មកពីបាចជីស្រូវត្រូវទឹកកួចបាត់មួយថ្ងៃទើបរកឃើញ(មានវីដេអូ)
ខេត្តបន្ទាយមានជ័យ ៖ បុរសម្នាក់ជិះម៉ូតូមកពីបាចជីស្រូវជិះឆ្លងប្រឡាយបង្ហៀរទឹក
ខេត្តបន្ទាយមានជ័យ ៖ បុរសម្នាក់ជិះម៉ូតូមកពីបាចជីស្រូវជិះឆ្លងប្រឡាយបង្ហៀរទឹក
ខេត្តបន្ទាយមានជ័យ ៖ បុរសម្នាក់ជិះម៉ូតូមកពីបាចជីស្រូវជិះឆ្លងប្រឡាយបង្ហៀរទឹក ទឹកហូរខ្លាំងធ្លាក់ចូលប្រឡាយបាត់រកឃើញតែម៉ូតូរហូតព្រឹកថ្ងៃទី១៨ ខែតុលា ឆ្នាំ២០១៧ នៅចំណុចស្ពានរលួស ស្ថិតភូមិស្ពានក្មេង ឃុំភ្នំដី ស្រុកភ្នំស្រុក ។
តាមប្រភពពីលោកវរសេនីយ៍ទោ យ៉ត សុផល អធិការនគរបាលស្រុកភ្នំស្រុកបានប្រាប់ថា បុរសរងគ្រោះ ឈ្មោះ ឡាយ ម៉ាប់ អាយុ៤៨ឆ្នាំ រស់នៅភូមិកណ្តាលខាងលិច ឃុំស្រះជីក ស្រុកភ្នំស្រុក ខេត្តបន្ទាយមានជ័យ ។ លោកអធិកាបានបញ្ជាក់ថា មុនពេលកើតហេតុបើតាមអ្នកឃើញហេតុការណ៍នេះបានឱ្យដឹងថា ជនរងគ្រោះបន្ទាប់ពីមកពីបាចជីស្រូវហើយបានជិះម៉ូតូនៅចំណុចប្រឡាយទឹកនៅចុងម្ខាងរួចរាល់ហើយបានជិះម៉ូតូឆ្លងប្រឡាយបង្ហៀរទឹកម្ខាងទៀត តែដោយទឹកប្រឡាយបង្ហៀរទឹកចុងក្រោយមានទឹកហូរខ្លាំងរេចង្កូតធ្លាក់ចូលប្រឡាយទឹកជ្រៅបណ្តាលលិចបាត់ដែលកើតហេតុនៅវេលាម៉ោង៥នឹង៣០នាទីល្ងាច កាលពីថ្ងៃទី១៧ ខែតុលា ឆ្នាំ២០១៧ ។
នៅពេលអ្នកឃើញហេតុការណ៍នោះមានបងប្អូនប្រជាពលរដ្ឋ២ទៅ៣នាក់បានចុះជួយដែរតែរកមិនឃើញសពឃើញតែម៉ូតូ បន្ទាប់មកបានប្រាប់សាច់ញាតិ និងសមត្ថកិច្ចជួយរករហូតដល់វេលាម៉ោង៦យប់ ថ្ងៃទី១៨ ខែតុលា ឆ្នាំ២០១៧ បានរកឃើញសពជនរងគ្រោះ បច្ចុប្បន្នសពត្រូវបានសាច់ញាតិរៀបចំធ្វើបុណ្យតាមប្រពៃណី ៕
ចែករំលែកព័តមាននេះ