ខេត្តបន្ទាយមានជ័យ ៖ គំនុំចាស់បានក្លាយជាអំពើហិ.ង្សា ព្រោះតែបងថ្លៃបានយកកាំបិតប៉័ងតោកា.ប់ប្អូនថ្លៃរបស់ខ្លួនឱ្យរងរបួសកំភួនដៃដេរចំនួន១៣ថ្នេរ ។ អំពើសងសឹកគ្នារវាងបងថ្លៃ និងប្អូនថ្លៃនេះ បានកើតឡើងកាលពីវេលាម៉ោង៣និង៣០នាទីរសៀល ថ្ងៃទី២៨មេសា ឆ្នាំ២០១១ នៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ
ខេត្តបន្ទាយមានជ័យ ៖ គំនុំចាស់បានក្លាយជាអំពើហិង្សា ព្រោះតែបងថ្លៃបានយកកាំបិតប៉័ងតោកាប់ប្អូនថ្លៃរបស់ខ្លួនឱ្យរងរបួសកំភួនដៃដេរចំនួន១៣ថ្នេរ ។ អំពើសងសឹកគ្នារវាងបងថ្លៃ និងប្អូនថ្លៃនេះ បានកើតឡើងកាលពីវេលាម៉ោង៣និង៣០នាទីរសៀល ថ្ងៃទី២៨មេសា ឆ្នាំ២០១១ នៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ។
មន្ត្រីនគរបាលក្រុងសិរីសោភ័ណ បានឱ្យដឹងថា ក្រោយពីទទួលបណ្តឹងពីជនរងគ្រោះជាប្អូនថ្លៃឈ្មោះចេង ជាប់ ភេទប្រុស អាយុ៣៧ឆ្នាំ នៅផ្ទះជាមួយបងថ្លៃឈ្មោះដៀប សុគន្ធា ហៅទិត ភេទប្រុស អាយុ២៧ឆ្នាំ នៅភូមិកើតហេតុខាងលើ កម្លាំងនគរបាលក្រុងក៏បានចុះទៅចាប់ឃាត់ខ្លួនជនល្មើសជាបងថ្លៃមកអធិការដ្ឋាននៅម៉ោង៦ព្រឹក ថ្ងៃទី២៩ មេសា ឆ្នាំ២០១១ ។ មន្ត្រីនគរបាលក្រុងបន្តថា ជនដៃដល់ជាបងថ្លៃ បានយកកាំបិតប៉័ងតោកាប់ជនរងគ្រោះជាប្អូនថ្លៃត្រូវ១កាំបិតត្រង់កំភួនដៃឆ្វេងដេរចំនួន១៣ថ្នេរ ។ បើតាមការសាកសួរចម្លើយជនដៃដល់បានសារភាពថា ទង្វើដែលគេបានធ្វើនេះក៏ព្រោះតែខឹងនឹងប្អូនថ្លៃរបស់គេដែលបានប្តឹងសមត្ថកិច្ចឱ្យចាប់ខ្លួនដាក់ពន្ធនាគារអស់មួយរយៈពីបទបង្ករបួសស្នាម ទើបពេលខ្លួនចេញពីពន្ធនាគារក៏សងសឹកតែម្តង ។
មន្ត្រីនគរបាលដដែលបានបន្តទៀតថា ភាពខ្វះការពិចារណាក្នុងការសងសឹកវាមិនមែនជាជម្រើសរបស់មនុស្សគ្រប់រូបនោះទេ ទីបំផុតច្បាប់នៅតែផ្តន្ទាទោសដដែលចំពោះអ្នកប្រព្រឹត្តខុសច្បាប់។ ជាក់ស្តែងដូចជាឈ្មោះដៀប សុគន្ធា ហៅទិត ធ្លាប់ជាប់ពន្ធនាគារម្តងហើយតែមិន រាងចាលនៅតែប្រព្រឹត្តបទល្មើសដដែល និងត្រូវបានកសាងសំណុំរឿងបញ្ជូនទៅតុលាការចាត់ការតាមច្បាប់ ៕
ចែករំលែកព័តមាននេះ