ADផ្ទាំងផ្សព្វផ្សាយពាណិជ្ជកម្ម

Picture

ផ្ទុះ​មីនផ្ទួន​ៗ​យ៉ាង​កក្រើក​! ខណៈ​យោធា​ខ្មែរ​​​ចូល​​ទៅ​កា​.​ប់​ឆ្ការព្រៃ ដើម្បី​ជួយ​សង្គ្រោះ​ពលរដ្ឋ​ថៃ​ជាន់​ត្រូវ​មីន

10 ខែ មុន
  • បន្ទាយមានជ័យ

ពលរដ្ឋ​ថៃ​ម្នាក់​ដើរ​បេះ​បន្លែ​តាម​ព្រំដែន​ក៏​ស្រាប់តែ​ជាន់​ត្រូវ​មីន​ធ្វើ​ឱ្យ​ផ្ទុះ​យ៉ាង​កក្រើក ចំណែក​យោធា​ខ្មែរ​ទៅ​កា​.​ប់​ឆ្ការព្រៃ ដើម្បី​ជួយ​សង្គ្រោះ​ក៏​ប៉ះ​ចំ​មីន​ផ្ទុះ​ទៀត បណ្ដាល​ឱ្យ​

ខេត្តបន្ទាយមានជ័យ ៖ ពលរដ្ឋ​ថៃ​ម្នាក់​ដើរ​បេះ​បន្លែ​តាម​ព្រំដែន​ក៏​ស្រាប់តែ​ជាន់​ត្រូវ​មីន​ធ្វើ​ឱ្យ​ផ្ទុះ​យ៉ាង​កក្រើក ចំណែក​យោធា​ខ្មែរ​ទៅ​កា​.​ប់​ឆ្ការព្រៃ ដើម្បី​ជួយ​សង្គ្រោះ​ក៏​ប៉ះ​ចំ​មីន​ផ្ទុះ​ទៀត បណ្ដាល​ឱ្យ​របួសធ្ងន់​ទាំង​០២​នាក់​តែ​ម្តង​។ ហេតុការណ៍​ផ្ទុះ​មីន​កក្រើក​ព្រៃ​នេះ បាន​កើតឡើង​កាលពី​វេលា​ម៉ោង​១០​និង​៥០​នាទី​ព្រឹក ថ្ងៃ​ទី​២៧ ខែឧសភា ឆ្នាំ​២០២៣ នៅ​ត្រង់​ចំណុច​ចន្លោះ បង្គោល​សី​ម៉ា​លេខ​៣៧-៣៨ ស្ថិត​ក្នុងភូមិ​សាស្ត្រ​ភូមិ​ក្តឹប​ថ្ម ឃុំ​គោក​រមៀត ស្រុក​ថ្មពួក ខេត្តបន្ទាយមានជ័យ ទល់មុខ​ភូមិសាស្ត្រ ភូមិ​អំពិល ឃុំ​តាប់​ថៃ ស្រុក​តា​ប្រា​យ៉ា ខេត្ត​ស្រះ​កែវ (​ប្រទេស​ថៃ​)​។

បើ​តាម​នគរបាល​វរ​សេនា​តូច​ការពារ​ព្រំដែន​គោក​លេខ​៨០៧ បាន​ឲ្យ​ដឹង​ថា ដំបូង​មាន​ពលរដ្ឋ​ថៃ​ម្នាក់​មានឈ្មោះ សំរឹទ្ធ រ៉ៃ​រឿ​ន ភេទ​ស្រី អាយុ​៤៦​ឆ្នាំ រស់នៅ​ភូមិ​អំពិល ឃុំ​តាប់​ថៃ ស្រុក​តា​ប្រា​យ៉ា ខេត្ត​ស្រះ​កែវ កំពុង​ដើរ​បេះ​បន្លែ​ក្នុង​ព្រៃ​នៅ​ត្រង់​ចំណុច​ចន្លោះ​បង្គោល​សីមា​លេខ​៣៧-៣៨ ស្ថិត​ក្នុងភូមិ​សាស្ត្រ​ភូមិ​ក្តឹប​ថ្ម ឃុំ​គោក​រមៀត ស្រុក​ថ្មពួក ខេត្តបន្ទាយមានជ័យ ទល់មុខ​នឹង​ភូមិសាស្ត្រ​ភូមិ​អំពិល ឃុំ​តាប់​ថៃ ស្រុក​តា​ប្រា​យ៉ា ខេត្ត​ស្រះ​កែវ ក៏​ស្រាប់តែ​ជាន់​ត្រូវ​មីន បណ្តាល​ឲ្យ​ផ្ទុះ​រង​របួសធ្ងន់​ដាច់​ជើង​ឆ្វេង និង​របួស​លើ​ផ្ទៃ​មុខតែ​ម្តង​។

ប្រភព​ដដែល​បន្ត​ថា ក្រោយ​លឺ​សូរ​សម្លេង​មីន​ផ្ទុះ ភ្លាម​ៗ​នោះ​កម្លាំងយោធា​អភិវឌ្ឍន៍​សហការ​ជាមួយ​កម្លាំង​ដោះ​មីន (​កម្ពុជា​) និង​កម្លាំង​ទាហាន​ឈុត​ខ្មៅ​ថៃ កង​រយ 1203 ដែល​ឈរជើង​នៅ​ទល់មុខ​នោះ នាំ​គ្នា​រាវរក​មីន​ដើម្បី​ចូល​ទៅ​ជួយ​សង្គ្រោះ​ជន​រង​គ្រោះ ប៉ុន្តែ​នៅ​ពេល​កម្លាំង​យើង​រាវរក​មីន​ផង កា​.​ប់​ឆ្ការ​ត្រួស​ត្រាយព្រៃ​ផង​នោះ ស្រាប់តែ​ឈ្មោះ សេង ឆ​ន ភេទ​ប្រុស អាយុ​៤០​ឆ្នាំ ដែល​ជា​មន្ត្រី​យោធា​តំបន់​អភិវឌ្ឍន៍ បានកា​.​ប់​ត្រូវ​គ្រាប់​មីន បណ្តាល​ឲ្យ​ផ្ទុះ​១​គ្រាប់​ទៀត ត្រូវ​រង​របួស​ដៃ​ខាងស្តាំ និង​ភ្នែក​យ៉ាងធ្ងន់ធ្ងរ ហើយ​កម្លាំង​យើង​ក៏​បញ្ជូន​យោធា​ខាងលើ ទៅ​មន្ទី​ពេទ្យ​បង្អែក​ស្រុក​ថ្មពួក និង​បន្ត​បញ្ជូន​ទៅ​មន្ទីរពេទ្យ​ភូមិភាគ ៥​ពពីរ នៅ​ខេត្តបាត់ដំបង ដើម្បី​ធ្វើការ​សង្គ្រោះ​ផង​ដែរ​។

នគរបាល បាន​បញ្ជាក់​ថា ចំណែក​ពលរដ្ឋ​ថៃ​ខាងលើ​នោះ រហូត​ដល់​ម៉ោង​០២​និង​២៥​នាទី​រសៀល ទើប​អាច​ជួយ​សង្គ្រោះ​បាន ហើយ​ត្រូវ​បាន​ទាហាន​ថៃ​ដឹក​យក​ទៅ​សង្គ្រោះ​ភ្លាម​ៗ​ផង​ដែរ​៕

អត្ថបទសរសេរ ដោយ

កែសម្រួលដោយ