អត្ថប្រយោជន៍សេដ្ឋកិច្ចនៃគំនិតផ្តួចផ្តើមខ្សែក្រវាត់ និងវិថី
ទីក្រុងញូវយ៉ក ៖ តាំងពីឆ្នាំ២០១៣មក ប្រទេសចិនបានព្យាយាមសម្រេចគំនិតផ្តួចផ្តើមខ្សែក្រវាត់ និងវិថីរបស់ខ្លួន ដែលមាន
ទីក្រុងញូវយ៉ក ៖ តាំងពីឆ្នាំ២០១៣មក ប្រទេសចិនបានព្យាយាមសម្រេចគំនិតផ្តួចផ្តើមខ្សែក្រវាត់ និងវិថីរបស់ខ្លួន ដែលមាន
ទីក្រុងញូវយ៉ក ៖ តាំងពីឆ្នាំ២០១៣មក ប្រទេសចិនបានព្យាយាមសម្រេចគំនិតផ្តួចផ្តើមខ្សែក្រវាត់ និងវិថីរបស់ខ្លួន ដែលមានគោលដៅអភិវឌ្ឍន៍ហេដ្ឋារចនាសម្ព័ន្ធ និងតភ្ជាប់គោលនយោបាយរវាងប្រទេសប្រមាណ៦០ នៅអាស៊ី អឺរ៉ុប និងអាហ្វ្រិក ។
អ្នករិះគន់បារម្ភថា ចិនអាចនឹងផ្តោតលើការពង្រីកឥទ្ធិពលភូមិសាស្ត្រ និងនយោបាយរបស់ខ្លួន ដើម្បីប្រកួតជាមួយសហរដ្ឋអាមេរិក និងជប៉ុន ហើយធ្វើឲ្យការផ្តួចផ្តើមគំនិតនេះមិនផ្តល់អត្ថប្រយោជន៍សេដ្ឋកិច្ចខ្លាំងក្លា ។ ប៉ុន្តែប្រសិនបើលក្ខខណ្ឌមួយចំនួនសម្រេចនោះ អត្ថប្រយោជន៍សេដ្ឋកិច្ចបានពីគំនិតផ្តួចផ្តើមនេះ គឺច្រើនណាស់ ។
របាយការណ៍របស់ធនាគារអភិវឌ្ឍន៍អាស៊ីឲ្យដឹងថា ប្រទេសជាច្រើនដែលចូលរួមផ្តួចផ្តើមគំនិតនេះ ត្រូវការការវិនិយោគលើហេដ្ឋារចនាសម្ព័ន្ធខ្នាតធំយ៉ាងច្រើនដូចការសន្យារបស់ចិន ។
ប្រទេសបង់ក្លាដែស និងកាហ្សាក់ស្ថានខ្វះខាតការផ្គត់ផ្គង់ថាមពលអគ្គិសនីអាចទុកចិត្តបាន ដែលធ្វើឲ្យប៉ះពាល់ដល់វិស័យផលិតកម្ម និងការនាំចេញ ។ រីឯឥណ្ឌូណេស៊ីគ្មានកំពង់ផែគ្រប់គ្រាន់សម្រាប់ការធ្វើសមាហរណកម្មសេដ្ឋកិច្ចក្នុងស្រុក និងធ្វើពាណិជ្ជកម្មអន្តរជាតិ ។
គំនិតផ្តួចផ្តើមខ្សែក្រវាត់ និងវិថីនេះសន្យាថា នឹងជួយដល់ប្រទេសទាំងឡាយអាចឆ្លងកាត់ឧបសគ្គទាំងនោះ តាមរយៈការផ្តល់ថវិកាបរទេសសម្រាប់សាងសង់កំពង់ផែ ផ្លូវថ្នល់ សាលារៀន មន្ទីរពេទ្យ និងវារីអគ្គិសនីជាដើម ។
ប្រាកដណាស់ ការផ្តល់ថវិកាបរទេសតែម្ខាង គឺមិនគ្រប់គ្រាន់ទេ ប្រទេសដែលទទួលថវិកាទាំងនោះត្រូវធ្វើកំណែទម្រង់សំខាន់ៗ ដោយបង្កើនតម្លាភាព និងអាចប្រមើលទុកបាន តាមរយៈការកាត់បន្ថយហានិភ័យវិនិយោគ ។ ដូច្នេះ ការអនុម័តនៃកំណែទម្រង់ទាំងនេះ គឺជាកត្តាដ៏សំខាន់ដែលបង្កឲ្យមានអត្ថប្រយោជន៍សេដ្ឋកិច្ច ឬអត់ពីការវិនិយោគនេះ ។
