ចូលឆ្នាំ៣ថ្ងៃ! ខេត្តព្រៃវែងមានភ្ញៀវទេសចរមកកម្សាន្តតាមតំបន់ទេសចរណ៍នានា ជាង៤០ម៉ឺននាក់
- ព្រៃវែង
ខេត្តព្រៃវែង ៖ ដើម្បីអបអរពិធីបុណ្យចូលឆ្នាំថ្មីប្រពៃណីជាតិខ្មែរ ក្នុងឆ្នាំថោះ ២០២៣នេះ នៅកណ្តាល
ខេត្តព្រៃវែង ៖ ដើម្បីអបអរពិធីបុណ្យចូលឆ្នាំថ្មីប្រពៃណីជាតិខ្មែរ ក្នុងឆ្នាំថោះ ២០២៣នេះ នៅកណ្តាលទីរួមខេត្តព្រៃវែង អាជ្ញាធរបានរៀបចំកម្មវិធីដ៏ធំមួយគឺ ឆ្នាំថ្មីព្រៃវែង ដែលក្នុងនោះមានកម្មវិធីកំសាន្តសប្បាយៗជាច្រើនសំរាប់ទទួលភ្ញៀវទេសចរណ៌ទៅចូលរូមលេងកំសាន្ត ក្នុងរយៈពេល៣ថ្ងៃ គិតចាប់ពីថ្ងៃទី១៤ ដល់ថ្ងៃទី១៦មេសា។ ជាមួយគ្នានោះ នៅតាមរមណីយដ្ឋាននានាជុំវិញខេត្ត ក៏មានការរៀបចំកម្មវិធីកំសាន្តសប្បាយៗ សម្រាប់ទទួលភ្ញៀវទេសចរណ៌ដូចគ្នាផងដែរ។
បើយោងតាមរបាយការណ៍របស់មន្ទីរទេសចរណ៍ខេត្តព្រៃវែងបានឲ្យដឹងថា រយៈពេល៣ថ្ងៃនៃពិធីបុណ្យចូលឆ្នាំថ្មីប្រពៃណីជាតិនេះ មានអ្នកទេសចរណ៍ជាតិទាំងក្នុងខេត្តនិងក្រៅខេត្ត បានមកលេងកំសាន្ត នៅក្នុងតំបន់រមណីយដ្ឋាននានា ក្នុងខេត្តព្រៃវែងច្រើនហួសពីការស្មាន គឺរហូតដល់ប្រមាណជា ៤១៧,៣២៩នាក់ ប្រើប្រៀបធៀបទៅនឹងឆ្នាំមុន គឺច្រើនលើសឆ្នាំមុនដល់ទៅ២ដង ដែលនេះគឺដោយសារតែអាជ្ញាធរមានការយកចិត្តទុកដាក់ បង្កើតអោយមានកម្មវិធីសប្បាយៗជាច្រើន និងមានកងកំលាំងសមត្ថកិច្ចបានជួយការពារសន្តិសុខសុវត្ថិភាព នៅតាមគោលដៅនិមួយៗបានយ៉ាងល្អប្រសើរផងដែរ។
តាមរបាយការណ៌ដដែលនេះបានបញ្ជាក់ថា តំបន់រមណីយដ្ឋានដែលទទួលបានភ្ញៀវទេសចរណ៌ចូលទៅលេងកំសាន្តក្នុងរយៈពេល៣ថ្ងៃនេះរួមមាន ៖ រមណីយដ្ឋាននគរភ្នំទទួលបានភ្ញៀវទេសចរណ៌ ២៣,២៦៥នាក់ រមណីយដ្ឋានអភិរក្សសត្វស្លាបទួលពាន់តាឡី ៤១០នាក់ រមណីយដ្ឋានបារាយណ៍អណ្ដែត ៥១១នាក់ គោលដៅទេសចរណ៍ស្ទឹងចារ ១៥៣៤នាក់ គោលដៅទេសចរណ៍ប្រាសាទព្រៃដើមស្រុក ១០៩នាក់ និងកន្លែងប្រារព្ធពិធី ឆ្នាំថ្មីព្រៃវែង នៅកណ្តាលទីរួមខេត្តព្រៃវែង ៣៩១,៥០០នាក់៕
ចែករំលែកព័តមាននេះ