ខេត្តកំពង់ចាម ៖ ក្រុមក្មេងទំនើងចំនួន៣នាក់បានព្រួតគ្នាវាយទៅលើគូបដិបក្សម្នាក់ ព្រមទាំងចាប់ច្របាច់កជ្រមុជចូលទៅក្នុងទឹករណ្តៅដីដែលមានជំរៅ០,៥០ម៉ែត្ររហូតដល់ឈ្លក់ទឹកស្លា.ប់នៅចំណុចអូលីវ ភូមិកំពង់ចន្លុះ ឃុំពាមជីលាំង ស្រុកត្បូងឃ្មុំ កាលពីវេលាម៉ោង១២ និង៥០នាទីរសៀល ថ្ងៃទី២៩ មេសា កន្លងទៅនេះ។ ទោះបីជាបែបណាក្តី ជនសង្ស័យ
ខេត្តកំពង់ចាម ៖ ក្រុមក្មេងទំនើងចំនួន៣នាក់បានព្រួតគ្នាវាយទៅលើគូបដិបក្សម្នាក់ ព្រមទាំងចាប់ច្របាច់កជ្រមុជចូលទៅក្នុងទឹករណ្តៅដីដែលមានជំរៅ០,៥០ម៉ែត្ររហូតដល់ឈ្លក់ទឹកស្លាប់នៅចំណុចអូលីវ ភូមិកំពង់ចន្លុះ ឃុំពាមជីលាំង ស្រុកត្បូងឃ្មុំ កាលពីវេលាម៉ោង១២ និង៥០នាទីរសៀល ថ្ងៃទី២៩ មេសា កន្លងទៅនេះ។ ទោះបីជាបែបណាក្តី ជនសង្ស័យ២នាក់ត្រូវបានចាប់ខ្លួនបន្តបន្ទាប់នៅថ្ងៃទី៣០ មេសា និង១ ឧសភា បន្ទាប់ពីកម្លាំងជំនាញនគរបាលស្រុកចុះស្រាវជ្រាវ។ ជនសង្ស័យទាំង២នាក់នោះត្រូវបានបញ្ជូនទៅកាន់អធិការដ្ឋាននគរបាលស្រុកត្បូងឃ្មុំ ចំណែកបក្សពួកម្នាក់ទៀតរត់គេចខ្លួនបាត់។
លោកវរសេនីយ៍ត្រី ហ៊ាង ហ៊ត់ អធិការនគរបាលស្រុកត្បូងឃ្មុំប្រាប់ថា ជនទាំង២នាក់ដែលត្រូវបានឃាត់ខ្លួនម្នាក់ឈ្មោះឆៃ វ៉ាតខេមរៈ ភេទប្រុស អាយុ១៧ឆ្នាំ រស់នៅភូមិទី២ ឃុំកំពង់ទ្រាស ស្រុកក្រូចឆ្មារ និងម្នាក់ទៀតឈ្មោះយូ សុះសុក្រី ហៅហ្ស៊ុកតូច ជាខ្មែរអ៊ិស្លាម ភេទប្រុស អាយុ១៧ឆ្នាំ រស់នៅភូមិទី៤ដែរ។ លោកអធិការប្រាប់បន្តថា ប្រជាពលរដ្ឋដែលធ្វើដំណើរកាត់តាមចំណុចនោះប្រទះឃើញសាកសពយុវជនម្នាក់នៅក្នុងរណ្តៅដែលគេដឹកយកអាចម៍ដីមានបណ្តោយប្រវែង៣៨ម៉ែត្រ ទទឹងប្រវែង១៨ម៉ែត្រ មានជំរៅ៣ម៉ែត្រ មានទឹកជំរៅ០,៥០ម៉ែត្រ។ ភ្លាមៗនោះបានរាយការណ៍ប្រាប់ដល់ប៉ូលិសប៉ុស្តិ៍រដ្ឋបាលឃុំពាមជីលាំងឱ្យទៅត្រួតពិនិត្យមើល។ ដំណឹងនេះបានលេចឮដល់ក្រុមគ្រួសាររបស់អ្នករងគ្រោះទើបស្គាល់អត្តសញ្ញាណថា ជាខ្មែរអ៊ិស្លាមឈ្មោះម៉ាន់ ឯល អាយុ១៧ឆ្នាំ រស់នៅភូមិវិហារក្រោម ឃុំបឹងព្រួល ស្រុកត្បូងឃ្មុំ។
