អង្គុយ​ស្រណុក​ខ្លួន​ទាល់​តែ​សោះ​។ តាម​រយៈ​វីឌីអូ​ឃ្លីប​ដែល​​ថត​បាន​ដោយ​អ្នក​​ដំណើរ​​នៅ​​លើ​យន្ត​ហោះ​, គេ​ឃើញ​ថា​ខ្យល់​បាន​បក់​ចូល​វូៗ​ពេញ​យន្ត​ហោះ​។​ ​នៅ​ក្នុង​យន្ត​ហោះ​គ្មាន​នរណា​ម្នាក់​អាច​អង្គុយ​ស្រណុក​ខ្លួន​ទាល់​តែ​សោះ​​​​​។

អ្នក​ដំណើរ​មួយ​ចំនួន​មាន​បញ្ហា​តក់​ស្លុត​ រហូត​ដល់​បាត់​មាត់​ បាត់​ក ត្រូវ​គេ​ដឹក​ទៅ​សង្គ្រោះ​បន្ទាន់​

បញ្ហា​មិន​ទាន់​បញ្ចប់​ត្រឹម​ហ្នឹង​ទេ​។ សមត្ថកិច្ច​ត្រូវ​ការ​ស៊ើប​អង្កេត​ទៅ​លើ​កំហុស​របស់​ក្រុម​ហ៊ុន​អាកាស​ចរណ៍​អាស៊ាណា អ៊ែ​ឡាញ​ថែម​ទៀត​។ តាម​ធម្មតា, អ្នក​ដំណើរ​មិន​អាច​បើក​ទ្វារ​ក្រោយ​របស់​យន្ត​ហោះ​បាន​ទេ​។ ទ្វារ​នេះ​ត្រូវ​គេ​ដាក់​គន្លឹះ​​យ៉ាង​មាំ​ទាំង​ជា​ទី​បំផុត​​។ ​​លុះ​ត្រា​​តែ​មាន​កូន​សោ​ពិសេស​​ទើប​អាច​ទ្វារ​នេះ​បាន​។ ម៉្យាង​ទៀត​ ​មាន​តែ​បុគ្គលិក​ក្រុម​ហ៊ុន​ប៉ុណ្ណោះ​ទើប​​មាន​សិទ្ធិ​បើក​ទ្វារ​នេះ​​។ ចុះ​ហេតុ​ដូច​ម្ដេច​បាន​ជា​បុរស​ឈ្មោះ​លី​អាច​បើក​ទ្វារ​នេះ​បាន​យ៉ាង​ងាយ​ស្រួល​​ម៉្លេះ​?​​

ប្រភព៖ Channel News Asia
https://www.channelnewsasia.com/asia/asiana-airlines-arrest-warrant-door-mid-air-bans-emergency-exit-seats-passenger-man-open-door-3521101

អត្ថ​បទ​ដែល​ទាក់​ទង
ភ័យលស់ព្រលឹង​គ្រប់​គ្នា​ដោយ​សារ​បុរស​ចម្លែក​បើក​ទ្វារ​យន្ត​ហោះ​កណ្ដាល​អាកាស​, គាត់​អាច​ជាប់​ពន្ធនាគារ១០ឆ្នាំ

អត្ថបទសរសេរ ដោយ

កែសម្រួលដោយ