រាជធានីភ្នំពេញ ៖ បុរសអ្នករត់ម៉ូតូឌុបម្នាក់ត្រូវសមត្ថកិច្ចនគរបាលខណ្ឌ៧មករា ចាប់បញ្ជូនឡើងសាលាដំបូងរាជធានី កាលពីព្រឹកថ្ងៃទី៣ ឧសភា ដោយចោទប្រកាន់ពីបទថា បានរំលោ.ភសេពសន្ថវៈនារីខូចប្រព័ន្ធសរសៃប្រសាទម្នាក់ចំនួន២ដង នៅផ្ទះសំណាក់ ។ បុរសជាប់ចោទឈ្មោះវ៉ាន់ ពៅ អាយុ៣០ឆ្នាំ មុខរបររត់ម៉ូតូឌុប
រាជធានីភ្នំពេញ ៖ បុរសអ្នករត់ម៉ូតូឌុបម្នាក់ត្រូវសមត្ថកិច្ចនគរបាលខណ្ឌ៧មករា ចាប់បញ្ជូនឡើងសាលាដំបូងរាជធានី កាលពីព្រឹកថ្ងៃទី៣ ឧសភា ដោយចោទប្រកាន់ពីបទថា បានរំលោភសេពសន្ថវៈនារីខូចប្រព័ន្ធសរសៃប្រសាទម្នាក់ចំនួន២ដង នៅផ្ទះសំណាក់ ។ បុរសជាប់ចោទឈ្មោះវ៉ាន់ ពៅ អាយុ៣០ឆ្នាំ មុខរបររត់ម៉ូតូឌុប ទីលំនៅភូមិបានកាម ឃុំពោធិ៍រំចាក ស្រុកព្រៃកប្បាស ខេត្តតាកែវ ចំណែកស្ត្រីរងគ្រោះមានអាយុ២៥ឆ្នាំ ទីលំនៅក្នុងសង្កាត់មនោរម្យ ខណ្ឌ៧មករា ហើយនាងជាមនុស្សខូចប្រព័ន្ធសរសៃប្រសាទផងដែរ ។
ទាក់ទិននឹងការឃាត់ខ្លួនជនសង្ស័យពីបទរំលោភសេពសន្ថវៈបញ្ជូនទៅកាន់សាលាដំបូងរាជធានីភ្នំពេញនេះ ត្រូវបានសមត្ថកិច្ចនគរបាលខណ្ឌ៧មករា ឱ្យដឹងថា គឺធ្វើឡើងតាមបណ្តឹងរបស់ជនរងគ្រោះ ។ នគរបាលខណ្ឌ៧មករា បានឱ្យដឹងទៀតថា កាលពីវេលាម៉ោង៧យប់ ថ្ងៃទី២៧ មេសា ឆ្នាំ២០១១ នារីរងគ្រោះបានចេញពីផ្ទះទៅរកទិញទឹកអំពៅនៅផ្លូវលេខ១០៧ កែងនឹងផ្លូវ១៤០ ស្ថិតក្នុងសង្កាត់មនោរម្យ ។ ពេលនាងដើរទៅទិញទឹកអំពៅបានជួបឈ្មោះវ៉ាន់ ពៅ ពេលនោះឈ្មោះ វ៉ាន់ ពៅ បានបបួលនាងដើរលេង ហើយនាងក៏ទៅតាម។ បន្ទាប់ពីនាងឡើងជិះម៉ូតូទៅជាមួយហើយ វ៉ាន់ ពៅ បានឌុបនាងទៅកាន់ផ្ទះសំណាក់លេខ៣៩ ផ្លូវលេខ៨៦ ប្លុកបឹងកក់ រួចបង្ខំនាងរួមរ័ករហូតបានសម្រេច ទើបឌុបនាងត្រឡប់ទៅកាន់កន្លែងលក់ទឹកអំពៅវិញ ។
