ប្រាក់ជាង១,៥លានដុល្លារផ្តល់ជូនគ្រូបង្វឹក និងអត្តពលិកវៀតណាមជោគជ័យស៊ីហ្គេមឆ្នាំនេះ
វៀតណាម ៖ យោងតាមបទប្បញ្ញត្តិស្តីពីប្រាក់រង្វាន់សម្រាប់គ្រូបង្វឹក និងអត្តពលិករបស់វៀតណាម
វៀតណាម ៖ យោងតាមបទប្បញ្ញត្តិស្តីពីប្រាក់រង្វាន់សម្រាប់គ្រូបង្វឹក និងអត្តពលិករបស់វៀតណាម
វៀតណាម ៖ យោងតាមបទប្បញ្ញត្តិស្តីពីប្រាក់រង្វាន់សម្រាប់គ្រូបង្វឹក និងអត្តពលិករបស់វៀតណាម ទឹកប្រាក់ជាង ៣៥ពាន់លានដុង ដែលស្មើនឹងជាង ១,៥លានដុល្លារអាមេរិក នឹងត្រូវប្រគល់ជូនគ្រូបង្វឹក និងអត្តពលិក ដែលឈ្នះមេដាយណាមួយក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ នៅប្រទេសកម្ពុជា ដែលទើបតែបញ្ចប់ សម្រាប់ការខិតខំប្រឹងប្រែង និងការប្តេជ្ញាចិត្តរបស់អ្នកទាំងនោះ។
ក្រោយឆ្លងកាត់ការប្រកួតអស់រយៈពេល១១ថ្ងៃកន្លងមក ក្រុមអត្តពលិកវៀតណាមទទួលបានជោគជ័យយ៉ាងត្រចះត្រចង់ជាទីបំផុត នៅក្នុងការប្រកួតកីឡាស៊ីហ្គេមលើកទី៣២ នៅកម្ពុជា ដោយបញ្ចប់នៅកំពូលតារាងចំនួនមេដាយសរុប ក្រោយឈ្នះមេដាយសរុបចំនួន ៣៥៥គ្រឿង មាស ១៣៦គ្រឿង ប្រាក់ ១០៥គ្រឿង និងសំរឹទ្ធ ១១៨គ្រឿង និងបានបង្កើតកំណត់ត្រាហ្គេមចំនួន១៤កំណត់ត្រា។
យោងតាមក្រិត្យលេខ 152/2018/ND-CP នៃរដ្ឋាភិបាលវៀតណាម ដែលបានចេញនៅថ្ងៃទី០៧ ខែវិច្ឆិកា ឆ្នាំ២០១៨ ស្តីពីប្រាក់រង្វាន់សម្រាប់គ្រូបង្វឹក និងអត្តពលិកកីឡា អាជ្ញាធរត្រូវផ្តល់ប្រាក់រង្វាន់ដល់អត្តពលិកឈ្នះមេដាយមាស ៤៥លានដុង ស្មើប្រមាណ ២ពាន់ដុល្លារក្នុងមា្នក់ និង ២៥លានដុង ស្មើជាង ១ពាន់ដុល្លារសម្រាប់អ្នកឈ្នះមេដាយប្រាក់ ចំណែកមេដាយសំរឹទ្ធទទួលបាន ២០លានដុង ស្មើនឹង ៨៦០ដុល្លារ។ លើសពីនេះ អត្តពលិកដែលបំបែកកំណត់ត្រាស៊ីហ្គេម នឹងបានប្រាក់រង្វាន់បន្ថែម ២០លានដុងទៀត។
ក្រឹត្យនេះ ក៏បានកំណត់ថា គ្រូបង្វឹកដែលបណ្តុះបណ្តាលអត្តពលិកដោយផ្ទាល់ ដើម្បីឈ្នះមេដាយណាមួយ នឹងមានសិទ្ធិទទួលបានប្រាក់រង្វាន់ស្មើនឹងអត្តពលិក។ ចំណែកគ្រូបង្វឹកដែលបង្វឹកក្រុមដោយផ្ទាល់ ដើម្បីចូលរួមប្រកួតកីឡាអន្តរជាតិមានសិទ្ធិទទួលប្រាក់រង្វាន់ទូទៅស្មើនឹងកម្រិតប្រាក់រង្វាន់សម្រាប់អត្តពលិកដែលឈ្នះ។
ក្រុមអត្តពលិកវិញ្ញាសាមុជទឹក សម្រេចបានល្អបំផុតនៅស៊ីហ្គេមលើកទី៣២ ដោយឈ្នះមេដាយមាស ១៤គ្រឿង ប្រាក់ ១១គ្រឿង និងសំរឹទ្ធ ៥គ្រឿង ដូច្នេះប្រាក់រង្វាន់សរុបសម្រាប់ពួកគេត្រូវបានរំពឹងថានឹងមានចំនួនជាង ៧៣,០០០ដុល្លារ ហើយក្រុមគ្រូបង្វឹកទទួលបានសរុបជាង ៥១.០០០ដុល្លារ។ ក្រុមបាល់ទាត់នារី ដែលដណ្តើមបានមេដាយមាស នឹងទទួលបានប្រាក់រង្វាន់សរុបជាង ៣៨,០០០ដុល្លារ ហើយក្រុមគ្រូបង្វឹកនឹងទទួលបានជិត ១ម៉ឺនដុល្លារ។ ក្រុមបាល់ទាត់បុរសអាយុក្រោម២២ឆ្នាំ ដែលឈ្នះមេដាយសំរឹទ្ធ ដូច្នេះប្រាក់រង្វាន់សរុបជាង ១៧,០០០ដុល្លារ ហើយក្រុមគ្រូបង្វឹកទទួលបានជាង ៤ពាន់ដុល្លារ៕ (ប្រភពពី ៖ VietNamNet)
ចែករំលែកព័តមាននេះ