អាមេរិកប្រកាសពីបទឈប់បា.ញ់គ្នា៧២ម៉ោងនៅស៊ូដង់
ប្រទេសស៊ូដង់ ៖ រដ្ឋមន្ត្រីការបរទេសអាមេរិកលោកអាតូនី ប្លីនកេន ប្រកាសនាថ្ងៃទី២៤ មេសា ពីបទ
ប្រទេសស៊ូដង់ ៖ រដ្ឋមន្ត្រីការបរទេសអាមេរិកលោកអាតូនី ប្លីនកេន ប្រកាសនាថ្ងៃទី២៤ មេសា ពីបទឈប់បាញ់គ្នា៣ថ្ងៃ រវាងកងទ័ពស៊ូដង់និងកងកម្លាំងប៉ារ៉ាជាកងកម្លាំងទ្រទ្រង់រហ័ស។
បន្ទាប់ពីនេះបន្តិចមកកងកម្លាំងច្បាំងគ្នាទាំង២ អះអាងពីបទឈប់បា.ញ់គ្នានោះ សម្រាប់បើកច្រកមនុស្សធម៌និងសម្រួលដល់ការធ្វើចលនារបស់បណ្ដាជនស៊ីវិល។ លោកប្លីនកេន ប្រកាសថា កងទ័ពនិងកងកម្លាំងប៉ារ៉ាដែលច្បាំងគ្នានៅស៊ូដង់ បានទទួលយកបទឈប់បា.ញ់គ្នារយៈពេល៣ថ្ងៃ ក្រោយការប្រយុទ្ធបង្ហូរឈា.មគ្នាអស់ពេល១០ថ្ងៃមក។ ក្នុងសេចក្ដីប្រកាសមួយលោកអះអាងថា ក្រោយការចរចាដ៏តឹងតែងអស់ពេល៤៨ម៉ោងមក កងទ័ពស៊ូដង់និងកងកម្លាំងប៉ារ៉ា បានយល់ព្រមអនុវត្តបទឈប់បា.ញ់គ្នាក្នុងទូទាំងប្រទេស ចាប់ពីពាក់កណ្ដាលយប់ថ្ងៃទី២៤ មេសាទៅ ហើយមានរយៈពេល៧២ម៉ោង។
ការចរចាពីបទឈប់បា.ញ់គ្នាមនុស្សធម៌នេះត្រូវបានធ្វើឡើងដោយមានអាមេរិកជាអាជ្ញាកណ្ដាល។ រដ្ឋមន្ត្រីការបរទេសអាមេរិក ក៏គូសបញ្ជាក់ផងដែរថា នឹងធ្វើការជាមួយបណ្ដាសម្ព័ន្ធមិត្តនិងដៃគូអាមេរិក សំដៅបង្កើត គណៈកម្មការមួយ ទទួលបន្ទុកធ្វើការចរចាដើម្បី ឲ្យមានការបញ្ឈប់ជាអចិន្ត្រៃយ៍់ការប្រទូស្តរ៉ាយគ្នានៅស៊ូដង់៕
ចែករំលែកព័តមាននេះ