ADផ្ទាំងផ្សព្វផ្សាយពាណិជ្ជកម្ម

Picture

មន្ត្រី​ជំនាញ​បន្ទោស​អ្នកកាសែត​…មុន​ថត ម៉េច​មិន​សួរនាំ​សិន​!វៀតណាម​ដឹក​ទំនិញ​ជា​ច្រើន​មុខ​ឆ្លង​ដែន​ចូល​មក​តាម​ប៉ុស្តិ៍​ច្រក​ទ្វារ​ព្រំដែន​ទ្វេ​ភាគី​​បុស្ស​មន​ស្រុក​រំដួល

10 ខែ មុន
  • ស្វាយរៀង

ឈ្មួញ​វៀតណាម​ដឹក​ទំនិញ​តាម​រថយន្ត​ធុន​យក្ស​ឆ្លង​ដែន​ចូល​មក​ផ្ទេរ​ទំនិញ​នៅ​ច្រក​ទ្វារ​ព្រំដែន​ទ្វេភាគី​បុស្ស​មន​យ៉ាង​គគ្រឹកគគ្រេង ក្នុង​នោះ​រួម​មាន ៖ ខ្ទឹម​.​ស​, ខ្ទឹមបារាំង​, បន្លែ​, ផ្លែ​ឈើ​, មី​, គ្រឿង​, សម្ភារៈ​សំណង់​, តុ​, ទូ​, កៅអី​, លួស​ភ្នែក​ក្រួច​, ពូក និង​ទំនិញ​ជា​ច្រើន

ខេត្តស្វាយរៀង ៖ ឈ្មួញ​វៀតណាម​ដឹក​ទំនិញ​តាម​រថយន្ត​ធុន​យក្ស​ឆ្លង​ដែន​ចូល​មក​ផ្ទេរ​ទំនិញ​នៅ​ច្រក​ទ្វារ​ព្រំដែន​ទ្វេភាគី​បុស្ស​មន​យ៉ាង​គគ្រឹកគគ្រេង ក្នុង​នោះ​រួម​មាន ៖ ខ្ទឹម​.​ស​, ខ្ទឹមបារាំង​, បន្លែ​, ផ្លែ​ឈើ​, មី​, គ្រឿង​, សម្ភារៈ​សំណង់​, តុ​, ទូ​, កៅអី​, លួស​ភ្នែកក្រួច​, ពូក និង​ទំនិញ​ជា​ច្រើន​មុខ​ផ្សេង​ទៀត ធ្វើ​ឱ្យ​មហាជន​ដាក់​ការ​សង្ស័យ​ថា គ្មាន​ការ​ត្រួតពិនិត្យ​ពី​មន្ត្រី​ជំនាញ​។ រឿងរ៉ាវ​មហាជន​រិះគន់​នេះ គឺ​បាន​កើតឡើង​នៅ​ព្រឹក​ថ្ងៃ​ទី​២២ ខែឧសភា ឆ្នាំ​២០២៣ នៅ​ទីតាំង​ផ្ទេរ​ទំនិញ ស្ថិត​នៅ​ខាង​មុខ​ច្រក​ទ្វារ​ព្រំដែន​ទ្វេភាគី​បុស្ស​មន ក្នុង​ឃុំ​បុស្ស​មន ស្រុក​រំដួល​។

