ខេត្តកោះកុង ៖ ទីបំផុត! ជនសង្ស័យដែលបានគា.ស់តូប និងគា.ស់ស្រាបៀយកក្រវិលកំប៉ុងកាលពីថ្ងៃទី២៤ ខែមេសានោះ ត្រូវបានសមត្ថកិច្ចឃាត់ខ្លួនបានហើយ នៅវេលាម៉ោង០៨និង៣០នាទី ថ្ងៃទី២៨ ខែមេសា…
ខេត្តកោះកុង ៖ ទីបំផុត! ជនសង្ស័យដែលបានគា.ស់តូប និងគា.ស់ស្រាបៀយកក្រវិលកំប៉ុងកាលពីថ្ងៃទី២៤ ខែមេសានោះ ត្រូវបានសមត្ថកិច្ចឃាត់ខ្លួនបានហើយ នៅវេលាម៉ោង០៨និង៣០នាទី ថ្ងៃទី២៨ ខែមេសា ឆ្នាំ២០២៣។
ជនសង្ស័យខាងលើមានឈ្មោះ ឡេង វុទ្ធី ភេទប្រុស អាយុ៤១ឆ្នាំ មុខរបរសន្តិសុខផ្សារដងទង់ មានទីលំនៅភូមិ០១ សង្កាត់ដងទង់ ខេត្តកោះកុង ។ អធិការដ្ឋាននគរបាលក្រុងខេមរភូមិន្ទ បានឲ្យដឹងថា នៅថ្ងៃទី២៥ ខែមេសា ឆ្នាំ២០២៣ ផ្នែកជំនាញនគរបាព្រហ្មទណ្ឌនៃអធិការដ្ឋានក្រុងខេមរភូមិន្ទបានទទួលពាក្យបណ្ដឹងពីអាជីវករថា មានករណីគា.ស់ទម្លុះទម្លា.យតូបលក់ឥវ៉ាន់ក្នុងផ្សារដងទង់។
អាជីវករឈ្មោះ ហោ សាលាង ភេទប្រុស អាយុ៦៥ឆ្នាំ មុខរបរលក់ដូរ មានទីលំនៅក្នុងភូមិ០១ សង្កាត់ដងទង់ ក្រុងខេមរភូមិន្ទ ខេត្តកោះកុង ។ ក្រោយពីទទួលពាក្យបណ្ដឹងដោយមានការចង្អុលបង្ហាញពីលោកឧត្តមសេនីយ៍ទោ គង់ មនោ ស្នងការនគរបាលខេត្ត និងមានការសម្របសម្រួលនីតិវិធីដោយឯកឧត្តម រស់ សារាំ ព្រះរាជអាជ្ញានៃអយ្យការអមសាលាដំបូងខេត្ត ថ្ងៃទី២៨ ខែមេសា ឆ្នាំ២០២៣ វេលាម៉ោង០៨:៣០នាទី ដោយមានការដឹកបញ្ជាពីលោកវរសេនីយ៍ឯក យស់ ចាន់វិចិត្រ អធិការនគរបាលក្រុង ផ្នែកជំនាញព្រហ្មទណ្ឌបានធ្វើការឃាត់ខ្លួនជនសង្ស័យឈ្មោះ ឡេង វុទ្ធី ខាងលើនេះតែម្តង។ មូលហេតុគា.ស់តូប និងគា.ស់ស្រាបៀយកក្រវិលកំប៉ុងកាលពីថ្ងៃទី២៤ ខែមេសា ឆ្នាំ២០២៣ ។
ក្រោយសាកសួរ នៅចំពោះមុខសមត្ថកិច្ច ជនសង្ស័យបានសារភាពថា ខ្លួនបានយកពូថៅពីតូបលក់សាច់ជ្រូកក្បែរនោះមកវា.យបំបែកសោ រួចធ្វើសកម្មភាពគា.ស់យកក្រវិលកំប៉ុងនៅតូបលក់អីវ៉ាន់នោះតែម្ដង ។
ចំពោះវត្ថុតាងដកហូតរួមមាន៖ ១.ពូថៅ០១ដើម ២.និងក្រវិលកំប៉ុងចំនួន១១។ ករណីនេះកម្លាំងជំនាញកំពុងកសាងសុំណុំរឿងបញ្ជូនទៅចាត់ការបន្តតាមនីតិវិធី។
សូមរំលេឹកថា ៖ កាលពីវេលាម៉ោង៤និង១០នាទីទៀបភ្លឺ ថ្ងៃទី២៥ ខែមេសា ឆ្នាំ២០២៣ មានករណីចោរលួចចូលគាស់តូបលក់ដូរចាប់ហួយ១កន្លែងនៅក្នុងផ្សារដងទង់ ស្ថិតនៅសង្កាត់ដងទង់ ក្រុងខេមរៈភូមិន្ទ ទីរួមខេត្តកោះកុង ដោយលួចគាស់យកតែក្រវិលកំប៉ុងស្រាបៀរ ដើម្បីយករង្វាន់អស់ចំនួន៤១កេស ក្នុងនោះមានក្រវិលស្រាបៀរចំរុះអស់ចំនួន៣៩កេស ភេសជ្ជៈខារ៉ាបាវចំនួន១កេស និងគោជល់ចំនួន១កេស សរុបទាំងអស់ចំនួន៤១កេស៕
ចែករំលែកព័តមាននេះ