កូរ៉េខាងជើងសាកល្បងលើកទី៣ ដ្រូនមុជទឹកវា.យប្រហារនុយក្លេអ៊ែរ
ប្រទេសកូរ៉េខាងជើង ៖ កូរ៉េខាងជើងអះអាងកាលពីថ្ងៃទី៨មេសាថា បានធ្វើការសាកល្បងថ្មីដ្រូន
ប្រទេសកូរ៉េខាងជើង ៖ កូរ៉េខាងជើងអះអាងកាលពីថ្ងៃទី៨មេសាថា បានធ្វើការសាកល្បងថ្មីដ្រូនមុជទឹកវាយប្រហារនុយក្លេអ៊ែរ ជាការឆ្លើយតបវិញ សមយុទ្ធយោធារួមកូរ៉េខាងត្បូង-អាមេរិក ដែលដ្រូនមុជទឹកនោះជាបចេ្ចកវិទ្យាថ្មីមួយរបស់ក្រុងព្យុងយ៉ាងដែលគេកំពុងសាកសួរគ្នា។
ទីភ្នាក់ងារព័ត៌មានផ្លូវការកូរ៉េខាងជើងKCNA រាយការណ៍ថា ការសាកល្បងអាវុធយុទ្ធសាស្ត្រនោះ ត្រូវបានធ្វើពីថ្ងៃទី៤ដល់ទី៧មេសា ។ អាវុធធុនHAEIL-2 នោះបានរត់ក្នុងទឹកក្នុងចម្ងាយ១០០០គីឡូម៉ែត្រ។ កូរ៉េខាងជើងធ្លាប់ប្រកាសកាលពីថ្ងៃទី២៣ មីនា ពីការធ្វើតេស្តលើកដំបូងគ្រឿងអាវុ.ធនេះដែលខ្លួនថា អាចបង្កឲ្យមានស៊ូណាមីវិទ្យុសកម្មដ៏ធំមហិមាមួយ។
KCNAបន្តថា អាវុធនោះពេលធ្វើតេស្តបានផ្ទុះចំកន្លែងកំណត់នៅក្នុងទឹក ដែលការសាកល្បងបង្ហាញពីភាពគួរឲ្យជឿជាក់នៃប្រព័ន្ធគ្រឿងសព្វាវុធយុទ្ធសាស្ត្រក្រោមទឹកនិងសមត្ថភាពខ្ពស់របស់វា។ នេះជាការសាកល្បងលើកទី៣ប្រព័ទ្ធអាវុ.ធថ្មីនេះរបស់កូរ៉េខាងជើង ដែលការសាកល្បងលើកទី១ធ្វើនាថ្ងៃទី២៣មីនា និងលើកទី២នាថ្ងៃទី២៨មីនា។
រុស្ស៊ីក៏ផលិតអាវុ.ធស្រដៀងគ្នានេះដែរ ដោយគ្រាប់បែកបុកឈ្មោះPOSEIDON មានសមត្ថភាពនុយក្លេអ៊ែរ។ បណ្ដាអ្នកជំនាញការយល់ថា បច្ចេកវិទ្យាដ៏ស្មុគ្រស្មាញ សម្រាប់ផលិតអាវុ.ធធុននេះ កូរ៉េខាងជើងហាក់មិនទាន់ទទួលបានទេ។ ប៉ុន្តែក៏ទោះបីក្រុងព្យុងយ៉ាងមើលទៅហាក់និយាយបំផ្លើស តែកម្រិតជោគជ័យនៃការធ្វើតេស្ត្ទាំងនោះ ហាក់ដូចជាបង្ហាញពីទំនុកចិត្តរបស់ក្រុងព្យុងយ៉ាងចំពោះបច្ចេកវិទ្យានេះ៕
ចែករំលែកព័តមាននេះ