យីឌុបបុ.កឡាន KAI Great carnival រួចបើកគេចតាំងពីខេត្តតាកែវ រហូតដល់ខណ្ឌដង្កោ
- ភ្នំពេញ
រាជធានីភ្នំពេញ ៖ បុរសម្នាក់បានបើករថយន្តប្រភេទយីឌុបធន់ធំក្នុងស្ថានភាពស្រវឹងក៍ជ្រុលទៅ
រាជធានីភ្នំពេញ ៖ បុរសម្នាក់បានបើករថយន្តប្រភេទយីឌុបធន់ធំក្នុងស្ថានភាពស្រវឹងក៍ជ្រុលទៅ
រាជធានីភ្នំពេញ ៖ បុរសម្នាក់បានបើករថយន្តប្រភេទយីឌុបធន់ធំក្នុងស្ថានភាពស្រវឹងក៍ជ្រុលទៅបុ.ករថយន្តមួយគ្រឿងម៉ាក kai Great carnival រងការខូចខាត ហើយមិនព្រមឈប់ទទួលខុសត្រូវ បែរជាព្យាយាមបើករត់គេចតាំងពីខេត្តតាកែវមកដល់ស្តុបស្ពានដែកខណ្ឌដង្កោ ទើបដេញឃាត់រថយន្ដនោះបាន ។
ហេតុការណ៍ខាងលើនេះបង្កការភ្ញាក់ផ្អើលកើតឡើងកាលពីវេលាម៉ោង៨យប់ថ្ងៃទី ២៤ ខែមេសា ឆ្នាំ២០២៣ ជិតផ្សារសំរោងយ៉ោង ផ្លូវជាតិលេខ២ ខេត្តតាកែវ ហើយឃាត់រថយន្ដយីឌុបនោះបាននៅចំនុចស្តុបស្ពានដែកចំការដូង ផ្លូវ២១៧ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។
តាមបណ្តាប្រភពព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញបុរសម្នាក់បើករថយន្តម៉ាក KAI Great carnival ពណ៌ស ពាក់ស្លាកលេខ ភ្នំពេញ 2AN-0789 បានធ្វើដំណើរតាមបណ្ដោយផ្លូវជាតិលេខ២ ក្នុងទិសដៅពីត្បូងទៅជើង លុះមកដល់ចំនុចកើតហេតុជិតផ្សារសំរោងយ៉ោង ក៍ស្រាប់តែមានបុរសម្នាក់ទៀត បានបើករថយន្តប្រភេទយីឌុប ម៉ាក HYUNDAI ពណ៌ស ពាក់ស្លាកលេខ ភ្នំពេញ 3D-9950 ធ្វើដំណើរក្នុងទិសដៅស្របគ្នា ហើយស្រវឹងក៍ជ្រុលទៅបុ.ករថយន្ត ម៉ាក KIA Great carnival ពីក្រោយ បណ្ដាលឲ្យរងការខូចខាតក្រពិតផ្នែកខាងក្រោយយ៉ាងដំណំ តែមិនគ្រោះថ្នាក់ដល់មនុស្សដែលជិះក្នុងរថយន្តនោះទេ ។
តាមប្រភពដដែលបានបន្តថា ដោយឡែករថយន្តប្រភេទយីឌុបធុនធំវិញ រងការខូចខាតក្រពិតផ្នែកខាងមុខចំហៀងខាងស្តាំ តែមិនគ្រោះថ្នាក់ដល់មនុស្សដូចគ្នា ។ ភ្លាមៗអ្នកបើកបរមិនព្រមឈប់រថយន្តទទួលខុសត្រូវនោះទេ គឺព្យាយាមបើករត់គេចតាំងពីកន្លែងកើតហេតុ ខេត្តតាកែវ រហូតមកដល់ចំនុចស្តុបស្ពានដែកចំការដូង ផ្លូវ២១៧ ភូមិម័ល សង្កាត់ដង្កោ ខណ្ឌដង្កោ ក៍ត្រូវម្ចាស់រថយន្តរងគ្រោះ ម៉ាក KAI Great carnival បើកដេញតាមពីក្រោយ ហើយសហការជាមួយនិងសមត្ថកិច្ច ប៉ុស្តិ៍នគរបាលរដ្ឋបាលដង្កោ អោយជួយឃាត់ទាំងរថយន្ត និងអ្នកបើកបរបានតែម្តង ។
ក្នុងករណីនេះដែរ បន្តិចក្រោយមកក៏មានភាគីរថយន្ដទាំង២គ្រឿងបានទៅកន្លែងកើតហេតុ ហើយធ្វើការសម្របសម្រួលគ្នាផងដែរ ។
ក្រោយពេលកើតហេតុ ភាគីខាងរថយន្តធុនធំយល់ព្រមយករថយន្តធុនតូច KAI Great carnival ទៅជួសជុលអោយវិញ ដើម្បីបញ្ចប់រឿង ៕
ចែករំលែកព័តមាននេះ