កងរាជអាវុធហត្ថខេត្ត ស្រាវជ្រាវចាប់ខ្លួនជនសង្ស័យ៣នាក់វា.យប្លន់ម៉ូតូ
- តាកែវ
ជន៣នាក់ ដែលជាប់សង្ស័យពាក់ព័ន្ធនឹងករណីពួនស្ទាក់វា.យយកម៉ូតូ នៅលើ
ខ្នងប្រឡាយត្រពាំងស្រងាំ ក្នុងភូមិស្លែង ឃុំជំរះពេន ស្រុកសំរោង
ជន៣នាក់ ដែលជាប់សង្ស័យពាក់ព័ន្ធនឹងករណីពួនស្ទាក់វា.យយកម៉ូតូ នៅលើ
ខ្នងប្រឡាយត្រពាំងស្រងាំ ក្នុងភូមិស្លែង ឃុំជំរះពេន ស្រុកសំរោង
ខេត្តតាកែវ ៖ ជន៣នាក់ ដែលជាប់សង្ស័យពាក់ព័ន្ធនឹងករណីពួនស្ទាក់វា.យយកម៉ូតូ នៅលើ
ខ្នងប្រឡាយត្រពាំងស្រងាំ ក្នុងភូមិស្លែង ឃុំជំរះពេន ស្រុកសំរោង កាលពីថ្ងៃទី២៣ ខែមីនា ឆ្នាំ២០២៣កន្លងទៅ បានត្រូវកងរាជអាវុធហត្ថខេត្ត សហការជាមួយកងរាជអាវុធហត្ថស្រុកសំរោង ចាប់ឃាត់ខ្លួនកាលពីថ្ងៃទី២ ខែមេសា ឆ្នាំ២០២៣ ។
លោកវរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្ត បានឲ្យដឹងថា ជនសង្ស័យទាំង៣នាក់ ត្រូវបានចាប់ខ្លួនតាមពេលវេលាផ្សេងៗគ្នា ៖
១-វេលាម៉ោង៩និង២៥នាទីព្រឹក ឃាត់ខ្លួន ឈ្មោះ រឿន សាម៉ឺឌី ភេទប្រុស អាយុ១៧ឆ្នាំ ។
២-វេលាម៉ោង១០និង១០នាទីព្រឹក ឃាត់ខ្លួនឈ្មោះ ហៃ វាសនា ភេទប្រុស អាយុ២២ឆ្នាំ ។ ទាំងពីរនាក់នេះ រស់នៅភូមិខ្វាវ ឃុំខ្វាវ ស្រុកសំរោង ។
៣-វេលាម៉ោង១០និង២០នាទីព្រឹក ឃាត់ខ្លួនឈ្មោះ វណ្ណ ភារម្យ ហៅ ង៉ែត ភេទប្រុស អាយុ៣៧ឆ្នាំ មុខរបរមិនពិតប្រាកដ រស់នៅភូមិបឹង ឃុំខ្វាវ ស្រុកសំរោង ។
លោកវរសេនីយ៍ឯក ង៉ែត ចាន់ធី បន្តថា តាមពាក្យបណ្តឹងរបស់ឪពុកមាជនរងគ្រោះឈ្មោះ ឆាង ប៊ុនធឿន អាយុ៣០ឆ្នាំ ជាកសិកររស់នៅភូមិស្លែង ឃុំជំរះពេន ស្រុកសំរោង រៀបរាប់ថា កាលពីថ្ងៃទី២៣ ខែមីនា ឆ្នាំ២០២៣ វេលាម៉ោងប្រមាណ១និង៣០នាទីរសៀល មានជន៣នាក់ ក្នុងនោះស្គាល់ម្នាក់ឈ្មោះ សាម៉ឺឌី បានធ្វើសកម្មភាពស្ទាក់វាយយកម៉ូតូក្មួយរបស់គាត់ នៅលើខ្នងប្រឡាយត្រពាំងស្រងាំ ស្ថិតក្នុងភូមិស្លែងឃុំជំរះពេន ។
ម៉ូតូដែលត្រូវប្លន់យកទៅនោះម៉ាកហុងដាសេ១២៥ ស៊េរីឆ្នាំ២០២០ ពណ៌ខ្មៅ ពាក់ផ្លាកលេខកំពង់ស្ពឺ ១R-៦៣៨៥ ជារបស់ក្មួយស្រីគាត់ឈ្មោះ សុត រចនា អាយុ១៦ឆ្នាំ ជាសិស្ស រស់នៅភូមិស្លែង ឃុំជំរះពេន ។ ក្រោយពីធ្វើសកម្មភាពរួច ក្រុមជនសង្ស័យក៏យកម៉ូតូជិះគេចខ្លួនទៅបាត់ តែដោយការស្រាវជ្រាវយ៉ាងយកចិត្តទុកដាក់ ជនសង្ស័យក៏ត្រូវឃាត់ខ្លួនបាន ។
នៅចំពោះមុខសមត្ថកិច្ច ជនសង្ស័យទាំង៣នាក់សារភាពថា ពួកគេពិតជាបានស្ទាក់វា.យយក
ម៉ូតូពីជនរងគ្រោះប្រាកដមែន និងត្រូវបាន កសាងសំណុំរឿងបញ្ជូនទៅសាលាដំបូងខេត្ត នៅល្ងាចថ្ងៃទី៣ ខែមេសា ឆ្នាំ២០២៣ ៕
ចែករំលែកព័តមាននេះ