ទីភ្នាក់ងារព័ត៌មានអាមេរិករាយការណ៍ថា សាកសពមេដឹកនាំភេរវកម្មអាល់កៃដា អូសាម៉ា ប៊ីនឡាដេន ត្រូវបានយកទៅទម្លាក់ក្នុងទឹកសមុទ្រ ក្រោយពីត្រូវបា.ញ់សម្លា.ប់ដោយកងកុំម៉ង់ដូពិសេសរបស់អាមេរិកនៅប្រទេសប៉ាគីស្ថាន ។ បណ្តាញទូរទស្សន៍ខ្សែកាបនានាមានដូចជាទូរទស្សន៍ CNN ទូរទស្សន៍ MSNBC និងទូរទស្សន៍ FOX រាយការណ៍ថា
ទីភ្នាក់ងារព័ត៌មានអាមេរិករាយការណ៍ថា សាកសពមេដឹកនាំភេរវកម្មអាល់កៃដា អូសាម៉ា ប៊ីនឡាដេន ត្រូវបានយកទៅទម្លាក់ក្នុងទឹកសមុទ្រ ក្រោយពីត្រូវបាញ់សម្លាប់ដោយកងកុំម៉ង់ដូពិសេសរបស់អាមេរិកនៅប្រទេសប៉ាគីស្ថាន ។ បណ្តាញទូរទស្សន៍ខ្សែកាបនានាមានដូចជាទូរទស្សន៍ CNN ទូរទស្សន៍ MSNBC និងទូរទស្សន៍ FOX រាយការណ៍ថា មន្ត្រីជាន់ខ្ពស់អាមេរិកមួយរូបអះអាងបញ្ជាក់ថា សពរបស់អូសាម៉ា ប៊ីនឡាដេន ត្រូវយកទៅទម្លាក់ក្នុងសមុទ្រ ប៉ុន្តែមិនបានផ្តល់ព័ត៌មានលម្អិតទៀតឡើយ ។
ទូរទស្សន៍ ABC និយាយថា ការទម្លាក់សពអូសាម៉ា ប៊ីនឡាដេន ទៅក្នុងសមុទ្រនឹងធានាមិនឱ្យមានកន្លែងសម្រាប់ធ្វើធម្មយាត្រារបស់អ្នកគាំទ្រលោក ។ តាមប្រភពព័ត៌មានថា អូសាម៉ា ប៊ីនឡាដេន ត្រូវបាញ់ចំក្បាល និងចំទ្រូងជាច្រើនគ្រាប់ ។
អាជ្ញាធរអាមេរិកអះអាងថា ខ្លួនបានគោរពតាមប្រពៃណីអ៊ិស្លាមក្នុងការរៀបចំសពប៊ីនឡាដេន ។ ការទម្លាក់សាកសពប៊ីនឡាដេនទៅក្នុងសមុទ្រត្រង់កន្លែងសម្ងាត់មួយ ដើម្បីចៀសវាង ប្រសិនបើជាយកសពនេះទៅបញ្ចុះក្នុងផ្នូរមួយ ផ្នូរនោះអាចក្លាយជាកន្លែងគោរពបូជាធ្វើធម្មយាត្រារបស់ពួកអ្នកគាំទ្រមេដឹកនាំអាល់កៃដារូបនេះ ។ អ្នកទទួលខុសត្រូវអាមេរិកមួយរូបនិយាយថា សាកសពរបស់ប៊ីនឡាដេន ត្រូវរៀបចំតាមប្រពៃណីអ៊ិស្លាមដោយគេលាងសំអាត ស្លៀកពាក់ឱ្យត្រឹមត្រូវមុនពេលយកទៅទម្លាក់ក្នុងសមុទ្រ ៕
ចែករំលែកព័តមាននេះ