រាជធានីភ្នំពេញ ៖ លោក ប៉ែន ផាត (ពេលលោកអាយុ១៥ឆ្នាំ) គឺជាអតីតកីឡាករជម្រើសជាតិកម្ពុជា ដ៏ល្បីល្បាញមួយរូប នាអំឡុងទសវត្សរ៍ ឆ្នាំ១៩៦០-ឆ្នាំ១៩៧០…
រាជធានីភ្នំពេញ ៖ លោក ប៉ែន ផាត (ពេលលោកអាយុ១៥ឆ្នាំ) គឺជាអតីតកីឡាករជម្រើសជាតិកម្ពុជា ដ៏ល្បីល្បាញមួយរូប នាអំឡុងទសវត្សរ៍ ឆ្នាំ១៩៦០-ឆ្នាំ១៩៧០ ដែលគេប្រសិទ្ធនាមឱ្យថា ជាវីរបុរសបាល់ទាត់កម្ពុជា និងហៅរហស្សនាមកីឡាកររូបនេះថាពស់កេងកង។
បច្ចុប្បន្ន លោក ប៉ែន ផាត អាយុ៧៥ឆ្នាំ ទទួលបានសញ្ជាតិបារាំង មានដើមកំណើតក្នុងខេត្តកំពង់ចាម បានទៅរស់នៅប្រទេសថៃ កាលពីអំឡុងឆ្នាំ១៩៧២ ក្នុងអំឡុងពេលមានសង្គ្រាម ។
លោកជាកីឡាករខ្មែរតែម្នាក់គត់ ដែលបានលេងបាល់ជាមួយស្តេចបាល់ទាត់របស់ប្រេស៊ីល លោក Pele ក្នុងអំឡុងពេលលោកលេងឲ្យក្លិបមួយរបស់ថៃ ។
លោក ប៉ែន ផាត ចង់ប្រើប្រាស់ជីវិតចុងក្រោយជាមួយក្រុមបាល់ទាត់នៅកម្ពុជា។ លោក ចង់យកបទពិសោធន៍បង្វឹករបស់ខ្លួន មកចែករំលែកដល់យុវជនជំនាន់ក្រោយឲ្យពួកគេបានយល់ បានដឹងពីវិធីសាស្ត្រ ក្នុងការអភិវឌ្ឍន៍សមត្ថភាព ពោលគឺ លោក ចង់ក្លាយជាចំណែកមួយក្នុងការជួយអភិវឌ្ឍន៍ កីឡាបាល់ទាត់ នៅកម្ពុជា ។
លោកធ្លាប់បណ្តុះបណ្តាលយុវជនថ្នាលនៅប្រទេសថៃ និងនៅប្រទេសបារាំង និងអាចបន្តធ្វើជាគ្រូបង្វឹកនៅស្រុកបារាំងជាបន្តទៀត នៅក្លឹបមួយដែលលោកធ្លាប់បង្ហាត់ ហើយ នៅក្លឹបមួយនៅថៃ ក៏បានទាក់ទងរូបលោកឱ្យទៅបន្តបង្ហាត់ទៀតដែរ ។
ប្រវត្តិត្រួសៗ របស់កីឡាករ ប៉ែន ផាត មានដូចខាងក្រោមនេះ ៖
កីឡាករឆ្នើមទាំង១១រូប របស់អាស៊ី ឆ្នាំ១៩៧២ លោក ប៉ែន ផាត នៅជ្រុងខាងស្តាំ ខាងលើ នៃរូបភាព
ក្នុងឆ្នាំ1972 ការប្រកួតរវាងក្រុម Bangkok XI និង Santos Brasil ។ លោក ប៉ែន ផាត បានជួបលោក ប៉េឡេ។ នៅពេលចប់ការប្រកួតលោក Pelé បានប្រាប់កាសែតថៃថា កីឡាករ ក្នុងក្រុម Bangkok ពាក់អាវលេខ 7 (ប៉ែន ផាត) គឺជាកីឡាករល្អបំផុតសម្រាប់គាត់ ក្នុងក្រុមគូប្រកួត។ លោក Pelé បានប្រៀបធៀប PEN Phath ទៅលោក Garrincha ដែលជាមិត្តរួមក្រុមរបស់គាត់ និងជាវីរបុរសប្រេស៊ីល។