ក្នុងពាក្យបណ្តឹងបានឱ្យដឹងទៀតថា លុះនៅយប់ថ្ងៃទី២៨ មេសា ពោលគឺរំលងបានមួយថ្ងៃបុរសអ្នករត់ម៉ូតូឌុបហាក់បីដូចជាញ៉ាម និងងាយស្រួលទាក់ទងផង ក៏ទៅជួបនាងនៅកន្លែងដដែល ព្រមទាំងបានលួងលោម និងឌុបនាងទៅកាន់ផ្ទះសំណាក់ដដែលទៀត ហើយរំលោភបានជោគជ័យ ដោយគ្មានឧបសគ្គអ្វីឡើយ ។ ក្រោយពីឡើងគ្រែបានជោគជ័យដូចបំណងហើយ ក៏ឌុបនាងទៅដាក់នៅកន្លែងដើមវិញ ដូចលើកមុន ។ នគរបាលប្រាប់ទៀតថា លុះនៅយប់ថ្ងៃទី២៩ មេសា ជនល្មោភតណ្ហាឈ្មោះវ៉ាន់ ពៅ ដោយដេកមិនលក់បក់មិនត្រជាក់ ឬក៏អាចថាគុកអន្ទងព្រលឹងឱ្យគាត់ទៅឈររង់ចាំនាងនៅក្រោមផ្ទះ ដើម្បីឌុបទៅកាន់ផ្ទះសំណាក់ទៀត ដើម្បីបំពេញកាមតណ្ហា ។ ការរង់ចាំយា៉ងអន្ទះសានោះពេលឃើញនាងអើតតាមបង្អួចមកក្រោម វ៉ាន់ ពៅ ក៏បក់ដៃហៅ តែត្រូវនាងរាដៃមកវិញ បង្ហាញពីការភ័យខ្លាចមិនហ៊ានចុះមកដីទេ ។
ដោយការខកខាននាំនាងឡើងឋានសួគ៌នៅផ្ទះសំណាក់ នាថ្ងៃទី២៩ មេសា មិនបានសម្រេច ទើបនៅយប់ថ្ងៃទី៣០ មេសា បុរសអ្នករត់ម៉ូតូឌុបរូបនេះបានព្យាយាមទៅរកនាងម្តងទៀត។ ដោយឃើញដូច្នេះ ក្រុមគ្រួសារនិងបងប្អូនជនរងគ្រោះដែលតាមដានកន្លងមកបានចាប់ខ្លួននាំទៅកាន់ប៉ុស្តិ៍នគរបាលរដ្ឋបាលមនោរម្យ ដើម្បីដាក់ពាក្យបណ្តឹងចោទប្រកាន់ពីបទរំលោភសេពសន្ថវៈ ទើបរឿងនេះត្រូវបាននគរបាលផ្នែកព្រហ្មទណ្ឌខណ្ឌ៧មករា រៀបចំឯកសារបញ្ជូនទៅកាន់សាលាដំបូងរាជធានីភ្នំពេញ ។
តំណាងអយ្យការក៏បានធ្វើការចោទប្រកាន់ជាផ្លូវការផងដែរ ពីបទរំលោភសេពសន្ថវៈ ព្រមទាំងបានចាត់បញ្ជូនទៅចៅក្រមស៊ើបអង្កេតសម្រេចឃុំខ្លួនដាក់ពន្ធនាគារជាបណ្តោះអាសន្ន។ នៅសាលាដំបូងរាជធានីភ្នំពេញ ជនដែលត្រូវចោទបានសារភាពថា ខ្លួនពិតជារួមរ័កជាមួយនាងបាន២ដងមែន ។ វ៉ាន់ ពៅ អះអាងថា ការរួមរ័កមិនមែនជាការរំលោភទេ គឺស្មោះស្ម័គ្រស្រឡាញ់គ្នា និងមានបំណងយកធ្វើជាប្តីប្រពន្ធទៀតផង ។ ក្នុងពាក្យបណ្តឹងបានបញ្ជាក់ប្រាប់សមត្ថកិច្ចថា នាងមានជំងឺសរសៃប្រសាទ ដូច្នេះការលួងលោម និងការអូសទាញនាងមានភាពផុយស្រួយទើបធ្លាក់ចូលអន្ទាក់ព្រានបែបនេះ៕
ចែករំលែកព័តមាននេះ