ដឹងមូលហេតុហើយ! បុរសម្នាក់ បា.ញ់ផ្តាច់ជីវិតស្ត្រី២នាក់នៅខេត្តកំពត
- កំពត
ខេត្តកំពត ៖ ហេតុការណ៍បា.ញ់ប្រហារមួយបានកើតឡើងកាលពីវេលាម៉ោង១០ព្រឹកថ្ងៃទី២៧ ខែ
ខេត្តកំពត ៖ ហេតុការណ៍បា.ញ់ប្រហារមួយបានកើតឡើងកាលពីវេលាម៉ោង១០ព្រឹកថ្ងៃទី២៧ ខែ
ខេត្តកំពត ៖ ហេតុការណ៍បា.ញ់ប្រហារមួយបានកើតឡើងកាលពីវេលាម៉ោង១០ព្រឹកថ្ងៃទី២៧ ខែមេសា ឆ្នាំ២០២៣នេះ ក្នុងភូមិបាល ឃុំតានី ស្រុកអង្គរជ័យ ខេត្តកំពត បណ្ដាលឲ្យស្ត្រី២នាក់ស្លា.ប់ រួចខ្មាន់កាំភ្លើ.ងក៏បា.ញ់ខ្លួនឯងតាមក្រោយ តែមិនស្លា.ប់ គ្រាន់តែរងរបួសធ្ងន់ ព្រោះបា.ញ់ចំគល់ស្មាស្តាំ ។
ស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានប្រាប់បណ្ដាញព័ត៌មានឲ្យដឹងថា ក្រោយទទួលបានព័ត៌មានខាងលើនេះភ្លាម លោកបានបញ្ជាកម្លាំងជំនាញ នៃស្នងការដ្ឋាននគរបាលខេត្ត និងកម្លាំងអធិការដ្ឋាននគរបាលស្រុកអង្គរជ័យ បានចុះដល់កន្លែងកើតហេតុ ។
លោកស្នងការបានបន្តថា ពេលទៅដល់ កម្លាំងជំនាញបានពិនិត្យឃើញថា ខ្មាន់កាំភ្លើងឈ្មោះ ឡាយ សំអាត ហៅចែម អាយុ៣៩ឆ្នាំ មានទីលំនៅភូមិ-ឃុំកើតហេតុខាងលើ បានធ្វើសកម្មភាពបា.ញ់ទៅលើបងថ្លៃស្រី និងបងជីដូនមួយស្រីរបស់ខ្លួន ដោយប្រើប្រាស់អាវុ.ធម៉ាក RPK (គ្រាប់AK) ជាច្រើនគ្រាប់ បន្ទាប់មកបានបា.ញ់ខ្លួនឯង១គ្រាប់ ចំគល់ស្មាខាងស្តាំ របួសធ្ងន់ ។ ភ្លាមៗបានសមត្ថកិច្ចដឹកតាមរថយន្តសង្គ្រោះទៅមន្ទីរពេទ្យបង្អែកខេត្តកំពត និងបានចាត់កម្លាំងយាមកាមយ៉ាងតឹងរឹងផងដែរ ។
ស្ត្រីរងគ្រោះទាំង២នាក់ ១-ឈ្មោះ នួន សុខា អាយុ៤២ឆ្នាំ មុខរបរជាគ្រូបង្រៀន មានទីលំនៅភូមិ-ឃុំកើតហេតុខាងលើ ត្រូវជាបងជីដូនមួយជនសង្ស័យ ត្រូវបានបា.ញ់២គ្រាប់ ស្លា.ប់នៅនឹងកន្លែងកើតហេតុ និង២-ឈ្មោះ អៀង ស៊ុន អាយុ៤៧ឆ្នាំ មុខរបរកសិករ មានទីលំនៅភូមិ-ឃុំកើតហេតុខាងលើ ត្រូវជាបងថ្លៃជនសង្ស័យ រងរបួសចំនួន២គ្រាប់ បានស្លា.ប់នៅពេលដែលរថយន្តបញ្ជូនទៅសង្គ្រោះបន្ទាន់ នៅមន្ទីរពេទ្យបង្អែកខេត្តតាកែវ ។
បើតាមលោកឧត្តមសេនីយ៍ស្នងការ មូលហេតុដែលឃា.តករមានគំនុំខឹងនឹងបងជីដូនមួយ និងបងថ្លៃ ព្រោះជនសង្ស័យជាខ្មាន់កាំភ្លើ.ងនេះជាមុខសញ្ញាដែលប្រើប្រាស់គ្រឿងញៀ.នដែលសាច់ញាតិដឹងឮ ៕
ចែករំលែកព័តមាននេះ