ខេត្តក្រចេះ ៖ ប៉ូលិសស្រុកឆ្លូង បានធ្វើការឃាត់ខ្លួនក្រុមចាស់ទំនើង ដែលវាយកា.ប់ចាក់គ្នាក្នុងពិធីរាំធុងបាស់ បណ្ដាលឱ្យមនុស្សពីរនាក់របួសធ្ងន់ចូលដេកពេទ្យ និងម្នាក់ទៀតត្រូវប៉ូលិសចាប់វាយខ្នោះពីបទប្រើអំពើហិ.ង្សារដោយចេតនា។ ជនជាប់ចោទជាចាស់ទំនើងដែលប៉ូលិសឃាត់ខ្លួនក្រោយពីបង្កការវាយតប់គ្នាក្នុងវង់រាំនេះ
ខេត្តក្រចេះ ៖ ប៉ូលិសស្រុកឆ្លូង បានធ្វើការឃាត់ខ្លួនក្រុមចាស់ទំនើង ដែលវាយកាប់ចាក់គ្នាក្នុងពិធីរាំធុងបាស់ បណ្ដាលឱ្យមនុស្សពីរនាក់របួសធ្ងន់ចូលដេកពេទ្យ និងម្នាក់ទៀតត្រូវប៉ូលិសចាប់វាយខ្នោះពីបទប្រើអំពើហិង្សារដោយចេតនា។ ជនជាប់ចោទជាចាស់ទំនើងដែលប៉ូលិសឃាត់ខ្លួនក្រោយពីបង្កការវាយតប់គ្នាក្នុងវង់រាំនេះឈ្មោះម៉ួង ផន អាយុ៣០ឆ្នាំ មុខរបរកសិករ មានទីលំនៅភូមិស្រែត្រៀក ឃុំដំរីផុង ស្រុកឆ្លូង ក្រោយពេលដែលជនសង្ស័យរូបនេះប្រដាប់ដោយកូនពូថៅបានធ្វើសកម្មភាពកាប់ និងវាយទៅលើជនពីរនាក់ទៀត ក្នុងវង់រាំធុងបាស់កំសាន្ដភូមិបណ្ដាលឱ្យរងរបួសធ្ងន់ដេកពេទ្យ។
ហេតុការណ៍ឈ្លោះប្រកែកគ្នារបស់ក្រុមចាស់ទំនើងនេះ បានកើតឡើងកាលពីយប់ថ្ងៃទី៣០ មេសា នៅចំណុចភូមិវាលកន្សែង ឃុំកំពង់ដំរី ស្រុកឆ្លូង ក្នុងពិធីរាំធុងបាស់កំសាន្ដភូមិ ហើយជនរងគ្រោះ និងជនដៃដល់មានការឈ្លោះប្រកែកគ្នាពេលកំពុងរាំក៏កើតជាជម្លោះវាយកាប់គ្នា បណ្តាលឱ្យជនរងគ្រោះពីរនាក់ក្នុងចំណោម៤នាក់ មានឈ្មោះឃុន ឃី អាយុ២០ឆ្នាំ បានរងរបួស ដោយគេកាប់នឹងពូថៅត្រូវក្បាល និងក ឯម្នាក់ទៀតឈ្មោះបាវ ការុង អាយុ៣០ឆ្នាំ រងរបួសចំខ្នង ជនរងគ្រោះទាំងពីរមានទីលំនៅភូមិត្រៀក ឃុំដំរីផុង ស្រុកឆ្លូង។
លោកហុង សុខលី អធិការស្រុកឆ្លូងបានឱ្យដឹងថា បន្ទាប់ពីកើតហេតុមន្ដ្រីប៉ូលិសអធិការស្រុក និងកម្លាំងប៉ុស្ដិ៍រដ្ឋបាលបានចុះទៅដល់កន្លែងកើតហេតុក៏ធ្វើការឃាត់ខ្លួនបានជនរូបនេះ មកកាន់អធិការដ្ឋាន ដើម្បីសួរនាំ និងកសាងសំណុំរឿងតាមនីតិវិធី រីឯជនរងគ្រោះទាំងពីរនាក់កំពុងដេកសំរាកព្យាបាលនៅមន្ទីពេទ្យបង្អែកឆ្លូង ក្នុងអការធ្ងន់ធ្ងរ៕
ចែករំលែកព័តមាននេះ