ក្រុមចោរចំនួន៥នាក់ ក្នុងចំណោមបក្សពួកយ៉ាងតិច១៥នាក់ ដែលជិះម៉ូតូទាំងហ្វូងតាមស្ទាក់កា.ប់ «ប្លន់» នោះ ត្រូវកម្លាំងសមត្ថកិច្ចធ្វើការស្រាវជ្រាវតាមឃាត់ខ្លួនបានជាបន្តបន្ទាប់ គិតត្រឹម
ខេត្តបាត់ដំបង ៖ ក្រុមចោរចំនួន៥នាក់ ក្នុងចំណោមបក្សពួកយ៉ាងតិច១៥នាក់ ដែលជិះម៉ូតូទាំងហ្វូងតាមស្ទាក់កា.ប់ «ប្លន់» នោះ ត្រូវកម្លាំងសមត្ថកិច្ចធ្វើការស្រាវជ្រាវតាមឃាត់ខ្លួនបានជាបន្តបន្ទាប់ គិតត្រឹមម៉ោង១០និង៤០នាទីព្រឹក ថ្ងៃទី១០ ខែមេសា ឆ្នាំ២០២៣នេះ ក្រោយពីក្រុមជនទាំងនេះធ្វើសកម្មភាពស្ទាក់កា.ប់ «ប្លន់» អ្នកដំណើរមិនរើសមុខតាមដងផ្លូវ ស្ថិតក្នុងស្រុកថ្មគោល។ នេះបើតាមសេចក្ដីរាយការណ៍បឋមរបស់សមត្ថកិច្ច។
តាមសេចក្ដីរាយការណ៍បានឲ្យដឹងថា អំពើ «ប្លន់» ដែលបង្កឡើងដោយក្រុមចោរខាងលើនេះ បានកើតឡើងកាលពីវេលាម៉ោង៩និង៣០នាទីយប់ ថ្ងៃទី៩ ខែមេសា ឆ្នាំ២០២៣ នៅចំណុចខាងមុខសាលាបឋមសិក្សាពពាលខែ ស្ថិតក្នុងភូមិពពាលខែ ឃុំអូរតាគី ស្រុកថ្មគោល។
យោងតាមព័ត៌មានបឋមថា ក្រុមចោរទាំងនេះមានគ្នាប្រហែល១៥នាក់ ជិះម៉ូតូចំនួន៥គ្រឿង ប្រដាប់ដោយកាំបិ.ត និងដាវសាំម៉ូរៃ។ ហើយក្រុមនេះជិះម៉ូតូទាំងហ្វូងហែរហមគ្នាតាមដងផ្លូវ ដើម្បីស្វែងរកមុខសញ្ញាដែលពួកគេត្រូវស្ទាក់កា.ប់ «ប្លន់» យកម៉ូតូ ឬទ្រព្យសម្បត្តិ ដោយមិនរើសមុខនោះឡើយ។ នេះបើតាមសាក្សីនានាដែលបានប្រទះឃើញសកម្មភាពរបស់ពួកគេនៅយប់កើតហេតុនោះ។
លោក សេង លុច អធិការស្រុកថ្មគោល បានផ្ដល់ព័ត៌មានបឋមថា ក្រុមចោរមួយហ្វូងនេះ ជិះម៉ូតូចុះតាមផ្លូវលំមួយ នៅម្ដុំវត្តវាលទ្រា ស្ថិតក្នុងភូមិវាលទ្រា ឃុំអូរតាគី ហើយក៏ប្រទះនឹងអ្នកជិះម៉ូតូមួយគ្រឿងបញ្ច្រាស់ទិសគ្នា។ លោកនិយាយបន្តថា ពេលនោះក្រុមជនដៃដល់នាំគ្នាជិះម៉ូតូត្រឡប់ក្រោយវិញ រួចដេញតាមកា.ប់ជនរងគ្រោះត្រូវចំស្មាខាងស្ដាំ បណ្ដាលឲ្យរបួសធ្ងន់តែម្តង តែជនរងគ្រោះព្យាយាមជិះរត់ខ្លួន រហូតដល់សាលាបឋមសិក្សាពពាលខែ ក៏ចូលក្នុងសាលាដើម្បីឲ្យគេជួយ។ ហើយជនរងគ្រោះរូបនេះមានឈ្មោះ ញ៉ វាសនា ភេទប្រុស អាយុ២៣ឆ្នាំ រស់នៅភូមិស្លាស្លាក់ ឃុំអន្លង់រុន ស្រុកថ្មគោល។
