ADផ្ទាំងផ្សព្វផ្សាយពាណិជ្ជកម្ម

Picture

ទំនាយឆ្នាំថោះ! ឆ្នាំនេះភ្លើងកាចសាហា.វណាស់ធាតុអាកាសក្តៅ ពិសេសសម្បូរមនុស្សនិយាយមិនសូវពិត

11 ខែ មុន
  • ភ្នំពេញ

រាជធានី​ភ្នំពេញ ៖ ពិធី​បុណ្យចូលឆ្នាំ​ថ្មី​ប្រពៃណី​ជាតិខ្មែរ ឆ្នាំថោះ បញ្ច​ស័ក ដែល​នឹង​ឈាន​ចូល​មក​ដល់​នា​ថ្ងៃ​ទី​១៤ ខែមេសា ឆ្នាំ​២០២៣ យើង​ឃើញ​ថា ទំនាញ​ប្រចាំ​ឆ្នាំថោះ​នេះ​បានឱ្យ​ដឹង​ថា…

រាជធានី​ភ្នំពេញ ៖ ពិធី​បុណ្យចូលឆ្នាំ​ថ្មី​ប្រពៃណី​ជាតិខ្មែរ ឆ្នាំថោះ បញ្ច​ស័ក ដែល​នឹង​ឈាន​ចូល​មក​ដល់​នា​ថ្ងៃ​ទី​១៤ ខែមេសា ឆ្នាំ​២០២៣ យើង​ឃើញ​ថា ទំនាញ​ប្រចាំ​ឆ្នាំថោះ​នេះ​បានឱ្យ​ដឹង​ថា ជា​ឆ្នាំ​ដែល​មាន​ភ្លើង​កាច​សាហា​.​វ​ណាស់ ធាតុអាកាស​ក្តៅ ពិសេស គឺ​សម្បូរ​មនុស្ស​និយាយ​មិនសូវ​ពិត​ត្រង់ ល្អ​តែ​ខាងក្រៅ តែ​ចិត្ត​វិញ​មិនសូវ​ស្មោះ​ត្រង់នោះ​ទេ ។

រូបភាពទេពធីតាសង្ក្រាន្ត

ក្នុង​នោះ​ទំនាញ​ប្រចាំ​ឆ្នាំថោះ​ហាក់​មាន​ភាពល្អ​ប្រសើរ​ខ្លះ​មិនល្អ​ប្រសើរ​ខ្លះ​សម្រាប់​ប្រជា​កសិករ​យើង​ព្រោះ​ទំនាញ​ថា ស្រូវ​ក្នុង​ស្រែ ចម្ការ ផល្លានុផល​ដំណាំ​បាន​តែ​មួយ​ភាគ និង​ខូចខាត​អស់​មួយ​ភាគ​។

យោង​តាម​សៀវភៅ មហាសង្ក្រាន្ត ឆ្នាំថោះ​បញ្ច​ស័ក ពុទ្ធសករាជ ២៥៦៧ គ្រឹ​ស្ត​រាជ​២០២៣ របស់​ឯកឧត្តម អ៊ឹម បូ​រិ​ន្ទ អ្នក​ស្រាវជ្រាវ​វិជ្ជា​ហោរាសាស្ត្រ​ខ្មែរ ចិន សកល យើងខ្ញុំ​សូម​ដកស្រង់​មក​ទាំងស្រុង​អំពី​ទំនាយ​ប្រចាំ​ឆ្នាំថោះ​បញ្ច​ស័ក បានឱ្យ​ដឹង​ថា កេណ្ឌ​ព្រះ​ពិរុណសាស្ត្រ ៖ ឆ្នាំ​នេះ ចន្ទ ជា​អធិបតី​ដឹកនាំ​ផ្លូវ​ទៅ​សុំ​ទឹកភ្លៀង​ពី​សេ្ត​ច​នាគ ហើយ​បាន​នាគ​៣ បង្អុរ​ទឹកភ្លៀង ៥០០ មេ ដែល​ចែក​ចេញ​ជា ៖ 1- ចក្រ​វា​ទ្យ ចំនួន​120 មេ​, 2- ព្រៃ​ហេមពាន្ត 150 មេ មហាសមុទ្រ​100 មេ និង​ជម្ពូទ្វីប​មនុស្សលោក​យើង​មាន​ចំនួន 50​មេ បណ្តាល​ឱ្យ​មាន​ភ្លៀង​នៅ​ដើមឆ្នាំ​តិច កណ្តាល​ឆ្នាំ​ភ្លៀង​ល្អ និង​ចុងឆ្នាំ​ភ្លៀង​ឧត្តម​ល្អ​ប្រសើរ​ណាស់​។

