រន្ធត់ណាស់! បើករថយន្តបុកឆេះយ៉ាងសន្ធោសន្ធៅ (មានវីដេអូឃ្លីប)
ផ្សាយកាលពីពេល ថ្មីៗកន្លងមកថា
«Washington Post»ផ្សាយកាលពីពេល ថ្មីៗកន្លងមកថា បុរសជនជាតិអាមេរិកម្នាក់បើករថយន្តដឹកគូស្នេហ៍ទៅបុករបាំងថ្មនៅក្បែរផ្លូវបង្កឱ្យឆាបឆេះ ប៉ុន្តែស្របពេលជាមួយគ្នានេះរូបគេបែរជាហៅតាក់ស៊ីជិះចេញពីកន្លែងកើតហេតុទុកឱ្យនារីម្នាក់ស្លាប់បាត់បង់ជីវិតក្នុងភ្លើង ។
ហេតុការណ៍កើតឡើងនៅលើផ្លូវល្បឿនលឿន«Brooklyn-Queens» លោកSaeed Ahmadអាយុ២៣ឆ្នាំបានបើករថយន្ត«Infiniti»បុកជាមួយរបាំងផ្លូវបណ្តាលឱ្យកើតមានភ្លើងឆាបឆេះ ។
ក្រោយកើតហេតុលោកSaeedប្រញាប់ចាកចេញពីរថយន្តដែលភ្លើងកំពុងឆាបឆេះដោយទុកនាងHarleen Grewelអាយុ២៥ឆ្នាំចោល ហើយត្រូវភ្លើងឆាបឆេះរហូតស្លាប់បាត់បង់ជីវិត ។ ហេតុការណ៍នោះត្រូវគេថតបាន ធ្វើឱ្យលោកSaeed ត្រូវគេរិះគន់ថាជាមនុស្សអាត្មានិយម ដោយបានហៅតាក់ស៊ីជិះចេញពីកន្លែងកើតហេតុ ទុកចោលគូស្នេហ៍រហូតស្លាប់បាង់បង់ជីវិត ។
តាក់ស៊ីនោះបាននាំលោកSaeedទៅមន្ទីរពេទ្យព្យាបាលរបួស ។ បន្ទាប់មកប៉ូលិសចូលឃាត់ខ្លួនលោកSaeedនៅមន្ទីរពេទ្យដោយចោទប្រកាន់ថា បើកបរលឿនហួសកំណត់ គ្មានប័ណ្ណបើកបរ និងគេចចេញពីកន្លែងកើតហេតុដោយមិនខ្វល់ពីអ្នករួមដំណើរ ។
រហូតមកដល់ពេលនេះ នៅមិនទាន់មានរបាយការណ៍បញ្ជាក់បន្ថែមថា តើលោកSaeedស្ថិតក្នុងអាការស្រវឹង ឬអត់ទេ ? ប៉ុន្តែលោកវ៉ាហ៊ីដ អាម៉ាដ ជាបងប្រុសបញ្ជាក់ថា Saeedព្យាយាមជួយនាងGrewelរហូតមានរបួស ប៉ុន្តែមិនអាចជួយសង្រេ្គោះបានទេ ទើបសម្រេចចិត្តទៅរកមន្ទីរពេទ្យដោយខ្លួនឯង ៕
ចែករំលែកព័តមាននេះ