រថក្រោះ និងរថពាសដែកសរុបជិត២ពាន់គ្រឿងត្រូវសម្ព័ន្ធមិត្តអូតង់ ផ្ដល់ដល់អ៊ុយក្រែន
សង្គ្រាមអ៊ុយក្រែន ៖ អគ្គលេខាធិការអូតង់ លោកJENS STOLSTENBERG ប្រកាសកាលពីថ្ងៃទី២៧
សង្គ្រាមអ៊ុយក្រែន ៖ អគ្គលេខាធិការអូតង់ លោកJENS STOLSTENBERG ប្រកាសកាលពីថ្ងៃទី២៧ មេសា ម្សិលមិញនេះថា បណ្ដាសម្ព័ន្ធមិត្តអូតង់និងបណ្ដាដៃគូរបស់ខ្លួន បានផ្ដល់ដល់អ៊ុយក្រែនចាប់តាំងពីការវាយលុករបស់រុស្ស៊ីមក នូវរថក្រោះប្រយុទ្ធដល់២៣០គ្រឿងនិងរថយន្តពាសដែក១៥៥០គ្រឿង។
ក្នុងសន្និសីទសារព័ត៌មានមួយជាមួយនាយករដ្ឋមន្ត្រីលុចហ្សំបួរ លោកXAVIER BETTEL អគ្កលេខាធិការអូតង់បញ្ជាក់ថា បណ្ដាសម្ព័ន្ធមិត្តនិងបណ្ដាដៃគូដឹកនាំដោយសហរដ្ឋអាមេរិក បានបញ្ជូនឲ្យអ៊ុយក្រែនរថក្រោះ២៣០គ្រឿងនិងរថយន្តពាសដែក១៥៥០គ្រឿង ព្រមទាំងគ្រាប់រំសេវមួយចំនួនធំ ពោលប្រមាណជា៩៨%នៃសម្ភារយោធាដែលសន្យាផ្ដល់ឲ្យ ដើម្បីបំពាក់ដល់កងពលតូចថ្មីចំនួន៩កង។
សរុបមកអ៊ុយក្រែនមានសមត្ថភាពដែលខ្លួនត្រូវការ ដើម្បីវាយដណ្ដើមយកដែនដីដទៃៗទៀត។
តាំងពីចាប់ផ្ដើមការវាយលុករបស់រុស្ស៊ីពីថ្ងៃទី២៤ កុម្ភៈមក បណ្ដាសមាជិកអូតង់ក៏ផ្ដល់ផងដែរដល់អ៊ុយក្រែន ប្រព័ន្ធការពារអាកាសកាំភ្លើងធំ និងយន្តហោះប្រយុទ្ធធុនMIG-29 ផលិតសម័យសូវៀតជារបស់ប៉ូឡូញនិងសាធារណរដ្ឋឆេក។ ម្យ៉ាងវិញទៀតបណ្ដាប្រទេសអូតង់ នៅជួយបណ្ដុះបណ្ដាលទាហានអ៊ុយក្រែនច្រើនសិបពាន់នាក់ ឲ្យចេះប្រើគ្រឿងសព្វាវុ.ធដែលកងទ័ពអូតង់ប្រើ។
ទោះបីយ៉ាងណាប្រមុខអូតង់អំពាវនាវថាចូរកុំមើលស្រាលរុស្ស៊ី។ លោកថាកងទ័ពរុស្ស៊ីអាចខ្វះគុណភាពតែកំពុងបង្កើនចំនួន ហើយក្រុងមូស្គូបានកេណ្ឌប្រមូលបុគ្គលិកបន្ថែមទៀត។ ទោះបីយ៉ាងណាយើងនឹងឈរជាមួយអ៊ុយក្រែនទោះយូរប៉ុណ្ណាក៏ដោយ៕
ចែករំលែកព័តមាននេះ