បើ​តាម​មហាជន​រស់នៅ​ក្នុង​ឃុំ​បុស្ស​មន បាន​លើក​ឡើង​ថា មាន​រថយន្ត​ធុន​យក្ស​ប្រភេទ​វ៉េ​អង ដឹង​ទំនិញ​ពី​ប្រទេស​វៀតណាម ឆ្លង​ដែន​ចូល​មក​ផ្ទេរ​ទំនិញ​នៅ​ខាង​មុខ​បុ​ស្តិ៍​ច្រក​ទ្វារ​ព្រំដែន​ទ្វេភាគី នៃ​ប៉ុស្តិ៍​នគ​បាល​វរៈ​ការពារ​ព្រំដែន​បុស្ស​មន ទាំង​យប់​ទាំង​ថ្ងៃ រួម​មាន ៖ ខ្ទឹម​.​ស​, ខ្ទឹមបារាំង​, មើម​ការ៉ុត​, បន្លែ​, ផ្លែ​ឈើ​, ដូង​, មី និង​សម្ភារៈ​សំណង់ តុ ទូ កៅអី គ្រឿង​ជ័រ និង​ពូក ។​ល​។ បាន​ផ្ទេរ​ដាក់​លើ​រថយន្ត​ធុន​យក្ស និង​រថយន្ត​ទួ​រី​ស​ដឹក​ឆ្ពោះទៅ​រាជធានី​ភ្នំពេញ ដោយ​មិន​ដែល​មាន​ឃើញ​មន្ត្រី​ជំនាញ​ពាក់ព័ន្ធ​មក​ពិនិត្យ​នោះ​ទេ ជា​ហេតុ​ធ្វើ​ឱ្យ​មហាជន​មានការ​ព្រួយបារម្ភ​ចំពោះ​ទំនិញ​បន្លែ ផ្លែ​ឈើ គ្មាន​សុវត្ថិភាព​ដល់​អ្នក​បរិភោគ​។ ហើយ​ទំនិញ​នាំ​ចេញ​ទៅ​ប្រទេស​វៀតណាម​វិញ គឺ​មាន​ស្រូវ និង​ស្ករ​.​ស​។

មហាជន​បាន​អំពាវ​សុំ​ឲ្យ​សមត្ថកិច្ច​ជំនាញ មេត្តា​ចុះ​ពិនិត្យ​ទំនិញ បន្លែ ផ្លែ​ឈើ ដែល​នាំ​ចូល​ពី​ប្រទេស​វៀតណាម ដើម្បី​សុវត្ថិភាព សុ​ខុ​មា​ភាព​ចំណីអាហារ​ដល់​អ្នក​បរិភោគ​ផង​។

ទាក់ទិន​ករណី​ខាងលើ​នេះ​ផង​ដែរ មិន​អាច​រក​ការ​បំភ្លឺ​ពី​លោក​មេ​ប៉ុស្តិ៍​វរៈ​ការពារ​ព្រំដែន​បុស្ស​មន​បាន​ទេ រហូត​មក​ដល់​រសៀល​ថ្ងៃ​ទី​២២ ខែឧសភា​នេះ​។ ហើយ​អ្នក​សារព័ត៌មាន​យើង​ក៏​បាន​ជួប​មន្ត្រី​នគរបាល​ប្រចាំការ​ប៉ុស្តិ៍​ច្រក​ទ្វារ​ព្រំដែន​ទ្វេភាគី​បុស្ស​មន​ម្នាក់ ដោយ​និយាយ​បន្ទោស​ថា «​មក​ថត​អី មិន​មក​សួរ​គ្នា​សិន បើ​ថត​រួច​ហើយ​ចាំបាច់​សួរ​អី​ទៀត​» បន្ទាប់​មក​ក៏​ដើរ​ចេញ​ទៅ​ចូល​ក្នុង​ប៉ុស្តិ៍​យាម​បាត់​ទៅ ដោយ​មិន​អាច​សុំ​ការ​បំភ្លឺ​បាន​ឡើយ​។ ប៉ុន្តែ​បានឃើញ​ម្ចាស់​ទំនិញ​ដើរ​ចរចា​រាប់​លុយ​ទាំង​បាច់​ជូន​លោក​មន្ត្រី​គ្រប់មុខ​សញ្ញា​យ៉ាង​រលូន​ទៅ​ហោង​… ហេ​! ហេ​!

ព័ត៌មាន​បន្ថែម​នឹង​មាន​ផ្សាយ​ជូន​នៅ​លើ​កាសែត​កោះសន្តិភាព​៕

អត្ថបទសរសេរ ដោយ

កែសម្រួលដោយ