យោង​តាម​សៀវភៅ មហាសង្ក្រាន្ត ឆ្នាំថោះ បញ្ច​ស័ក ពុទ្ធសករាជ ២៥៦៧ គ្រឹ​ស្ត​រាជ ២០២៣ របស់​ឯកឧត្តម អ៊ឹម បូ​រិ​ន្ទ បាន​លើក​ឡើង​ថា ៖

កេណ្ឌ​ធិ​រា​ទិ​គុណ ៖ ឆ្នាំ​នេះ​មាន​កេណ្ឌ​១​ត្រូវ​ត្រង់​តេជោធាតុ ចុះ​ទំនាញ​ថា ភ្លើង​កាច​សាហាវ​ណាស់ ធាតុអាកាស​ក្តៅ មាន​ខ្យល់ព្យុះ ខ្យល់​កន្ត្រាក់​ច្រើន មាន​រន្ទះ​កាច​ណាស់​។

ទំនាយ​ទឹកទន្លេ ៖ ឆ្នាំ​នេះ​ទំនាយ​អំពី​ទឹកទន្លេ​មាន​សំណល់​៦ ទំនាយ​ថា ទឹកទន្លេ​មធ្យម មិនតូច ហើយ​ក៏​មិនធំ​ណាស់ណា​ដែរ​។

កេណ្ឌ​ធ​ញ្ញា​ហារ ៖ ឆ្នាំ​នេះ​កេណ្ឌ​៤ ឈ្មោះ​ជាម​ជ្ឈិា​មា​ទំនាយ​ថា ស្រូវ​ក្នុង​ស្រែ​ចម្ការ ផល្លានុផល​ដំណាំ​បាន​តែ​មួយ​ភាគ ខូចខាត​អស់​មួយ​ភាគ​ប្រជានុរាស្ត្រ​មាន​សេចក្តីសុខ​ខ្លះ មាន​សេចក្តី​ទុក្ខ​ខ្លះ​ស្មើគ្នា ធុ​ញ្ញា​ហារ ម​ង្សា​ហារ ផល្លាហារ នឹង​សម្បូរ​ណ៌​ជា​មធ្យម​។

ទំនាយ​ការ​ធ្វើស្រែ ៖ ទំនាយ​កេណ្ឌ​ការ​ធ្វើស្រែ​មាន​សេស​៨ ទំនាយ​ថា ដីស្រែ​ទំនាប ស្រែ​ទួល​គ្រប់​ទីកន្លែង​បាន​ផល​ល្អ​ដូច​គ្នា​ទាំងអស់​។

កេណ្ឌ​ព្រឹក្សា ៖ ឆ្នាំ​នេះ​ត្រូវ​ចំ​សេស​៣ ត្រូវ​ត្រង់​ដើម​ល្វា​ជា​ស្តេច មាន​ទំនាយ​ថា មនុស្ស​ផល​ទាំងឡាយ​នូវ​មាន​កល្លិយុគ តែ​សម្បូរ​ណ៌​មនុស្ស​និយាយ​មិនសូវ​ពិត​ត្រង់​ល្អ តែ​ខាងក្រៅ ចិត្ត​ក្នុង​មិនសូវ​ស្មោះត្រង់ មានការ​កុហក​បោកប្រាស់​គ្នា​ជា​ច្រើន​។

កេណ្ឌ​ព្រះអាទិត្យ ៖ ឆ្នាំ​នេះ​ព្រះអាទិត្យ​គឺ មេឃ​ជាដើម​ទៅ ទំនាយ​ថា នូវ​មាន​សឹកសង្គ្រាម​ប្រហារជីវិត​គ្នា​ជា​ច្រើន​អន្លើ​នៅ​លើ​ជម្ពូ​ទ្វីបលោក​នេះ​។ ស្ត្រី​ទាំងឡាយ​នឹង​ប្រ​សូត្រ​បានកូន​ល្អ​(​អតិ​ជាតិ​បុត្រ​) និង​មាន​ភ្លៀង​ច្រើន៕

អត្ថបទសរសេរ ដោយ

កែសម្រួលដោយ