ស្ថានទូតអាមេរិកជម្លៀសបុគ្គលិកចេញពីស៊ូដង់ហើយ
ប្រទេសស៊ូដង់ ៖ ប្រធានាធិបតីអាមេរិកលោកចូបៃដិនប្រកាសកាលពីយប់ថ្ងៃទី២២ មេសា ពីការ
ប្រទេសស៊ូដង់ ៖ ប្រធានាធិបតីអាមេរិកលោកចូបៃដិនប្រកាសកាលពីយប់ថ្ងៃទី២២ មេសា ពីការ
ប្រទេសស៊ូដង់ ៖ ប្រធានាធិបតីអាមេរិកលោកចូបៃដិនប្រកាសកាលពីយប់ថ្ងៃទី២២ មេសា ពីការជម្លៀសបុគ្គលិកការទូតចេញពីស្ថានទូតអាមេរិកប្រចាំក្រុងខាទុម ដែលនៅទីនោះការប្រយុទ្ធគ្នាដ៏សាហាវ ចូលដល់សប្ដាហ៍ទី២ហើយ ដែលបែបនេះនាំឲ្យមានការបិទស្ថានទូតនោះបណ្ដោះអាសន្ន។ គួររំលឹកថា អាមេរិកបញ្ជូនទ័ពបន្ថែមទៅស៊ូដង់ ដើម្បីជម្លៀសមនុស្សចេញពីស្ថានទូត
ក្នុងសេចក្ដីប្រកាសមួយលោកបៃដិនអះអាងថា ពេលនេះតាមបទបញ្ជារបស់ខ្ញុំ កងទ័ពអាមេរិកបានធ្វើប្រតិបត្តិការមួយជម្លៀសបុគ្គលិកស្ថានទូតចេញ ដោយលោកអំពាវនាវម្យ៉ាងទៀតឲ្យបញ្ឈប់អំពើហិង្សាដែលគ្មានន័យ។ លោកបានថ្លែងអំណរគុណជាពិសេសដល់ប្រទេសហ្ស៊ីប៊ូទី អេត្យូពីនិងអារ៉ាប៊ីសាអូឌីត ចំពោះការជួយទ្រទ្រង់របស់ពួកគេដល់ប្រតិបត្តិការនេះ។ ចំណែករដ្ឋមន្ត្រីការបរទេសអាមេរិកលោកអានតូនីប្លីនកេនគូសបញ្ជាក់ថា សេចក្ដីសម្រេចចិត្តនេះរបស់សហរដ្ឋអាមេរិកត្រូវបានប្រកាន់យក មកពីគ្រោះថ្នាក់ដែលមិនអាចទទួលយកបាន ចំពោះបុគ្គលិកស្ថានទូត។ លោកមិនបានបញ្ជាក់ថាតើបុគ្គលិកស្ថានទូតត្រូវបានជម្លៀសចេញតាមរបៀបណាឡើយ តែបណ្ដាសារព័ត៌មានអាមេរិកនិយាយពីការប្រើបណ្ដាយន្តហោះនិងឧទ្ធម្ភាគចក្រយោធា។
ពុំមានការបញ្ជាក់ណាមួយពីចំនួនជនជាតិអាមេរិកដែលត្រូវជម្លៀសចេញឡើយ តែតាមអ្នកទទួលខុសត្រូវអាមេរិកម្នាក់ថា អាចទាក់ទិននឹងមនុស្សយ៉ាងតិច៧០នាក់។ ផែនការជម្លៀសចេញនោះដែលរៀបចំចាប់តាំងពីដើមសប្ដាហ៍មុនមក ទាក់ទិនតែបុគ្គលិករដ្ឋាភិបាល មិនមែនជនជាតិអាមេរិករស់នៅស៊ូដង់ដែលមានច្រើនរយនាក់ឡើយ។
ក្នុងក្របខណ្ឌនៃប្រតិបត្តិការដំបូងជម្លៀសជនស៊ីវិលបរទេសចេញពីស៊ូដង់ បណ្ដាជនជាតិអារ៉ាប៊ីសាអូឌីតនិងជនជាតិប្រទេសដទៃៗទៀត ត្រូវបានដឹកមកដល់ទីក្រុងកំពង់ផែមួយរបស់អារ៉ាប៊ីសាអូឌីតហើយ។ នាវាដំបូងដែលជម្លៀសមនុស្សចេញពីស៊ូដង់ ដឹកជនជាតិអារ៉ាប៊ីសាអូឌីត៥០នាក់និងជនជាតិប្រទេសមួយចំនួនទៀត។ ចំណែកនាវា៤ទៀតដឹកមនុស្ស១០៨នាក់មានដើមកំណើតពីប្រទេស១១។
មនុស្សច្រើនរយនាក់បានត្រូវស្លាប់រួចហើយ ក្នុងការប្រយុទ្ធគ្នារវាងកងកម្លាំងដែលស្មោះត្រង់នឹងប្រមុខកងទ័ពឧត្ដមសេនីយអាប់ដែលហ្វាតាហ៍អាល់បួហាន និងកងកម្លាំងប៉ារ៉ារបស់មេបញ្ជាការរងលោក ឧត្ដមសេនីយម៉ូហាម៉េដហាមដានដាក្លូ ដែលដឹកនាំកងកម្លាំងប៉ារ៉ា៕
ចែករំលែកព័តមាននេះ