ម៉ូតូ១គ្រឿងបើកបុ.កឡានព្រូសឆ្លងផ្លូវ ស្លា.ប់ម្នាក់ របួសធ្ងន់ម្នាក់
- ភ្នំពេញ
រាជធានីភ្នំពេញ ៖ យុវជនម្នាក់បានស្លា.ប់នៅកន្លែង និងម្នាក់ទៀតបានរងរបួសធ្ងន់ ខណៈពេល
រាជធានីភ្នំពេញ ៖ យុវជនម្នាក់បានស្លា.ប់នៅកន្លែង និងម្នាក់ទៀតបានរងរបួសធ្ងន់ ខណៈពេលដែលជនរងគ្រោះទាំង២នាក់ជិះម៉ូតូមួយគ្រឿងម៉ាកហុងដា ជ្រុលទៅបុ.កចំកណ្តាលរថយន្តព្រូសដែលបត់ឆ្លងផ្លូវ ។
គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោងប្រមាណ៣និង៤៥នាទីរសៀលថ្ងៃទី២៧ ខែមេសា ឆ្នាំ២០២៣ នៅចំណុចផ្លូវភ្នំពេញ-ហាណូយ ក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ ។ បន្ទាប់ពីកើតហេតុ អ្នកបើកបររថយន្តត្រូវបាននគរបាលឃាត់ខ្លួនផងដែរ។
ពេលកើតហេតុភ្លាមៗ ជនរងគ្រោះពុំត្រូវបានស្គាល់អត្តសញ្ញាណនោះទេ មានអាយុប្រមាណជិត៣០ឆ្នាំ ជិះម៉ូតូមួយគ្រឿងម៉ាកហុងដាឌ្រីម ធុនសេ១២៥ ពាក់ស្លាកលេខ ភ្នំពេញ ១CU-៣២៩៣ ។
តាមសាក្សីបានអោយដឹងថា នៅមុនពេលកើតហេតុ គេឃើញជនរងគ្រោះ២នាក់ជិះម៉ូតូ១គ្រឿងខាងលើ ធ្វើដំណើរតាមផ្លូវភ្នំពេញ-ហាណូយ ក្នុងទិសដៅពីត្បូងទៅជើងក្នុងល្បឿនលឿន លុះពេលមកដល់ច្រកចូលហ្គេនភ្នំពេញ ជ្រុលទៅបុ.ករថយន្តមួយគ្រឿង ម៉ាកព្រូស ពណ៌ស ពាក់ស្លាកលេខ ភ្នំពេញ២BD-៧៤១០ ដែលធ្វើដំណើរបញ្ច្រាស់គ្នា ហើយបត់ឆ្លងផ្លូវយ៉ាង ពេញទំហឹង បណ្តាលឱ្យដួលបោកលើថ្នល់ស្លា.ប់អ្នកបើកបរម៉ូតូនៅកន្លែង ហើយអ្នករួមដំណើរបានរងរបួសធ្ងន់ ត្រូវបានរថយន្តឯកជនបញ្ចូនទៅសង្គ្រោះ ។ ចំណែករថយន្តបានរងការខូចខាតទ្វារខាងស្តាំ ។ ភ្លាមៗ អ្នកបើកបររថយន្ត ត្រូវបានសមត្ថកិច្ចឃាត់ខ្លួនដើម្បីចាត់ការតាមច្បាប់ ៕
ចែករំលែកព័តមាននេះ