វា.យប្រហារភូមិ២នៅបួគីណាហ្វាសូ ស្លា.ប់ជាង៤០នាក់
ប្រទេសបួគីណាហ្វាសូ ៖ ទីភ្នាក់ងារព័ត៌មានបារាំងAFP រាយការណ៍នាថ្ងៃទី៩មេសាថា ជនស៊ីវិលដល់ទៅ
ប្រទេសបួគីណាហ្វាសូ ៖ ទីភ្នាក់ងារព័ត៌មានបារាំងAFP រាយការណ៍នាថ្ងៃទី៩មេសាថា ជនស៊ីវិលដល់ទៅ៤៤នាក់ស្លា.ប់ កាលពីយប់ថ្ងៃទី៦មកទី៧មេសា ក្នុងការវា.យប្រហារលើភូមិ២នៅភាគឦសានបួគីណាហ្វាសូជិតព្រំដែនជាមួយនីហ្សេ ដែលនោះជាដំណាក់កាលថ្មីនៃអំពើហិ.ង្សារបស់ពួកជីហាដនិយមក្នុងប្រទេសដ៏ក្រីក្របំផុតនោះ។
អភិបាលតំបន់សាហែលវរសេនីយឯកRODOLPHE SORGHOរៀបរាប់ថា តុល្យការបណ្ដោះអាសន្ននៃការវាយប្រហារដ៏សែនអាក្រក់ព្រៃផ្សៃនោះ ប្រឆាំងភូមិគូរ៉ាគូនិងភូមិតុនដូប៊ី អះអាងពីជនស៊ីវិលស្លា.ប់៤៤នាក់និងរបួសច្រើននាក់។ មនុស្ស៣១នាក់ស្លា.ប់នៅភូមិគូរ៉ាគូនិង១៣នាក់ស្លា.ប់នៅភូមិតុនដូប៊ី។
បុរសអ្នកភូមិគូរ៉ាគូម្នាក់អះអាងតាមទូរស័ព្ទប្រាប់AFPថា ពួកភេរវករក្នុងចំនួនដ៏ច្រើនបានលុកចូលក្នុងភូមិនាចុងថ្ងៃទី៦មេសា។ ពេញមួយយប់គេស្ដាប់ឮស្នូរបាញ់ប្រហារ រួចនាព្រឹកថ្ងៃទី៧មេសាទើបគេឃើញមនុស្សស្លា.ប់ច្រើនសិបនាក់។ តាមប្រជាជនភូមិនោះថា ការវា.យប្រហារនេះជាការសងសឹកចំពោះការវាយសម្លាប់ កាលពីប៉ុន្មានថ្ងៃមុននេះ ជនជីហាដ២នាក់ដែលចូលមកក្នុងភូមិប៉ុនប៉ងលួចសត្វពាហនៈ។
ការវា.យប្រហារលើភូមិទាំងនេះដែលស្ថិតនៅចម្ងាយត្រឹម៥គីឡូម៉ែត្រពីឃុំSEYTENGA ជាឃុំជាប់ព្រំដែនជាមួយនីហ្សេ ដែលកាលពីខែមិថុនាឆ្នាំ២០២២ ជួបប្រទះការវា.យប្រហារដ៏បង្ហូរឈា.មបំផុតមួយ នៃប្រវត្តិសាស្ត្ររបស់បួគីណាហ្វាសូ បណ្ដាលឲ្យមនុស្សស្លា.ប់ដល់៨៦នាក់ ជាស្នាដៃក្រុមរដ្ឋអ៊ិស្លាមនៅតំបន់សាហារ៉ា៕
ចែករំលែកព័តមាននេះ