ពលរដ្ឋ២ភូមិ ប្រមូលផ្តុំគ្នាលេងល្បែ.ងជាច្រើនវង់យ៉ាងគគ្រឹងគគ្រេងរាល់ថ្ងៃ
- ព្រៃវែង
ប្រជាពលរដ្ឋជាច្រើននាក់បានប្រមូលផ្តុំគ្នាលេងល្បែ.ងស៊ីសងជាច្រើនវង់ និងជាច្រើនកន្លែង នៅភូមិមេលុប និងភូមិ
ខេត្តព្រៃវែង ៖ ប្រជាពលរដ្ឋជាច្រើននាក់បានប្រមូលផ្តុំគ្នាលេងល្បែ.ងស៊ីសងជាច្រើនវង់ និងជាច្រើនកន្លែង នៅភូមិមេលុប និងភូមិត្នោត ស្ថិតក្នុងឃុំរកា ស្រុកពារាំង ខេត្តព្រៃវែង ដោយហាក់មិនខ្លាចញញើតចំពោះសមត្ថកិច្ចឡើយ។ ដោយពួកគេប្រមូលផ្តុំគ្នាលេងជារៀងរាល់ថ្ងៃ ដោយខ្លះលេងបៀរ ខ្លះទៀតលេងខ្លាឃ្លោក និងលេងអាប៉ោងជាដើម ហើយលេងនៅនឹងមុខផ្ទះជាប់ផ្លូវតែម្តង។
ពាក់ព័ន្ធករណីខាងលើនេះ ប្រជាពលរដ្ឋមួយចំនួនដែលមិនពេញចិត្តចំពោះក្រុមអ្នកលេងល្បែ.ងទាំងនោះ បានប្រាប់ក្រុមអ្នកសារព័ត៌មានថា ក្រុមអ្នកលេងល្បែ.ងទាំងនោះ គេលេងរាល់ថ្ងៃរហូតញៀ.នទៅហើយ ឈប់មិនបានទេ។ ពេលណាមានសមត្ថកិច្ចមកដេញក៏ផ្អើលរត់ចែកជើងគ្នាអស់ទៅ លុះពេលសមត្ថកិច្ចទៅវិញអស់ គេក៏ប្រមូលគ្នាលេងវិញដដែល។ ដោយអ្នកណាឈ្នះស្រែកហ៊ោសប្បាយទៅ អ្នកណាចាញ់អស់លុយទៅផ្ទះវិញក៏ឈ្លោះគ្នាជាមួយប្រពន្ធកូន រហូតបោ.កចាន បោ.កឆ្នាំង ពេលខ្លះរហូតដល់វា.យដំគ្នាទៀតក៏មាន ប៉ុន្តែស្អែកឡើងនាំគ្នាស្វះស្វែងរកលុយរត់ទៅលេងវិញដដែល។
ចំពោះបញ្ហាខាងលើនេះ ត្រូវបានលោក ស៊ុំ សារិន មេប៉ុស្តិ៍ឃុំរកា ប្រាប់អោយដឹងតាមទូរស័ព្ទនៅព្រឹកថ្ងៃទី២១ ខែឧសភា ឆ្នាំ២០២៣នេះថា នៅភូមិមេលុប និងភូមិត្នោតនោះ ពិតជាមានពលរដ្ឋលួចលេងល្បែ.ងពិតមែន តែកន្លងមក លោកធ្លាប់បានចុះបង្ក្រាប និងហៅមកធ្វើកិច្ចសន្យាជាច្រើននាក់ហើយ ប៉ុន្តែបើនៅតែមានអ្នកលួចលេងទៀតនោះ លោកនឹងចុះទៅបង្ក្រាបទៀត នៅរសៀលថ្ងៃទី២១ ខែឧសភានេះ។
ពាក់ព័ន្ធរឿងល្បែ.ងស៊ីសងនេះដែរ លោក នេត នឿន មេឃុំរកា ទទួលស្គាល់ថា នៅក្នុងភូមិត្នោត និងភូមិមេលុបនេះ គឺពិតជាមានពលរដ្ឋប្រមូលផ្តុំគ្នាលួចលេងល្បែ.ងស៊ីសងពិតមែន ហើយកន្លងមក លោកធ្លាប់ហៅពលរដ្ឋទាំងនោះមកប៉ុស្តិ៍ធ្វើកិច្ចសន្យាម្តងជាពីរដងរួចមកហើយដែរ តែហាក់មិនរៀងចាលសោះ។ ចំណែកលោកមេប៉ុស្តិ៍ស្ពឹកត្រគៀកដែរ រហូតលោកជាមេឃុំ ធ្លាប់ស្នើសុំទៅលោកអភិបាលស្រុក សុំដកមេប៉ុស្តិ៍ចោលថែមទៀត ប៉ុន្តែត្រូវបានលោកអធិការស្នើសុំអោយទុកឱកាសអោយគាត់កែប្រែម្តងសិន តែមកដល់ពេលនេះ លោកមេប៉ុស្តិ៍នៅតែធ្វើមិនបាន។
គួររំលឹកផងដែរថា កាលពីថ្ងៃទី២២ ខែមីនា នៅទីស្តីការគណៈរដ្ឋមន្ត្រី លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង ធ្លាប់បានធ្វើការប្តេជ្ញាចិត្តថា នឹងធ្វើការបង្ក្រាបអោយខាងតែបាន ចំពោះបទល្មើសគ្រប់ប្រភេទនៅក្នុងទឹកដីខេត្តព្រៃវែង ក្នុងនោះក៏មានល្បែ.ងស៊ីសងគ្រប់ប្រភេទផងដែរ។ ប៉ុន្តែមកដល់ពេលនេះ គេមើលឃើញថា ការប្តេជ្ញាចិត្តរបស់លោកស្នងការ ហាក់ មិនទាន់មានប្រសិទ្ធភាពនៅឡើយទេ ព្រោះនៅក្នុងភូមិមួយចំនួននៃឃុំរកា ស្រុកពារាំង នៅតែមានការប្រមូលផ្តុំគ្នាលេងល្បែ.ងស៊ីសងដដែល នេះមកពីលោកស្នងការ ប្តេជ្ញាចិត្តតែម្នាក់ឯងទេដឹង?៕
ចែករំលែកព័តមាននេះ