នាវាជប៉ុនដឹកមនុស្សជាង១ពាន់នាក់ បាត់យ៉ាងអាថ៌កំបាំងតាំងពីជាង៨០ឆ្នាំមុន ទើបរកឃើញ
ប្រទេសជប៉ុន ៖ បន្ទាប់ពីការបាត់ដោយអាថ៌កំបាំងអស់ពេលដល់៨ទសវត្ស ទីបំផុតខ្មោចនាវាជប៉ុន
ប្រទេសជប៉ុន ៖ បន្ទាប់ពីការបាត់ដោយអាថ៌កំបាំងអស់ពេលដល់៨ទសវត្ស ទីបំផុតខ្មោចនាវាជប៉ុនដែលត្រូវគ្រាប់បែកបុកលិចតាំងពីសម័យសង្គ្រាមលោកលើកទី២មក ជាមួយមនុស្សជាង១០០០នាក់ ភាគច្រើនជាអ្នកឈ្លើយសឹកអូស្ត្រាលី ទើបត្រូវបានរកឃើញក្នុងដែនទឹកហ្វ៊ីលីពីន។
ក្រុមហ៊ុនSILENTWORLD FOUNDATION ជាក្រុមហ៊ុនបុរាណវិទ្យាបាតសមុទ្រ រាយការណ៍នាថ្ងៃទី២២មេសាថា នាវាឈ្មោះMONTEVIDEO MARU ត្រូវបានរកឃើញ កាលពីថ្ងៃទី១៨មេសា ក្នុងជម្រៅជាង៤០០០ម៉ែត្រ ក្នុងសមុទ្រ ចិនខាងត្បូងត្រង់កន្លែងមួយចម្ងាយ១១០គីឡូម៉ែត្រ ក្នុងដែនទឹកកោះលូហ្សុងហ្វ៊ីលីពីន។ ការរកឃើញនោះកើតមាន១២ថ្ងៃក្រោយការរុករក តាមរយៈដ្រូនមុជទឹកមួយគ្រឿងប្រដាប់ដោយឧបករណ៍SONAR។
ការលិចនាវានោះនៅតែជាសោកនាដកម្មសមុទ្រធំមួយនៃប្រវត្តិសាស្ត្រអូស្ត្រាលី។ នាវាMONTEVIDEO MARU ជានាវាកាហ្គោផងនិងដឹកមនុស្សផង បានលិចកាលពីថ្ងៃទី១កក្កដាឆ្នាំ១៩៤២ ដោយ សារការវាយប្រហាររបស់នាវាមុជទឹកអាមេរិកUSS STURGEON ដោយក្រុមនាវិកនៃនាវាមុជទឹកនេះ មិនដឹងថានាវានោះដឹកពួកឈ្លើយសឹកសម្ព័ន្ធមិត្តឆ្ពោះទៅកាន់កោះហៃណាន់ចិន កាន់កាប់ដោយកងទ័ពជប៉ុន។
យោងតាមSILENTWORLD FOUNDATIONថា ឈ្លើយសឹកប្រមាណជា១០៦០នាក់ មានសញ្ជាតិ១៤ផ្សេងគ្នា បានត្រូវស្លាប់ក្នុងនោះមានជនជាតិអូស្ត្រាលី៩៧៩នាក់ ដែលចាប់ខ្លួនក្នុងការប្រយុទ្ធគ្នានៅRABAUL នូវែលហ្គីណេ។ គេបានចំណាយពេលដល់ទៅជាង៥ឆ្នាំ សម្រាប់ផែនការបេសកកម្មតាមរុករកនាវានេះ។ ការរុករកចាប់ផ្ដើមពីថ្ងៃទី៦មេសាទៅ ហើយទីបំផុតកន្លែងនាវានោះលិចត្រូវបានកំណត់ឃើញ។ នេះជាការអះអាងរបស់នាយករដ្ឋមន្ត្រីអូស្ត្រាលីលោកANTHONY ALBANESE ក្នុងសេចក្ដីប្រកាសមួយ៕
ចែករំលែកព័តមាននេះ