ភាពតានតឹងកាន់តែឡើងកំដៅនៅតំបន់មជ្ឈឹមបូព៌ា
តំបន់មជ្ឈឹមបូព៌ា ៖ យោងតាមកងទ័ពអ៊ីស្រាអែលថា គ្រាប់រ៉ុក្កែត៣គ្រាប់ត្រូវបានបា.ញ់ចេញកាលពី
តំបន់មជ្ឈឹមបូព៌ា ៖ យោងតាមកងទ័ពអ៊ីស្រាអែលថា គ្រាប់រ៉ុក្កែត៣គ្រាប់ត្រូវបានបា.ញ់ចេញកាលពីយប់ថ្ងៃទី៨មេសាពីដែនដីស៊ីរីសំដៅអ៊ីស្រាអែល។
ក្នុងសេចក្ដីប្រកាសខ្លីមួយកងទ័ពអ៊ីស្រាអែលនិយាយថា ក្នុងចំណោមគ្រាប់រ៉ុក្កែតទាំង៣គ្រាប់នេះ ១គ្រាប់ធ្លាក់់ក្នុងទីវាលមួយនៃភាគខាងត្បូងខ្ពង់រាបហ្គោឡង់ដែលអ៊ីស្រាអែលបញ្ចូលជាឧបសម្ព័ន្ធ។
មុននេះកងទ័ពអ៊ីស្រាអែលថ្លែងថា ស្នូរស៊ីរ៉ែនប្រកាសអាសន្នត្រូវបានបន្លឺឡើងក្នុងតំបន់ខ្ពង់រាបហ្គោឡង់នោះ ដែលអ៊ីស្រាអែលដណ្ដើមយកបានកាលពីឆ្នាំ១៩៦៧ ហើយបញ្ចូលតំបន់នោះរបស់ស៊ីរីមួយផ្នែកជាឧបសម្ព័ន្ធរបស់ខ្លួន។ តំបន់នេះជាទីតាំងយុទ្ធសាស្ត្រមួយស្ថិតនៅជាប់ព្រំដែនលីបង់។ អ៊ីស្រាអែលនាពេលថ្មីៗនេះ បានបង្កើនការវាយឆ្មក់តាមអាកាសរបស់ខ្លួននៅស៊ីរី សំដៅជាពិសេសលើបណ្ដាក្រុមស្និទ្ធអ៊ីរ៉ង់ជាសត្រូវលេខមួយរបស់ខ្លួន។ ក្រោយការបាញ់គ្រាប់រ៉ុក្កែតទាំងនេះ អ៊ីស្រាអែលនាថ្ងៃទី៩មេសាបានវា.យប្រហារលើស៊ីរីជាការសងសឹកវិញ។ កងកាំភ្លើងធំអ៊ីស្រាអែលបានបា.ញ់លើតំបន់ស៊ីរី កន្លែងបាញ់ចេញគ្រាប់រ៉ុក្កែត។
ការបាញ់គ្រាប់រ៉ុក្កែតចេញពីស៊ីរីនោះកើតមាន បន្ទាប់ពីមានភាពតានតឹងខ្លាំងពុំធ្លាប់មានពីមុន នៅខ្សែរណសិរ្សអ៊ីស្រាអែល-លីបង់ចាប់តាំងពីឆ្នាំ២០០៦មក។ កាលពីថ្ងៃទី៦មេសាគ្រាប់រ៉ុក្កែតជាង៣០គ្រាប់ ត្រូវបានបាញ់ចេញពីភាគខាងត្បូងលីបង់ ស្រោចដាក់ដែនដីអ៊ីស្រាអែល បណ្ដាលឲ្យមនុស្សម្នាក់រងរបួសនិងបណ្ដាលឲ្យមានការខូចខាតសម្ភារច្រើន។ កងទ័ពអ៊ីស្រាអែលនាយប់ថ្ងៃទី៦មេសា បានវា.យប្រហារតាមអាកាសលើជ្រោយហ្គាហ្សា និងលើលីបង់ជាការសងសឹកវិញ។
កាលពីយប់ថ្ងៃទី៧មេសាអ៊ីស្រាអែល ប្រកាស ពីការប្រមូលកម្លាំងប៉ូលិសបម្រុងនិងកងទាហានបន្ថែម ក្រោយការស្លា.ប់មនុស្ស៣នាក់ ក្នុងនោះមានអ្នកទេសចរជនជាតិអ៊ីតាលីម្នាក់ ក្នុងការវា.យប្រហារភេរវកម្ម២ពេលកំពុងមានភាពតានតឹងខ្លាំងនៅមជ្ឈឹមបូព៌ា។ នាវេលាម៉ោង២១និង៣៥នាទីម៉ោងក្នុងស្រុក មនុស្សម្នាក់បានបើករថយន្តបំបុកបណ្ដាអ្នកដើរ តាមចិញ្ចើមមហាវិថីមួយនៃក្រុងតែលអាវីវ បណ្ដាលឲ្យបុរសម្នាក់អាយុ៣៦ឆ្នាំស្លា.ប់ដែលនោះជាអ្នកទេសចរជនជាតិអ៊ីតាលី។ ចំណែកមនុស្ស៧នាក់ទៀតរងរបួស។ អ្នកបើករថយន្តនេះត្រូវគេបា.ញ់សម្លា.ប់។
មុននេះនារីវ័យក្មេងអ៊ីស្រាអែល២នាក់បងប្អូន ម្នាក់អាយុ១៦ឆ្នាំនិងម្នាក់ទៀតអាយុ២០ឆ្នាំ បានត្រូវស្លា.ប់ហើយម្ដាយពួកគេរបួសធ្ងន់ ក្នុងការវា.យប្រហារមួយក្នុងតំបន់ស៊ីសហ្ស៊កដានីប៉ាឡេស្ទីនដែលអ៊ីស្រាអែលកាន់កាប់ចាប់តាំងពីឆ្នាំ១៩៦៧មក៕
ចែករំលែកព័តមាននេះ