បានម្តងញ៉ាម មកម្តងទៀតចប់
រាជធានីភ្នំពេញ ៖ បុរសជនជាតិចិនម្នាក់ ត្រូវចៅក្រមសាលាដំបូងរាជធានីភ្នំពេញ សម្រេច
រាជធានីភ្នំពេញ ៖ បុរសជនជាតិចិនម្នាក់ ត្រូវចៅក្រមសាលាដំបូងរាជធានីភ្នំពេញ សម្រេច
រាជធានីភ្នំពេញ ៖ បុរសជនជាតិចិនម្នាក់ ត្រូវចៅក្រមសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារកាលពីថ្ងៃទី២០ ខែតុលា ឆ្នាំ២០១៧ ជាបណ្តោះអាសន្ន ក្រោមការចោទប្រកាន់ពីបទលួច ។
ជនសង្ស័យឈ្មោះ ចាង ជីងយាន អាយុ៣០ឆ្នាំ មុខរបរ និងស្នាក់នៅមិនពិតប្រាកដ ។
កម្លាំងសមត្ថកិច្ចនគរបាលព្រហ្មទណ្ឌក្រសួងមហាផ្ទៃបានឲ្យដឹងថា កាលពីអំឡុងខែកក្កដា ២០១៧ កន្លងមកចាង ជីងយាន បានប្រើបច្ចេកទេសលួចដកប្រាក់តាមធនាគារ ។ លោកបន្តថា តាមចម្លើយជនសង្ស័យសារភាពថា គេពិតជាបានប្រព្រឹត្តដូចការចោទប្រកាន់នោះមែន ហើយធ្លាប់បានលួចដកប្រាក់តាមទូរអេធីអឹមសរុបប្រមាណជាង៤ពាន់ដុល្លារអាមេរិក ។ ប្រាក់ដែលលួចបាននោះយកទៅលេងល្បែងស៊ីសងអស់ហើយ ក្នុងខ្លួនគ្មានប្រាក់នៅសេសសល់១រៀលទេ រហូតគ្មានលុយទិញបាយទទួលទានទៀតផង ។
ជនសង្ស័យត្រូវបាន សមត្តកិច្ចនគរបាលព្រហ្មទណ្ឌក្រសួងមហាផ្ទៃ ឃាត់ខ្លួនកាលពីថ្ងៃទី១៦ ខែតុលា ឆ្នាំ២០១៧ ខណៈកំពុងប្រព្រឹត្តបទល្មើសជាក់ស្តែងនៅរាជធានីភ្នំពេញ បន្ទាប់មកកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីធ្វើការសាកសួរតាមនីតិវិធី ៕
ចែករំលែកព័តមាននេះ