សម្រាប់ចិន ការវិនិយោគលើខ្សែក្រវាត់ និងវិថី គឺមានភាពទាក់ទាញយ៉ាងខ្លាំងផ្នែកសេដ្ឋកិច្ច ជាពិសេស ពេលក្រុមហ៊ុនចិនដឹកនាំការសាងសង់ ។ ក្នុងឆ្នាំ២០១៣ ពេលចិនស្នើឲ្យមានគំនិតផ្តួចផ្តើមនេះដំបូង ប្រទេសនេះមានរូបិយប័ណ្ណបរទេសសរុប៤ទ្រីលានដុល្លារ ។
ហេតុនេះ ការវិនិយោគលើគំនិតផ្តួចផ្តើមនេះ មិនត្រូវការចំណាយច្រើនទេសម្រាប់ចិន ជាពិសេស ពេលពួកគេអាចទាញអត្ថប្រយោជន៍បានខ្ពស់ ។ ការធ្វើពាណិជ្ជកម្មរបស់ចិនស្មើ៤០% នៃ GDP ក្នុងប្រទេស គឺខ្ពស់ជាងសហរដ្ឋអាមេរិក ។ ប៉ុន្តែបើចិនវិនិយោគក្នុងប្រទេសដែលកំពុងមានហេដ្ឋារចនាសម្ព័ន្ធមិនល្អ ឬមិនគ្រប់គ្រាន់ ពួកគេអាចបង្កើនការធ្វើពាណិជ្ជកម្មជាមួយប្រទេសទាំងនោះបាន និងផ្តល់អត្ថប្រយោជន៍ដល់ក្រុមហ៊ុន និងពលករថែមទៀត ។
ប៉ុន្តែវាមិនមានន័យថា ការវិនិយោគទាំងនេះគ្មានហានិភ័យទេសម្រាប់ចិន ។ ប្រាក់ចំណេញដែលបានមកវិញ នឹងពឹងផ្អែកលើការសម្រេចចិត្តរបស់ក្រុមហ៊ុនទាំងនោះ ជាពិសេស បើពួកគេមិនផ្តោតសំខាន់លើប្រសិទ្ធភាពទេនោះ ក្រុមហ៊ុនរដ្ឋរបស់ចិនអាចនឹងវិនិយោគលើគម្រោងដែលទទួលបានប្រាក់ចំណេញមកវិញតិច ។
នេះជាមូលហេតុដែលដំណើរការធ្វើកំណែទម្រង់របស់ក្រុមហ៊ុនរដ្ឋចិន ត្រូវការតាមដានយ៉ាងដិតដល់ ។ យ៉ាងណាក្តី អត្ថប្រយោជន៍សេដ្ឋកិច្ចបានមកពីការវិនិយោគនេះនៅតែច្រើនដដែល ។
សូម្បីតែសហរដ្ឋអាមេរិក និងប្រទេសដទៃ ក៏អាចទាញអត្ថប្រយោជន៍ពីគំនិតផ្តួចផ្តើមនេះដែរ។ ប្រមាណ១ទសវត្សរ៍ បន្ទាប់ពីវិបត្តិហិរញ្ញវត្ថុសកលកើតមានឡើង ការងើបឡើងវិញនៃសេដ្ឋកិច្ចក្នុងផ្នែកមួយចំនួនលើពិភពលោក នៅទន់ខ្សោយនៅឡើយ ។ ការវិនិយោគខ្នាតធំលើហេដ្ឋារចនាសម្ព័ន្ធអាចជំរុញរយៈពេលខ្លីដល់តម្រូវការសកលបាន ។ សហរដ្ឋអាមេរិកអាចនឹងមើលឃើញការនាំចេញកើនឡើង ខណៈតម្រូវការរថយន្ត ក្បាលរថភ្លើង យន្តហោះ ឧបករណ៍សាងសង់ទំនើបៗ សេវាកម្មហិរញ្ញវត្ថុ គណនេយ្យ អប់រំ និងផ្នែកច្បាប់កើនឡើង ។
ក្នុងរយៈពេលវែង ហេដ្ឋារចនាសម្ព័ន្ធថ្មីៗនឹងជួយសម្រួលផ្នែកភស្តុភារ និងកាត់បន្ថយតម្លៃវត្ថុធាតុដើមសម្រាប់ផលិតកម្ម ។ លទ្ធផល គឺកំណើនសមត្ថភាពផលិត និងការលូតលាស់កាន់តែលឿន ។
ប្រសិនបើគម្រោងទាំងនេះប្រព្រឹត្តឡើងតាមស្តង់ដាបរិស្ថាន និងសង្គមខ្ពស់នោះ បញ្ហាបម្រែបម្រួលបរិយាកាស និងវិសមភាព ក៏អាចដោះស្រាយកាន់តែច្រើនផងដែរ ។ ឱកាសសម្រេចបានស្តង់ដាទាំងនេះ នឹងពឹងផ្អែកលើចំនួនប្រទេសចូលរួមក្នុងគម្រោង ៕
ចែករំលែកព័តមាននេះ