ខេត្តកែប ៖ ស្ត្រីម្នាក់បានរងគ្រោះយ៉ាងធ្ងន់ធ្ងរក្នុងថ្លុកឈាម ដោយសារតែប្តីរប៉ុនប៉ងធ្វើឃាតដោយកា.ប់នឹងកាំបិតត្រូវជាច្រើនកន្លែង ។ ស្ត្រីរងគ្រោះនោះឈ្មោះរ័ត្ន សុភាព អាយុ២២ឆ្នាំ នៅភូមិអូរដូង ឃុំពងទឹក ស្រុកដំណាក់ចង្អើរ ។ តាមប្រភពព័ត៌មានពីមន្ត្រីប៉ូលិសស្រុកដំណាក់ចង្អើរបាននិយាយថា
ខេត្តកែប ៖ ស្ត្រីម្នាក់បានរងគ្រោះយ៉ាងធ្ងន់ធ្ងរក្នុងថ្លុកឈាម ដោយសារតែប្តីរប៉ុនប៉ងធ្វើឃាតដោយកាប់នឹងកាំបិតត្រូវជាច្រើនកន្លែង ។ ស្ត្រីរងគ្រោះនោះឈ្មោះរ័ត្ន សុភាព អាយុ២២ឆ្នាំ នៅភូមិអូរដូង ឃុំពងទឹក ស្រុកដំណាក់ចង្អើរ ។
តាមប្រភពព័ត៌មានពីមន្ត្រីប៉ូលិសស្រុកដំណាក់ចង្អើរបាននិយាយថា ស្ត្រីរងគ្រោះដែលគេសង្ស័យប្តីរបស់ខ្លួនប៉ុនប៉ងសម្លាប់នេះ គឺបន្ទាប់ពីម្តាយនាងបានប្រទះឃើញដេកដួលក្នុងថ្លុកឈាម កាលពីថ្ងៃទី២៧ មេសា នៅជិតរបងវត្តព្រៃតាកុយ ជិតផ្ទះម្តាយបង្កើតរបស់នាង ។ ប្រភពបន្តថា ស្ត្រីរងគ្រោះ និងប្តីបានទាស់ទែងគ្នារហូតនាងរត់មកនៅផ្ទះម្តាយមុនពេលកើតហេតុ ចំណែកប្តីក៏ទៅនៅផ្ទះខាងម្តាយរបស់ខ្លួនដែរ ។
មន្ត្រីប៉ូលិសបានបន្តទៀតថា នៅយប់ថ្ងៃកើតហេតុ ពីរនាក់ប្តីប្រពន្ធនេះមានការណាត់ជួបគ្នា តែមិនដឹងថា ពួកគេពិភាក្សាគ្នាអំពីអ្វីទេ ព្រោះគ្មានអ្នកដឹងឮ ទើបប្តីឈ្មោះភិន សុខុម អាយុ២៦ឆ្នាំ ប៉ុនប៉ុងសម្លាប់ប្រពន្ធនោះ តែសំណាងល្អនាងមិនស្លាប់ ។ រីឯបុរសជាប្តីដែលប៉ូលិសសង្ស័យថា មានបំណងធ្វើឃាតប្រពន្ធនោះ បានគេចខ្លួនបាត់ ៕
ចែករំលែកព័តមាននេះ