ខេត្តកំពង់ចាម ៖ បុរសតិរច្ឆានម្នាក់ឈ្មោះស្ងួន ទី អាយុ៣២ឆ្នាំ រស់នៅឃុំស្វាយទាប ស្រុកចំការលើ បានប្រើល្បិចហៅកូនស្រីច្បងរបស់ខ្លួនអាយុ១៤ឆ្នាំ ឱ្យក្រោកពីដំណេកនាកណ្តាលអធ្រាត្រនៅលើរោងចាំចម្ការស្ថិតនៅខាងកើតភូមិប្រហែលជាង១.៥០០ម៉ែត្រ ដោយប្រាប់ថា ទៅរើសខោ និងទូរស័ព្ទដែលប្រពន្ធយកបោះចោល តែតាមពិតគឺនាំកូនស្រី
ខេត្តកំពង់ចាម ៖ បុរសតិរច្ឆានម្នាក់ឈ្មោះស្ងួន ទី អាយុ៣២ឆ្នាំ រស់នៅឃុំស្វាយទាប ស្រុកចំការលើ បានប្រើល្បិចហៅកូនស្រីច្បងរបស់ខ្លួនអាយុ១៤ឆ្នាំ ឱ្យក្រោកពីដំណេកនាកណ្តាលអធ្រាត្រនៅលើរោងចាំចម្ការស្ថិតនៅខាងកើតភូមិប្រហែលជាង១.៥០០ម៉ែត្រ ដោយប្រាប់ថា ទៅរើសខោ និងទូរស័ព្ទដែលប្រពន្ធយកបោះចោល តែតាមពិតគឺនាំកូនស្រីទៅចាប់រំលោភរហូតដល់បានសម្រេច ។ ហេតុការណ៍នេះបានកើតឡើងកាលពីយប់ថ្ងៃទី២៨ មេសា ទោះបីជាបែបណា ឪពុកចិត្តអប្រិយនេះក៏ត្រូវកម្លាំងនគរបាលប៉ុស្តិ៍រដ្ឋបាលឃុំស្វាយទាប ចាប់ខ្លួនបាននាព្រឹកថ្ងៃទី២៩ មេសា ។
លោកអនុសេនីយ៍ឯក អ៊ិត ដារ៉ា អធិការនគរបាលស្រុកចំការលើ បានឱ្យដឹងថា ប៉ុស្តិ៍រដ្ឋបាលឃុំស្វាយទាប បានទទួលពាក្យបណ្តឹងពីស្ត្រីជាប្រពន្ធថា ជននេះបានចាប់រំលោភកូនស្រីនៅចម្ងាយប្រមាណ៥០០ម៉ែត្រពីរោងចាំចម្ការប៉ុណ្ណោះ ។ ក្រោយពីទទួលបានពាក្យបណ្តឹងនេះ រូបលោកបានបញ្ជាឱ្យលោកនាយប៉ុស្តិ៍រដ្ឋបាលឃុំស្វាយទាប ដឹកនាំកម្លាំងក្រោមឱវាទចុះទៅជាបន្ទាន់ និងចាប់ខ្លួនជនឈ្មោះស្ងួន ទី នាំមកកាន់អធិការដ្ឋានស្រុក ។
ចំណែកក្មេងស្រីរងគ្រោះបានបំភ្លឺប្រាប់ថា នៅយប់ថ្ងៃទី២៨ មេសា នោះ ខណៈនាងកំពុងដេកជាមួយប្អូនៗស្រាប់តែនៅពាក់កណ្តាលយប់ឪពុករបស់នាងបានមកដាស់ឱ្យក្រោកដោយប្រាប់ថា ម្តាយនាងយកខោគាត់គ្រវាត់ចោលបាត់ហើយ និងឱ្យទៅយកគោមមកបំភ្លឺ បញ្ចាំងរកមើលខោ និងទូរស័ព្ទដៃ ។ ពេលនោះនាងក៏បានក្រោកឡើងចុះដើរទៅជាមួយនឹងឪពុកដោយនាងដើរពីមុខ លុះដើរដល់អូរសោម ចម្ងាយប្រមាណ៥០០ម៉ែត្រ ពីចម្ការស្រាប់តែឪពុកនាងចាប់នាងរំលោភតែម្តង។ បន្ទាប់មកឪពុកនាងបានគំរាមមិនឱ្យយករឿងនេះទៅប្រាប់អ្នកណាទេ រួចក៏បានដើរសំដៅមកភូមិរកម្តាយតែមិនឃើញក៏ត្រឡប់ទៅដេកនៅរោងចាំចំការវិញ ។ បុរសតិរច្ឆានឈ្មោះស្ងួន ទី បានឆ្លើយសារភាពថា ខ្លួនពិតជាបានរំលោភកូនស្រីមែន ។ លោកអធិការនគរបាលស្រុកចំការលើបានបញ្ជាក់ថា បុរសតិរច្ឆានរូបនេះត្រូវបានបញ្ជូនទៅស្នងការដ្ឋានខេត្តហើយដើម្បីចាត់ការតាមនីតិវិធី ៕
ចែករំលែកព័តមាននេះ