បោះឆ្នោតនៅថៃថ្ងៃនេះ! តាមការស្ទង់មតិ បក្សប្រឆាំងនឹងឈ្នះ
ប្រទេសថៃ ៖ ប្រជាជនថ្ងៃនាថ្ងៃទី១៤ឧសភា បាននាំគ្នាចេញទៅបោះឆ្នោតក្នុងការបោះឆ្នោតសភា
ប្រទេសថៃ ៖ ប្រជាជនថ្ងៃនាថ្ងៃទី១៤ឧសភា បាននាំគ្នាចេញទៅបោះឆ្នោតក្នុងការបោះឆ្នោតសភាលើកដំបូង ចាប់តាំងពីបាតុកម្មស្និទ្ធប្រជាធិបតេយ្យឆ្នាំ២០២០មក ដោយក្នុងការបោះឆ្នោតលើកនេះ តាមការស្ទាបស្ទង់មតិនានាថាពួកប្រឆាំងនឹងជាអ្នកឈ្នះ។
ការិយាល័យបោះឆ្នោតប្រមាណជា ៩៥.០០០កន្លែង ត្រូវបានបើកចាប់ពីម៉ោង៨ព្រឹកម៉ោងក្នុងស្រុកទៅ ក្នុងទូទាំងប្រទេសសម្រាប់អ្នកបោះឆ្នោត៥២លាននាក់។ ពួកអ្នកវិភាគយល់ថាអត្រាអ្នកចូលរួមបោះឆ្នោត អាចមានខ្ពស់។ គណបក្សប្រឆាំងសំខាន់ភឿថៃដឹកនាំដោយកូនស្រី អតីតនាយករដ្ឋមន្ត្រីលោកថាក់ស៊ីនស៊ីណាវ៉ាត្រា ក្នុងការបោះឆ្នោតនេះសង្ឍឹមបិទទំព័រនៃការកាន់អំណាចស្ទើរតែ១ទសវត្សមកហើយ របស់កងទ័ពនិងសម្ព័ន្ធមិត្តដឹកនាំដោយនាយករដ្ឋមន្ត្រីចប់អាណត្តិលោកប្រាយុទ្ធចាន់អូចាអាយុ៦៩ឆ្នាំ។
ទោះបីយ៉ាងណា ប្រព័ន្ធបោះឆ្នោតដ៏ស្មុគ្រស្មាញ អាចឲ្យបេក្ខជនស្និទ្ធយោធាមានអំណោយផលច្រើន ដែលអាចនៅបន្តកាន់អំណាច។ សេនារិយោមួយដែលអាចឲ្យពួកយោធារក្សាអំណាច ក៏គ្រោងដែរ ក្នុងប្រទេសដែលតែងមានអន្តរាគមន៍របស់កងទ័ពនិងតុលាការក្នុងដំណើរការប្រជាធិបតេយ្យ។
ក្នុងការបោះឆ្នោតនេះគណបក្សភឿថៃត្រូវការដណ្ដើមយកកៅអីយ៉ាងតិចឲ្យបាន៣៧៦ ក្នុងចំណោមកៅអីទាំង៥០០របស់សភា ទើបអាចទប់នឹងកៅអីព្រឹទ្ធសមាជិក២៥០ ដែលកងទ័ពជាអ្នកជ្រើសរើស។ ខាងផ្នែកក្រុមស្និទ្ធយោធា ត្រូវស្វែងរកឲ្យទទួលបានកៅអីសភាយ៉ាងតិច១២៦ ដើម្បីធានាដល់សំឡេងភាគច្រើនដែលអាចជ្រើសតាំងនាយករដ្ឋមន្ត្រីដោយសភាទាំង២។
បេក្ខនារីនៃគណបក្សភឿថៃលោកស្រីប៉ាអ៊ីតុងតានស៊ីណាវ៉ាត្រា មុនពេលការបោះឆ្នោតថ្លែងនាថ្ងៃទី១២ ឧសភាថា ថ្ងៃទី១៤ ឧសភា ជាថ្ងៃប្រវត្តិសាស្ត្រ ដែលនឹងឃើញប្រទេសថៃឆ្លងពីអំណាចយោធាមកអំណាចប្រជាធិបតេយ្យវិញ។ លោកស្រីតាមការស្ទាបស្ទង់មតិថា ជាអ្នកអាចទទួលបានជ័យជម្នះក្រោមទង់គណបក្សភឿថៃ។
ការបោះឆ្នោតជាតិនាថ្ងៃទី១៤ឧសភា ជាការការបោះឆ្នោតធំដែលរៀបចំធ្វើចាប់តាំងពីបាតុកម្មធំស្និទ្ធលទ្ធិប្រជាធិបតេយ្យឆ្នាំ២០២០ ដែលទាមទារឲ្យកាត់បន្ថយឥទ្ធិពលរបស់ព្រះមហាក្សត្រ ជាបញ្ហារសើបបំផុតនៅថៃ ដែលព្រះមហាក្សត្រត្រូវបានចាត់ទុកស្ទើរតែជាអាទិទេព។ បាតុកម្មតវ៉ាទាំងនោះបានចុះខ្សោយវិញ ក្រោមឥទ្ធិពលនៃការឆ្លងរាលដានៃកូវីដ ហើយការគាបសង្កត់បង្ក្រាបរបស់អាជ្ញាធរនាំឲ្យលេចចេញចលនានយោបាយមួយទៀតដែលខ្លាំងគូរសម គឺគណបក្សដើរទៅមុខ(MOVE FOR WARD)ជាកម្លាំងប្រឆាំងថៃធំមួយទៀតតំណាងឲ្យកម្លាំងយុវវ័យ៕
ចែករំលែកព័តមាននេះ