លោកហ៊ាង ហ៊ត់ បានឱ្យកំលាំងក្រោមឱវាទទាំងជំនាញព្រហ្មទណ្ឌស្រុក និងប៉ូលិសប៉ុស្តិ៍សហការគ្នាស្រាវជ្រាវទើបនៅព្រឹកថ្ងៃទី៣០ មេសា បានឃាត់ជនសង្ស័យម្នាក់ឈ្មោះខេមរៈ ក្នុងពេលកំពុងទៅរៀននៅវិទ្យាល័យពាមជីលាំង។ ពេលសួរនាំទើបឈានទៅចាប់បក្សពួកម្នាក់ទៀតឈ្មោះ ហ្ស៊ុកតូច នៅព្រឹកថ្ងៃទី១ ឧសភា ដល់លំនៅឋាន។
ឈ្មោះឆៃវ៉ាត ខេមរៈ ឆ្លើយថា នៅរសៀលថ្ងៃទី២៩ មេសា រូបគេឃើញឈ្មោះឯល កំពុងតែអង្គុយនៅលើម៉ូតូមុខវិទ្យាល័យពាមជីលាំងក៏ដើរទៅនិយាយលេងជាមួយប្រហែល១០នាទី ។ បន្ទាប់មកឈ្មោះឯលហៅរូបគេ ឱ្យទៅជួបមួយភ្លែតឆ្ងាយពីមុខសាលាមិនដឹងជានៅទីណាទេ។ រូបគេបានយល់ព្រមទៅ ហើយជាអ្នកឌុប ដោយឈ្មោះឯល នៅអង្គុយពីខាងក្រោយមានស្ពាយកាតាបសៀវភៅ។ ក្នុងខណៈពេលជិះទៅដល់ត្រង់កន្លែងរណ្តៅដីនៅភូមិកំពង់ចន្លុះឃើញឈ្មោះហ្ស៊ុកតូច និងម្នាក់ទៀតជិះម៉ូតូពណ៌ខ្មៅ សេ៊រី២០០៩ តាមពីខាងក្រោយហៅរូបគេឱ្យឈប់។ ឈ្មោះហ្ស៊ុក បានកេះរូបគេឱ្យចុះពីលើម៉ូតូ ហើយដើរចេញទៅទិសខាងជើងប្រហែល៥ម៉ែត្រ រួចសួររូបគេថា«ឯងធ្លាប់មានទំនាស់ជាមួយឈ្មោះឯលដែរឬទេ? »។ មិនតែប៉ុណ្ណោះឈ្មោះហ្ស៊ុក បានគំរាមថា «បើឯងយករឿងនេះទៅប្រាប់គេអញ នឹងសម្លាប់ម៉ែឯង និងឯង ព្រមទាំងដុតផ្ទះចោល»។ តាមការសារភាពដដែលថា បន្ទាប់មកពួកគេបានរួមគ្នាសម្លាប់ឈ្មោះឯល។ លោកវរសេនីយ៍ត្រីហ៊ាង ហ៊ត់ អធិការនគរបាលស្រុកត្បូងឃ្មុំបញ្ជាក់ថា យោងតាមពាក្យបណ្តឹងរបស់បុរសឈ្មោះសេន ម៉ាន អាយុ៤៤ឆ្នាំ ត្រូវជាឪពុករបស់អ្នករងគ្រោះទាមទារសំណងជំងឺចិត្តចំនួន៥.០០០ដុល្លារ និងឱ្យផ្តន្ទាទោសទៅតាមច្បាប់ ៕
ចែករំលែកព័តមាននេះ