ពាក់ព័ន្ធរឿងគម្រោងសាងសង់សំណង់រំលោ.ភយកដីព្រែកទឹកឈូ ប្រជាពលរដ្ឋជាច្រើនកំពុងមើលឃើញគម្រោងសាងសង់សំណង់ឯកជនដ៏ធំមួយរំលោ.ភយកដីព្រែកទឹកឈូ នៅចំណុច
ខេត្តកំពត ៖ ពាក់ព័ន្ធរឿងគម្រោងសាងសង់សំណង់រំលោ.ភយកដីព្រែកទឹកឈូ ប្រជាពលរដ្ឋជាច្រើនកំពុងមើលឃើញគម្រោងសាងសង់សំណង់ឯកជនដ៏ធំមួយរំលោ.ភយកដីព្រែកទឹកឈូ នៅចំណុចខាងត្បូងស្ពានដែកត្រើយខាងកើត ស្ថិតក្នុងភូមិអណ្ដូងជីមឺន ឃុំកំពង់គ្រែង ស្រុកទឹកឈូ ខេត្តកំពត។
បើតាមប្រជាពលរដ្ឋម្នាក់សុំមិនបញ្ចេញឈ្មោះ បានឈរមើលពីលើស្ពានដែកសំដៅទៅក្រុមជាងសំណង់ដែលកំពុងធ្វើសកម្មភាពបុកគ្រឹះគម្រោងសាងសង់សំណង់ បាននិយាយថាសំណង់មួយនេះ កំពុងធ្វើរំលោ.ភយកដីព្រែកទឹកឈូទាំងស្រុង ហើយក៏មិនដែលឃើញអាជ្ញាធរស្រុក-ខេត្ត មកធ្វើការហាមឃាត់ដែរ។
ប្រជាពលរដ្ឋរូបនោះបាននិយាយបន្តថា បើសិនប្រជាពលរដ្ឋជាអ្នកតូចតាចវិញ គ្រាន់តែដឹកថ្មយកមកចាក់បាំងទឹករលកកុំឱ្យបាក់ដី ក៏ធ្វើមិនបានផង។ តែបើគេមកសង់ជាក់ស្ដែងរំលោ.ភយកដីព្រែក ចាក់លុបដូចកប់ទៅហើយ មិនដែលឃើញមានអ្នកឯណាមកឃាត់ទេ។
ពាក់ព័ន្ធនឹងរឿងបុកគ្រឹះសាងសង់សំណង់រំលោ.ភយកដីព្រែកទឹកឈូនេះ លោក ប៉ែន ឡែន មេភូមិអណ្ដូងជីមឺន បាននិយាយកាលពីរសៀលថ្ងៃទី២៦ ខែឧសភា ឆ្នាំ២០២៣ នេះថា ដីខាងត្បូងស្ពានដែកព្រែកទឹកឈូនេះ ជាដីចំណីព្រែកទាំងអស់។
លោកមេភូមិបាននិយាយប្រាប់អ្នកយកព័ត៌មានថា លោកមិនដែលទៅមើលទេ កន្លែងគេសាងសង់សំណង់នោះ ព្រោះគេធ្វើរបងបិទស័ង្កសីមើលមិនឃើញនោះទេ។
ចំពោះការសាងសង់សំណង់រំលោ.ភយកដីព្រែកទឹកឈូបែបនេះ ប្រជាពលរដ្ឋធ្វើការរិះគន់ និងសំណូមពរអោយអាជ្ញាធរ ចុះពិនិត្យឡើងវិញ កុំអោយគេនិយាយថា អ្នកមានធ្វើបាន តែអ្នកទន់ខ្សោយធ្វើមិនបាន។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