លោករ៉ូម៉ាន់ អាប្រាម៉ូវិច មហាសេដ្ឋីជនជាតិរុស្ស៊ី និងជាម្ចាស់ក្លឹប Chelsea ត្រៀមចំណាយប្រាក់៨០លានផោន សម្រាប់ពង្រឹងក្លឹបនៅរដូវកាលក្រោយ ដើម្បីធ្វើឱ្យក្លឹប Chelsea លេងបានល្អ និងគួរឱ្យចាប់អារម្មណ៍ ឬហៅថា «ក្លឹបមានប្រជាប្រិយភាព» ។ ក្លឹប Chelsea នៅមិនទាន់មានការរួញរាផ្លូវចិត្តក្រោយពីចំណាយប្រាក់ប្រហែល៧២លានផោន
លោករ៉ូម៉ាន់ អាប្រាម៉ូវិច មហាសេដ្ឋីជនជាតិរុស្ស៊ី និងជាម្ចាស់ក្លឹប Chelsea ត្រៀមចំណាយប្រាក់៨០លានផោន សម្រាប់ពង្រឹងក្លឹបនៅរដូវកាលក្រោយ ដើម្បីធ្វើឱ្យក្លឹប Chelsea លេងបានល្អ និងគួរឱ្យចាប់អារម្មណ៍ ឬហៅថា «ក្លឹបមានប្រជាប្រិយភាព» ។
ក្លឹប Chelsea នៅមិនទាន់មានការរួញរាផ្លូវចិត្តក្រោយពីចំណាយប្រាក់ប្រហែល៧២លានផោន ទិញកីឡាករហ្វើណាន់ដូ ទ័ររ៉េស ខ្សែប្រយុទ្ធក្រុមជម្រើសជាតអេស្ប៉ាញ និងកីឡាករដេវីដ ល្វី ខ្សែការពារក្រុមជម្រើសជាតិប្រេស៊ីល សម្រាប់ពង្រឹងក្លឹបក្នុងអំឡុងខែមករាកន្លងមក ។ ស្របពេលជាមួយគ្នានេះ ក៏មានគម្រោងទិញកីឡាករល្បីៗជាច្រើននាក់ក្នុងអំឡុងរដូវកាលឆ្នាំ២០១១-២០១២ខាងមុខដែរ។
លោកអាប្រាម៉ូវិច ត្រូវការកីឡាករឆ្នើមៗសម្រាប់លើកស្ទួយក្លឹប រួមទាំងខ្សែបម្រើ និងខ្សែការពារប្រយុទ្ធ ដោយបច្ចុប្បន្នបានបញ្ជាឱ្យលោករ៉ុន ហ្គួឡាយ នាយកក្លឹបបង្ហាញឈ្មោះកីឡាករដែលពេញចិត្តសម្រាប់ធ្វើការពិចារណា។ តាមប្រភពពីមនុស្សជំនិតនឹងមហាសេដ្ឋីរុស្ស៊ីរូបនេះបានឱ្យដឹងថា «លោកអាប្រាម៉ូវិច ចង់ឃើញក្លឹប Chelsea លេងបានល្អដូចពាក្យដែលគេហៅថា លេងបាល់ដ៏មានប្រជាប្រិយភាព ។ លោកចង់ឃើញក្លឹបប្រកួតឈ្នះក្លឹបជាគូប្រជែងរបស់ខ្លួនក្នុងលទ្ធផល៣ទៅ ៤គ្រាប់ ច្រើនជាងលទ្ធផលឈ្នះ ១-០» ។
សម្រាប់គោលដៅរបស់ក្លឹប Chelsea មានការរំពឹងទុកថា នឹងចាប់ផ្តើមពីខ្សែបម្រើដូចជាកីឡាករហ្វាប្រេហ្គាស់របស់Arsenal កីឡាករវេស្លី ស្នៃឌ័រ របស់កឹ្លប Inter Milan កីឡាករថូម៉ាស់ មុលល័រ របស់ក្លឹប Bayern Munich កីឡាករលូកា ម៉ូឌ្រីស របស់ក្លឹប Spurs និងកីឡាករម៉ារូយ៉ាន ហ្វេលឡាយនី និងជេក រ៉ុតវេល របស់ក្លឹប Everton ជាដើម ៕
ចែករំលែកព័តមាននេះ