ស.ពសមាជិកក្រុមសាសនាចម្លែកជិត៣០នាក់ទៀត រកឃើញក្នុងរណ្តៅក្នុងព្រៃ
ប្រទេសកេនយ៉ា ៖ ប្រមុខក្រុមស៊ើបអង្កេតកេនយ៉ាមួយលោកCHARLES KAMAU ថ្លែងប្រាប់AFP
ប្រទេសកេនយ៉ា ៖ ប្រមុខក្រុមស៊ើបអង្កេតកេនយ៉ាមួយលោកCHARLES KAMAU ថ្លែងប្រាប់AFPថា ពេលនេះយើងបានគាស់រកឃើញសាកស.ពមនុស្ស២៦នាក់ទៀត នាំឲ្យសាកស.ពមនុស្សដែលរកឃើញឡើងដល់៤៧នាក់ហើយ ចាប់តាំងពីថ្ងៃទី២១មេសាមក។ លោកបញ្ជាក់ថាការរុករកនៅបន្តតាមរកសាកស.ពមនុស្សដទៃៗទៀតឬអ្នកដែលអាចនៅរស់រានមានជីវិតជាយថាហេតុ ក្នុងព្រៃកេនយ៉ានៅSHAKAHOLA។ ការស៊ើបអង្កេតផ្ដោតលើការស្លា.ប់ របស់បណ្ដាសមាជិកក្រុមសាសនាមួយ។
អ្នកកាសែតម្នាក់របស់AFPអះអាងនាថ្ងៃទី២៣មេសាថា សាកសពរបស់សាសនិកព្រះវិហារGOOD NEWS INTERNATIONAL CHURCH ដឹកនាំដោយលោកAMAKENZIE NTHENGE ចំនួន៤នាក់ ត្រូវបានអាជ្ញាធររកឃើញកាលពីសប្ដាហ៍មុន។ ក្រុមមនុស្សស្លៀកពាក់សនិងពាក់ម៉ាសបន្តគាស់កាយដីតាមរកសាកសពមនុស្សដទៃៗទៀត។ បណ្ដាសាសនិករបស់ក្រុមសាសនានេះបន្តលាក់ខ្លួនក្នុងព្រៃ។
សមាជិកក្រុមនេះម្នាក់ត្រូវបានរកឃើញកាលពីថ្ងៃទី២៣មេសា តែនាងបដិសេធមិនព្រមបរិភោគអាហារ ហើយត្រូវដឹកមកជួយសង្គ្រោះ។ ទោះបីយ៉ាងណានាងបដិសេធរាល់ការសង្គ្រោះបឋម និងបិទមាត់មិនព្រមទទួលទានអាហារសុខចិត្តអត់រហូតដល់ស្លា.ប់។
គេបានអំពាវនាវដល់រដ្ឋាភិបាលឲ្យបញ្ជូនកងទ័ពមកកាន់ព្រៃនោះ ហើយជួយសង្គ្រោះបណ្ដាមនុស្សដែលលាក់ខ្លួនក្នុងព្រៃបង្អត់អាហាររហូតដល់ស្លា.ប់។ ពួកអ្នកស៊ើបអង្កេតបានរុករានព្រៃព្រោះមានព័ត៌មានពីរណ្ដៅកប់ស.ពរួមនានាក្នុងព្រៃនេះ។ សាកស.ពជាច្រើនដែលបានរកឃើញត្រូវបានរំដោយក្រណាត់ពណ៌ខៀវ។ សមាជិកក្រុមសាសនានោះ១១នាក់ទៀត ក្នុងនោះមានបុរស៧នាក់និងនារី៤នាក់មានអាយុពី១៧ទៅ៤៩ឆ្នាំត្រូវបានបញ្ជូន មកមន្ទីរពេទ្យកាលពីសប្ដាហ៍មុន ក្រោយពីសង្គ្រោះនៅក្នុងព្រៃ។ ប្រមុខក្រុមសាសនានោះបានប្រគល់ខ្លួនដល់ប៉ូលិសនិងកំពុងត្រូវឃុំឃាំង។ មនុស្ស៦នាក់ទៀតរបស់គេក៏ត្រូវចាប់ខ្លួនដែរ៕
ចែករំលែកព័តមាននេះ