ខេត្តព្រះសីហនុ ៖ បុរសម្នាក់ដែលទើបចេញពីពន្ធនាគារបានប្រមាណបីខែ ត្រូវសមត្ថកិច្ចប៉ូលិសស្រុកព្រៃនប់ចាប់ឃាត់ខ្លូនបញ្ជូនទៅកាន់តុលាការសាជាថ្មី បន្ទាប់ពីបុរសរូបនេះបង្កអំពើហិ.ង្សាដោយប្រើដំបងវាយទៅលើបុរសម្នាក់ទៀតបណ្តាលឱ្យរងរបួស ។ ហេតុការណ៍នេះបានកើតមានឡើងកាលពីថ្ងៃទី១ ឧសភា វេលាម៉ោង៧យប់នៅភូមិ
ខេត្តព្រះសីហនុ ៖ បុរសម្នាក់ដែលទើបចេញពីពន្ធនាគារបានប្រមាណបីខែ ត្រូវសមត្ថកិច្ចប៉ូលិសស្រុកព្រៃនប់ចាប់ឃាត់ខ្លូនបញ្ជូនទៅកាន់តុលាការសាជាថ្មី បន្ទាប់ពីបុរសរូបនេះបង្កអំពើហិង្សាដោយប្រើដំបងវាយទៅលើបុរសម្នាក់ទៀតបណ្តាលឱ្យរងរបួស ។ ហេតុការណ៍នេះបានកើតមានឡើងកាលពីថ្ងៃទី១ ឧសភា វេលាម៉ោង៧យប់នៅភូមិព្រៃនប់១ ឃុំព្រៃនប់ ស្រុកព្រៃនប់ ។
តាមមន្ត្រីប៉ូលិសស្រុកបានឱ្យដឹងថា បុរសរូបនេះឈ្មោះងិន សំអន អាយុ២៧ឆ្នាំ មានទីលំនៅក្នុងភូមិ-ឃុំខាងលើ បានប្រើដំបងប៉ុន.កដៃប្រវែងជាង២ម៉ែត្រ វាយទៅលើឈ្មោះតេង ឈឿន ហៅម៉ាប់ ភេទប្រុស អាយុ៥១ឆ្នាំមានទីលំនៅក្នុងភូមិ-ឃុំជាមួយគ្នាបណ្តាលឱ្យរងរបួសក្បាលដេរជាច្រើនថ្នេរ ។ មុនកើតហេតុទាំងជនរងគ្រោះទាំងជនដៃដល់បានទៅមើលគេលេងបាល់ទះ លុះបានមួយសន្ទុះស្រាប់តែឈ្លោះប្រកែកគ្នារឿងលុយ ក្នុងខណៈនោះដោយជនដៃដល់ស្រវឹងស្រាផងក៏ទៅជាការប្រវាយប្រតប់គ្នាហើយជនដៃដល់បានទាញដំបងដែលនៅក្បែរទ្រើងននោងមកវាយជនរងគ្រោះចំក្បាលបណ្តាលឱ្យបែកហូរឈាម ។
មន្ត្រីប៉ូលិសបានប្រាប់ទៀតថា បន្ទាប់ពីកើតហេតុបានបន្តិចគ្រួសារជនរងគ្រោះបានប្តឹង ហើយធ្វើការឃាត់ខ្លួនដៃដល់ភ្លាមៗនាំយកមកអធិការដ្ឋានដើម្បីសាកសួរ លុះយកមកដល់មិនទាន់ទាំងបានសាកសួរផង ជនដៃដល់រូបនេះ ក៏មានបំណងរត់គេចចេញពីក្នុងអធិការដ្ឋាន តែត្រូវដេញតាមចាប់បានវិញ ។ ជនសង្ស័យត្រូវបានបញ្ជូនទៅកាន់តុលាការខេត្តដើម្បីចាត់កាតាមច្បាប់ ៕
ចែករំលែកព័តមាននេះ