ប៉ុន្តែលោកអធិការប្រាប់បន្តថា ហាក់ជារឿងចៃដន្យ នៅពេលជនរងគ្រោះខាងលើ ជិះម៉ូតូទាំងរបួសស្មាឈា.មកក្លាក់ចូលក្នុងសាលាឲ្យគេជួយ ខណៈក្រុមជនដៃដល់ទាំងហ្វូងជិះម៉ូតូដេញតាមពីក្រោយយ៉ាងប្រកិត ស្របពេលនោះក៏មានយុវជន០៣នាក់ជិះម៉ូតូឌុបគ្នាចេញពីក្នុងសាលា ក៏ជួបនឹងក្រុមជនដៃដល់នៅខាងមុខខ្លោងទ្វារ ហើយក៏ត្រូវក្រុមជនដៃជល់នេះចុះស្ទាក់កា.ប់យ៉ាងសាហា.វបំផុត ធ្វើឲ្យយុវជនទាំង៣នាក់នោះភ័យតក់ស្លុតក៏ចុះរត់ចោលម៉ូតូ ហើយក្រុមចោរទាំងនោះក៏ប្លន់យកម៉ូតូនោះជិះរត់គេចខ្លួនបាត់តែម្ដង។
ជុំវិញករណីខាងលើនេះ បើតាមប្រភពព័ត៌មានបានឲ្យដឹងថា កម្លាំងអធិការស្រុកថ្មគោល ធ្វើការស្រាវជ្រាវតាមឃាត់ខ្លួនបក្សពួកក្រុមចោរទាំងនេះបានម្នាក់ភ្លាមៗ ខណៈពេលចុះអន្តរាគមន៍ ព្រមទាំងដកហូតកាំបិ.តមួយដើមជាវត្ថុតាងផងដែរ ប៉ុន្តែបានបាក់ជា២កំណាត់ ដោយសារលោកចោរកា.ប់ម៉ូតូរបស់ជនរងគ្រោះ។ ចំណែកជនរងគ្រោះ (ម្ចាស់ម៉ូតូ) ទី២ ដែលទទួលថ្មបាក់ពីជនរងគ្រោះទី១ ហើយត្រូវក្រុមចោរ «ប្លន់» យកម៉ូតូទៅបាត់នោះ មានឈ្មោះ ចិត ចិនសា ភេទប្រុស អាយុ១៧ឆ្នាំ រស់នៅភូមិអូរតាគី ឃុំអូរតាគី ស្រុកថ្មគោល។ ដោយឡែកបក្សពួកក្រុមចោរម្នាក់ ដែលត្រូវកម្លាំងអធិការស្រុកថ្មគោល ចាប់បានភ្លាមៗ ក្រោយពេលកើតហេតុបន្តិចនោះ មានឈ្មោះ វ៉ាន់ ជូ ភេទប្រុស អាយុ១៨ឆ្នាំ រស់នៅភូមិប៉ោយសំរោង ឃុំតាពូង ស្រុកថ្មគោល។
អធិការស្រុកថ្មគោល លោក សេង លុច ដែលកំពុងបន្តនីតិវិធីលើករណី «ប្លន់» នេះ ជាមួយនឹងកម្លាំងការិយាល័យជំនាញ បានប្រាប់ថា ជនសង្ស័យម្នាក់ដែលត្រូវឃាត់ខ្លួនដំបូងគេ បានសារភាពទទួលស្គាល់កំហុសហើយ។
លោកអធិការ បញ្ជាក់ថា គិតត្រឹមម៉ោង១០និង៤០នាទីព្រឹក ថ្ងៃទី១០ ខែមេសានេះ កម្លាំងរបស់លោក ដែលមានកិច្ចសហការពីកម្លាំងការិយាល័យជំនាញ នៃស្នងការខេត្តផង បានធ្វើការស្រាវជ្រាវឃាត់ខ្លួនបក្សពួកជនដៃដល់ចំនួន៤នាក់បន្ថែមទៀត គឺសរុបចំនួន០៥នាក់ហើយ តែនៅមានបក្សពួកយ៉ាងតិចជាង១០នាក់ទៀត ដែលកំពុងសម្ងំលាក់ខ្លួន ហើយកម្លាំងយើងកំពុងដុតដៃដុតជើង តាមច្បាមមុខសញ្ញាទាំងនេះ ដែលយើងបានស្គាល់អត្តសញ្ញាណអស់ហើយ៕
ចែករំលែកព័តមាននេះ