ខេត្តកំពង់ឆ្នាំង ៖ បុរសបីនាក់បានស្លា.ប់ក្នុងរថយន្តកាមរីដឹកឈើប្រណីតមួយគ្រឿង ខណៈពេលក្រឡាប់ចូលប្រឡាយទឹកស្ថិតនៅមុខរោងចក្រស្រាបៀរភ្នំពេញ ក្នុងភូមិសាស្ត្រភូមិចំការស្វាយ ឃុំសេដ្ឋី ស្រុកកំពង់ត្រឡាច ។ ហេតុការណ៍ដ៏រន្ធត់នេះបានកើតឡើងនៅវេលាម៉ោង២និង៤០នាទីរំលងអធ្រាត្រឈានចូលថ្ងៃទី៣០ មេសា ហើយជនរងគ្រោះ
ខេត្តកំពង់ឆ្នាំង ៖ បុរសបីនាក់បានស្លាប់ក្នុងរថយន្តកាមរីដឹកឈើប្រណីតមួយគ្រឿង ខណៈពេលក្រឡាប់ចូលប្រឡាយទឹកស្ថិតនៅមុខរោងចក្រស្រាបៀរភ្នំពេញ ក្នុងភូមិសាស្ត្រភូមិចំការស្វាយ ឃុំសេដ្ឋី ស្រុកកំពង់ត្រឡាច ។ ហេតុការណ៍ដ៏រន្ធត់នេះបានកើតឡើងនៅវេលាម៉ោង២និង៤០នាទីរំលងអធ្រាត្រឈានចូលថ្ងៃទី៣០ មេសា ហើយជនរងគ្រោះទាំងបីនាក់ត្រូវបានសមត្ថកិច្ចនិយាយថា ជាឈ្មួញរកស៊ីដឹកឈើគ្រញូង និងជាកម្មករ ។
ជនរងគ្រោះទាំងបីនាក់មាន ១-ឈ្មោះសេន សុភៀន អាយុ៤០ឆ្នាំ ហៅក្រៅឈ្មោះដែកកេះ ជាឈ្មួញដឹកឈើមួយរូបដែលល្បីឈ្មោះនៅខេត្តពោធិ៍សាត់ ២-ឈ្មោះសន ចាន់រឿន អាយុ២៥ឆ្នាំ និង៣-ឈ្មោះស៊ុំ សុផាត អាយុ៣៥ឆ្នាំ ទាំងបីនាក់រស់នៅភូមិដូងជ្រំ សង្កាត់ព្រៃញី ក្រុងពោធិ៍សាត់ ។ តាមការសន្និដ្ឋានរបស់ប៉ូលិសដែលទៅពិនិត្យដល់កន្លែងកើតហេតុបានឱ្យដឹងថា រថយន្តមិនមានស្នាមបែកកង់អ្វីទេ គឺបើកខុសផ្លូវចូលប្រឡាយទឹកក្រឡាប់តែម្តង ដែលអាចនិយាយថា ប្រហែលអ្នកបើកបរងោក ដោយការងងុយដេកទើបបង្កគ្រោះថ្នាក់បែបនេះ ។
នៅព្រឹកថ្ងៃទី៣០ មេសា សមត្ថកិច្ចជំនាញបានទៅរើសយកឈើគ្រញូងចេញពីរថយន្តដែលក្រឡាប់លិចចូលក្នុងទឹកប្រឡាយនោះ ហើយពីដំបូងឡើយគេស្មានថា មានមនុស្សតែម្នាក់ទេ ដែលស្លាប់ក្នុងរថយន្តនោះ លុះទាញរថយន្តផ្ងារឡើងឃើញមនុស្សស្លាប់ដល់ទៅ៣នាក់ ដោយជិះនៅកៅអីខាងមុខទាំងអស់ ។ ជនរងគ្រោះអាចស្លាប់ដោយសារឈ្លក់ទឹក ព្រោះរើមិនរួចដោយឈើសង្កត់ជាប់ ។ មន្ត្រីរដ្ឋបាលព្រៃឈើបានឱ្យដឹងថា ឈើគ្រញួងក្រោយពីរាប់ធ្វើការវាស់វែងមានចំនួន១៨៤កំណាត់ ស្មើនឹង៤២០គីឡូក្រាម ឬស្មើនឹង០,៣១១ម៉ែត្រគូប ។ ឈើនិងរថយន្តកាមរីគូទប៉ោងចង្កូតស្តាំពណ៌ទឹកប្រាក់ ពាក់ស្លាកលេខភ្នំពេញ 1F-8895 ត្រូវបានយកទៅរក្សាទុកនៅផ្នែករដ្ឋបាលព្រៃឈើកំពង់ត្រឡាច ។ ចំណែកសាកសពទាំង៣នាក់ ត្រូវបានក្រុមគ្រួសារដឹកទៅធ្វើបុណ្យតាមប្រពៃណីនៅឯខេត្តពោធិ៍សាត់ ៕
ចែករំលែកព័តមាននេះ