រាជធានីភ្នំពេញ ៖ រថយន្តម៉ាកតូយ៉ាតា ហ្វ័ររ៉ាន់ន័រ មួយគ្រឿង ដែលគេទើបជួសជុលរួចរាល់ហើយធ្វើការបើកបរសាកល្បងក្នុងល្បឿនយ៉ាងលឿន១០០គីឡូម៉ែត្រក្នុង១ម៉ោង បានជ្រុលធ្លាក់ចូលទៅក្នុងស្រះទឹកជម្រៅជាង៥ម៉ែត្រ លិចបាត់ដល់បាត្រស្រះ ប៉ុន្តែសំណាងល្អអ្នកជិះនៅក្នុងនោះវាយកញ្ចក់ចេញទាន់ ទើបគ្មានអ្នកស្លា.ប់បាត់បង់ជីវិត
រាជធានីភ្នំពេញ ៖ រថយន្តម៉ាកតូយ៉ាតា ហ្វ័ររ៉ាន់ន័រ មួយគ្រឿង ដែលគេទើបជួសជុលរួចរាល់ហើយធ្វើការបើកបរសាកល្បងក្នុងល្បឿនយ៉ាងលឿន១០០គីឡូម៉ែត្រក្នុង១ម៉ោង បានជ្រុលធ្លាក់ចូលទៅក្នុងស្រះទឹកជម្រៅជាង៥ម៉ែត្រ លិចបាត់ដល់បាត្រស្រះ ប៉ុន្តែសំណាងល្អអ្នកជិះនៅក្នុងនោះវាយកញ្ចក់ចេញទាន់ ទើបគ្មានអ្នកស្លាប់បាត់បង់ជីវិត ។
ហេតុការណ៍នោះបានកើតឡើងកាលពីវេលាល្ងាចថ្ងៃទី២៩ មេសា ២០១១ នៅស្រះទឹកផ្លូវលំភូមិអង្គតាកូវ សង្កាត់គោករកា ខណ្ឌដង្កោ ។ រថយន្តហ្វ័ររ៉ាន់ន័រ មួយគ្រឿងនោះពណ៌ខ្មៅ អត់ស្លាកលេខ ឯអ្នកបើកបរពុំត្រូវបានគេស្គាល់ឈ្មោះទេ គេគ្រាន់តែដឹងថា អ្នកបើកបររូបនោះគឺជាម្ចាស់រថយន្តផ្ទាល់តែម្តងឯអ្នកជិះជាមួយ២នាក់ទៀតគឺជាជាងជួសជុលរថយន្ត។
តាមប្រភពព័ត៌មានបានឱ្យដឹងថា នៅមុនពេលកើតហេតុខាងលើ រថយន្តនោះត្រូវបានគាត់ធ្វើការជួសជុលជើងក្រោមនៅយានដ្ឋានមួយម្តុំអូរបែកក្អម សង្កាត់ស្ទឹងមានជ័យ ខណ្ឌមានជ័យ ។ លុះក្រោយពេលជួសជុលរួច ម្ចាស់រថយន្ត និងជាង២នាក់ទៀតបាននាំគ្នាបើកបរសាកល្បងដើម្បីចង់ដឹងមើលថា តើរថយន្តនោះជើងក្រោមរឹងមាំ ឬអត់? ហើយខណៈនោះការបើកសាកល្បងមានល្បឿន១០០គីឡូម៉ែត្រក្នុង១ម៉ោងឯណោះ ។
ប្រភពដដែលបានបន្តថា លុះពេលទៅដល់ចំណុចកើតហេតុក៏ស្រាប់តែរេចង្កូតជ្រុលធ្លាក់ទៅក្នុងស្រះទឹកខាងលើ និងលិចបាត់ទៅក្នុងទឹកតែម្តង ។ ពេលនោះអ្នកបើកបរនិងជាងបានវាយបំបែកកញ្ចក់លូនចេញរួច និងក្រោយមកទើបហៅរថយន្តស្ទូចទៅស្ទូចចេញរហូតដល់វេលាយប់ជ្រៅទើបយកចេញបានពីកន្លែងកើតហេតុ ៕
ចែករំលែកព័តមាននេះ