ជនសង្ស័យ២នាក់កំពុងធ្វើសកម្មភាពស្តែងៗតាមផ្លូវ ត្រូវសមត្ថកិច្ចក្របួចជាប់
- ភ្នំពេញ
រាជធានីភ្នំពេញ ៖ ជនសង្ស័យ២នាក់ត្រូវបានកម្លាំងផ្នែកនគរបាលយុត្តិធម៍ នៃអធិការដ្ឋាន
រាជធានីភ្នំពេញ ៖ ជនសង្ស័យ២នាក់ត្រូវបានកម្លាំងផ្នែកនគរបាលយុត្តិធម៍ នៃអធិការដ្ឋាននគរបាលខណ្ឌទួលគោកឃាត់ខ្លួន កាលពីវេលាម៉ោងប្រមាណ៣និង៣០នាទីទៀបភ្លឺថ្ងែទី២៦ ខែមេសា ឆ្នាំ២០២៣ បន្ទាប់ពីជនសង្ស័យទាំង២នាក់ធ្វើសកម្មភាពលួចកាត់ខ្សែភ្លើងនៅចំណុចលើដងផ្លូវលេខ១៨៦ កែងផ្លូវលេខ២៦៥ ក្រុមទី២៥ ភូមិ០៩ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។
ជនសង្ស័យទាំង២នាក់ខាងលើនោះ ម្នាក់ឈ្មោះរឿន រិទ្ធ ហៅ រិទ្ធ ភេទប្រុស អាយុ២៥ឆ្នាំ មុខរបរមិនពិតប្រាកដ មានទីលំនៅបន្ទប់ជួលមិនចាំលេខ ផ្លូវវេងស្រេង សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ និងម្នាក់ទៀតឈ្មោះសេង សុច ហៅ កច់ ភេទប្រុស អាយុ៣១ឆ្នាំ ជនជាតិខ្មែរ ស្នាក់នៅមានបន្ទប់ជួលផ្លូវបេតុង សង្កាត់ចោមចៅទី២ ខណ្ឌពោធិ៍សែនជ័យ។
តាមនគរបាលអោយដឹងថា នៅមុនពេលកើតហេតុ កម្លាំងនគរបាលផ្នែកព្រហ្មទណ្ឌក៏បានជិះល្បាតក្នុងមូលដ្ឋាន ក៍បានប្រទះឃើញ ជនសង្ស័យកំពុងតែធ្វើសកម្មភាពជាក់ស្តែង ក៏ឃាត់ខ្លួនតែម្តង។
នៅក្នុងការឃាត់ខ្លួនជនសង្ស័យទាំង២នាក់ខាងលើ សមត្ថកិច្ចដកហូតបាន វត្ថុតាងរួមមាន ម៉ូតូរ៉ឺម៉កកង់បីចំនួន០១គ្រឿង, កាំបិ.តប៉័ងតោ ចំនួន០១, កន្ត្រៃចំនួន០១, សោរខ្សៀមុខកាត់លេខ៨ ចំនួន០២, សោរចិញ្ចៀនមុខកាត់លេខ១៧ ចំនួន០២, សោរចិញ្ចៀនមុខកាត់លេខ១៩ ចំនួន០១, កន្ត្រៃកាត់ដែក ចំនួន០២,ដងសម្រាប់តកន្ត្រៃកាត់ដែក ១គូរ , ទួណឺវីសចំនួន០១, ដង្កាប់ចំនួន០១, ដងឈើមានទំពួកសម្រាប់ថ្ពួកខ្សែភ្លើងកាត់ប្រវែងប្រហែល២ម៉ែត្រចំនួន០១ និងខ្សែភ្លើងកាត់រួចប្រវែងប្រហែល២០ម៉ែត្រផងដែរ ។
បច្ចុប្បន្ន ជនសង្ស័យទាំង២នាក់ ត្រូវសមត្ថកិច្ចបញ្ចូនទៅកាន់អធិការដ្ឋាននគរបាលខណ្ឌទួលគោក ដើម្បីចាត់ការបន្តតាមនីតិវិធី ៕
ចែករំលែកព័តមាននេះ