លោក ប៉ែន ផាត ប្រកួតជាមួយ Newcastle FC ក្នុងឆ្នាំ ១៩៧២ (នៅទីក្រុងបាងកក)។ លោកបានស៊ុតបាល់ហ្វ្រីឃីកបញ្ជូលទីក្រុម Newcastle ក្នុងពាន់រង្វាន់ Asian Tour ។
ក្រុមជម្រើសជាតិកម្ពុជា ឆ្នាំ1968 ខ្មែរឈ្នះសិង្ហបុរី ៣ ទល់នឹង ១ នៅពហុកីឡដ្ឋានជាតិអូឡាំពិក រាជធានីភ្នំពេញ។
ក្រុមជម្រើសជាតិកម្ពុជា ឆ្នាំ1968 ខ្មែរស្មើពិន្ទុនឹងអូស្រ្តាលី នៅពហុកីឡដ្ឋានជាតិអូឡាំពិក រាជធានីភ្នំពេញ។
ក្រុមជម្រើសជាតិកម្ពុជាឆ្នាំ 1967 ការប្រកួតមិត្តភាពជាមួយក្រុម Dynamo kyiv ដែលជាក្រុមជើងឯក របស់ប្រទេសអ៊ុយក្រែន។
ក្រុមជម្រើសជាតិកម្ពុជាឆ្នាំ១៩៦៨ ឈ្នះលើឥណ្ឌូណេស៊ី ២ទល់០។
ក្រុមជម្រើសជាតិកម្ពុជា ឆ្នាំ1968 ខ្មែរចាញ់ 1 ទល់ 0 ទល់នឹងកូរ៉េខាងជើង ដែលជាការប្រកួតវគ្គ 1/4 ផ្តាច់ព្រ័ត្រនៃព្រឹត្តិការណ៍ World Cup ឆ្នាំ 1966 ។
ក្រុមជម្រើសជាតិកម្ពុជាឆ្នាំ 1967 ចាញ់ 3 ទល់នឹង 1 ទល់នឹងក្រុម Red Star of Belgrade ដែលជាជើងឯកស៊ែប៊ីក្នុងការប្រកួតមិត្តភាព។ គ្រូបង្វឹកក្រុមជម្រើសជាតិខ្មែរនៅពេលនោះ គឺជាកីឡាករអន្តរជាតិហុងគ្រីដែលអនុញ្ញាតឱ្យកម្ពុជាបានជួបក្រុមជើងឯកអឺរ៉ុបខាងកើត។
ឆ្នាំ១៩៧២ លោក ប៉ែន ផាត និងអ្នកចាំទីស្វីសក្នុងការប្រកួតមិត្តភាពនៅទីក្រុងបាងកក។
លោក ប៉ែន ផាត ក្នុងក្រុម Rajpracha FC ក្នុងការប្រកួតវគ្គផ្ដាច់ព្រ័ត្រដោយលោកអូសបាល់ឆ្លងកាត់ខ្សែការពារ ២នាក់និងស៊ុតបញ្ចូលទី។ ទទួលជ័យជម្នះជើងឯករបស់ប្រទេសថៃឆ្នាំ1972។
ក្រុមជម្រើសជាតិកម្ពុជាឆ្នាំ 1962 ខ្មែរចាញ់ក្រុមរុស្សី 3 ទល់នឹង 0 ក្នុងការប្រកួតមិត្តភាព។
ក្រុមជម្រើសជាតិកម្ពុជា ឆ្នាំ1970 ឈ្នះវៀតណាម 3 ទល់នឹង 0 ។
ឆ្នាំ 1974 លោក ប៉ែន ផាត សញ្ជាតិកម្ពុជា នៅប្រទេសអាឡឺម៉ង់ ជាមួយក្រុមរបស់លោក ក្លិប Rajpracha FC ដែលជាម្ចាស់ជើងឯករបស់ថៃ
ចែករំលែកព័តមាននេះ